بھارتی میڈیا کی آئی سی سی چیف کے استعفے کو چیمپیئنز ٹرافی سے جوڑنے کی کوشش
اشاعت کی تاریخ: 30th, January 2025 GMT
مستعفی آئی سی سی چیف ایگزیکٹو جیف ایلر ڈائس کے بارے میں چہ مگوئیاں ہونے لگیں، امریکا میں ٹی 20 ورلڈکپ میچز کے دوران فنڈز میں بے ضابطگیوں کی آڈٹ رپورٹ میں نشاندہی ہو چکی۔
ادھر بھارتی میڈیا ’’فیک نیوز‘‘ میں بازی لے گیا، ایلرڈائس کے استعفے کو پاکستان میں چیمپیئنز ٹرافی وینیوز کی تکمیل میں تاخیر سے جوڑ دیا۔
تفصیلات کے مطابق انٹرنیشنل کرکٹ کونسل کے چیف ایگزیکٹو جیف ایلرڈائس نے گزشتہ دنوں عہدے سے استعفا دیا تھا، بھارتی میڈیا کی بعض رپورٹس میں یہ دعویٰ کیا گیا کہ گزشتہ برس امریکا میں ورلڈ کپ میچز کی تیاریوں کے لیے اخراجات میں بے ضابطگیاں ہوئی تھیں، جس پر آئی سی سی بورڈ ممبران نے تحفظات ظاہر کیے تھے اور آڈٹ رپورٹ میں بھی اس کی نشاندہی ہوئی تھی۔
اس ورلڈ کپ کے بعد آئی سی سی کے کئی اہم عہدیدار مستعفی ہوئے، ان میں ایونٹس ہیڈ کرس ٹیٹلی، جنرل منیجر مارکیٹنگ و کمیونیکیشن کلیئر فرلونگ شامل تھیں، اینٹی کرپشن سربراہ الیکس مارشل بھی ذمہ داری سے الگ ہوگئے تھے، فوری طور پر یہ واضح نہیں ہوسکا کہ ایلرڈائس فوری طور پر عہدے سے ہٹ جائیں گے یا نئے سی ای او کی تقرری تک کام جاری رکھیں گے۔
جے شاہ کا آئی سی سی کی جانب سے جاری اعلامیے میں کہنا تھا کہ بورڈ کی جانب سے میں جیف ایلرڈائس کا بطور چیف ایگزیکٹو لیڈرشپ اور کمنٹنٹ پر دل کی گہرائیوں سے شکرگزار ہوں، کرکٹ کے عالمی سطح پر فروغ میں ان کی محنت کا اہم کردار ہے، ہم خدمات پر مشکور اور مستقبل کے حوالے سے نیک خواہشات کا اظہار کرتے ہیں۔
دوسری جانب ’’فیک نیوز‘‘ کے ماہر بھارتی میڈیا نے جیف ایلر ڈائس کا استعفے کا تعلق کھینچ تان کر چیمپیئنز ٹرافی سے جوڑ دیا کہ انھوں نے راولپنڈی اور کراچی اسٹیڈیمز کی تیاری میں تاخیر سے آئی سی سی بورڈ کو آگاہ نہیں کیا جس کی وجہ سے استعفا لیا گیا۔
.ذریعہ: Daily Mumtaz
کلیدی لفظ: بھارتی میڈیا
پڑھیں:
چمپئینز ٹرافی ،بھارتی فاسٹ بولربمراہ کی شرکت غیریقینی
ممبئی (اسپورٹس ڈیسک )بھارتی کرکٹ ٹیم کے فاسٹ بولر جسپریت بمراہ کی چمپئینز ٹرافی میں شرکت پر غیر یقینی کے بادل منڈلانے لگے۔میڈیا رپورٹس کے مطابق دورہ آسٹریلیا میں پانچویں ٹیسٹ میچ کے دوران کمر کی تکلیف کا شکار ہونیوالے بھارتی فاسٹ بولر جسپریت بمراہ کی میگا ایونٹ میں شمولیت کھٹائی میں پڑتی دیکھائی دے رہی ہے۔ بھارت نے جسپریت بمرا کا نام انگلینڈ سے ون ڈے سیریز اور چمپئینز ٹرافی کے اسکواڈ میں شامل کیا گیا ہے مگر سامنے آنے والی ایک رپورٹ میں بمرا کی دستیابی کے حوالے سے غیریقینی ظاہر کرتے ہوئے یہاں تک کہا گیا ہے کہ اگر فاسٹ بولر 19 فروری سے شروع ہونے والی چمپئنز ٹرافی کیلیے فٹ ہوگئے تو یہ کوئی معجزہ ہوگا۔ ادھر ایک اور فاسٹ بولر محمد شامی بھی فٹنس مسائل کا شکار ہیں، انہیں انگلینڈ کیخلاف ہوم سیریز میں ابتک کھیلنے کا موقع نہیں مل سکا ہے۔
بحریہ ٹاؤن کراچی کیخلاف بڑے پیمانے پر تحقیقات کا آغاز