ناگن 3 کی مشہور اداکارہ کس بھارتی کرکٹر سے ڈیٹ کررہی ہیں؟
اشاعت کی تاریخ: 30th, January 2025 GMT
شوبز انڈسٹری میں کرکٹرز اور اداکاراؤں کے معاشقے کوئی نئی بات نہیں۔ ماضی میں بھی کئی کھلاڑیوں کے بالی ووڈ حسیناؤں کے ساتھ تعلقات رہے ہیں، جن میں سے کچھ تو شادی کے بندھن میں بندھ گئے اور کچھ محض افواہوں تک محدود رہے۔
کرکٹ کی دیوانگی اور بالی ووڈ کی چمک دمک ایک دوسرے کو کشش کرتی ہیں۔ یہی وجہ ہے کہ کئی مشہور اداکارائیں پاکستانی کرکٹرز کے سحر میں بھی مبتلا رہیں۔ رینا رائے اور محسن خان کی محبت کی داستان بھی ایسی ہی ایک مثال ہے، اگرچہ ان کا رشتہ زیادہ دیر نہ چل سکا۔
شعیب ملک اور ثانیہ مرزا، دو مختلف کھیلوں کے ستارے، ایک بندھن میں بندھے، لیکن ان کی کامیاب جوڑی بھی آخرکار ٹوٹ گئی۔ اب ایک نئی جوڑی کی افواہیں گردش کررہی ہیں، اور وہ ہے بھارتی اداکارہ ماہرہ شرما اور کرکٹر محمد سراج کی۔
ماہرہ شرما، جو ’’ناگن 3‘‘ اور ’’بگ باس 13‘‘ جیسے مشہور شوز میں نظر آچکی ہیں، اپنی خوبصورتی اور اداکاری کےلیے جانی جاتی ہیں۔ دوسری جانب، محمد سراج، انڈین کرکٹ ٹیم کے ابھرتے ہوئے فاسٹ بولر ہیں، جو اپنی تیز رفتار گیند بازی کےلیے مشہور ہیں۔
سراج اوراور ماہرہ کے درمیان معاشقے کی افواہیں اس وقت زور پکڑیں جب سوشل میڈیا پر ان کی تصاویر ایک ساتھ نظر آئیں۔ کہا جارہا ہے کہ دونوں ایک دوسرے کو ڈیٹ کر رہے ہیں، لیکن ابھی تک کسی نے اس کی تصدیق یا تردید نہیں کی ہے۔
ماہرہ شرما کا ماضی بھی کچھ کم دلچسپ نہیں ہے۔ محمد سراج سے پہلے ان کا نام اداکار پارس چھابڑا کے ساتھ جوڑا جاتا تھا۔ دونوں کی ملاقات بگ باس 13 کے گھر میں ہوئی تھی، لیکن ان کا رشتہ زیادہ دیر نہ چل سکا۔
محمد سراج کے حوالے سے بھی کچھ افواہیں گردش کرچکی ہیں۔ کچھ عرصہ قبل ان کا نام آشا بھوسلے کی نواسی زنائی بھوسلے کے ساتھ جوڑا جا رہا تھا، لیکن زنائی نے فوری طور پر ان افواہوں کی تردید کر دی تھی۔
اب دیکھنا یہ ہے کہ ماہرہ اور سراج کے درمیان تعلقات کی یہ افواہیں کب تک دم توڑتی ہیں، یا پھر ان کی محبت کی کوئی نئی داستان رقم ہوتی ہے۔
.ذریعہ: Express News
پڑھیں:
طلاق کے اگلے روز مارننگ شو کرنے پہنچ گئی تھی، امبر خان
کراچی(نیوز ڈیسک)پاکستانی اداکارہ و میزبان امبر خان نے انکشاف کیا ہے کہ وہ طلاق ہونے کے بعد عدت کرنے کے بجائے اگلے ہی روز اپنا مارننگ شو کرنے پہنچ گئی تھیں۔نجی چینل کے پروگرام میں شرکت کے دوران امبر خان نے اپنی زندگی سے متعلق کھل کر گفتگو کرتے ہوئے کہا کہ زندگی میں پچھتاوے رہیں گے ہمیں انہیں نکالنا ہے، ہمیں اپنی کاؤنسلنگ کرنی چاہیے جو ہم نہیں کرتے۔اداکارہ کا کہنا تھا کہ میری جب طلاق ہوئی تو اگلے روز میرا مارننگ شو تھا، میں چاہتی تو نہ جاتی لیکن میں بہت ذمہ دار ہوں کہ اس ٹراما سے گزرنے کے باوجود شو کرنے پہنچی۔
بات کو جاری رکھتے ہوئے امبر خان نے کہا کہ ہر کسی کی اپنی سوچ ہوتی ہے، مجھے پتا ہے میں کیا غلط کیا صحیح کررہی ہوں میں نے کبھی اس بات کی پرواہ نہیں کی کہ لوگ کیا کہیں گے، مجھے پتا ہونا چاہیے میرا اللہ تعالیٰ سے رابطہ ہے، میں غلط کروں گی تو سزا ملے گی اس لیے مجھے ڈر و خوف ہے۔اداکارہ کا کہنا تھا کہ اگر برا وقت آئے تو کیا عوام میرے گھر کی دال روٹی چلائے گی، کوئی نہیں آئے گا، آپ میں اعتماد ہونا چاہیے، گھبرائیں نہیں۔انہوں نے مزید کہا کہ طلاق ہونا قسمت میں تھی، مجھے پتا ہے میں نے کچھ غلط نہیں کیا پھر بھی میرے ساتھ ایسا ہوا، شاید اگر میں ابھی تک شادی شدہ رہتی تو میری زندگی مزید خراب رہتی اس لیے میں پچھتاتی نہیں۔امبر خان نے کہا کہ ایک وقت تھا جب احساس ہوتا تھا لیکن وقت کے ساتھ ساتھ وژن بڑا ہوتا ہے، میں میڈیا میں ہوں اس لیے مجھے لگتا ہے کہ جن چیزوں سے میں گزری ہوں اس کے بارے میں لوگوں کو بتانا ہے کیوں کہ وہ ہمیں اپنا رول ماڈل سمجھتے ہیں۔
امبر خان نے کہا کہ شادی کے بات کچھ پیسوں کے حالات ایسے ہوگئے تھے کہ مجھے گھر سے نکلنا پڑا اور کپڑے بنانے کا کام شروع کیا جس کے لیے میں ہر جگہ اپنی بیٹی کو ساتھ ساتھ لے کر جاتی تھی۔انہوں نے مزید بتایا کہ شوبز میں بھی مجبوری کے تحت آئی تھی میرا کوئی ارادہ نہیں تھا اگر آنا ہوتا تو شادی سے پہلے آتی بعد میں کیوں آتی۔قبل ازیں ندا یاسر کے ایک شو میں اداکارہ نے بتایا تھاکہ وہ شوہر کے کہنے پر شوبز میں آئیں، ان کا کوئی ارادہ نہیں تھا اور انہوں نے شوبز کی پہلی کمائی سے ہی قسطوں پر گاڑی خریدی، جس پر انہیں بہت خوشی ہوئی لیکن شوبز میں آنے کے بعد شوہر سے ان کی طلاق ہوگئی۔
شعبان المعظم کا چاند دیکھنے کیلئے رویت ہلال کمیٹی کا اجلاس آج ہوگا
کالا باغ، والد نے چہلم امام حسینؑ پر شہید ہونیوالے 2 بیٹوں کا خون معاف کر دیا