آسام: خاتون سے مبینہ زیادتی، بچوں کے سامنے تیزاب بھی پھینک دیا گیا
اشاعت کی تاریخ: 30th, January 2025 GMT
بھارت کی ریاست آسام میں خاتون کو مبینہ طور پر زیادتی کا نشانہ بنا کر اس پر اس کے بچوں کے سامنے تیزاب پھینک دیا گیا۔
بھارتی میڈیا کے مطابق آسام کے کاچھر ضلع میں 30 سالہ خاتون کو مبینہ زیادتی کا نشانہ بنایا گیا اور پھر اس پر اس کے 2 بچوں کے سامنے تیزاب بھی پھینک دیا گیا۔
بھارتی پولیس کے مطابق 22 جنوری کو متاثرہ خاتون کا پڑوسی زبردستی گھر میں داخل ہو گیا تھا جس کے بعد دونوں کے درمیان تلخ کلامی اور جھگڑا ہوا، خاتون نے ملزم کی کافی بے عزتی بھی کی تھی۔
بعد ازاں شوہر کے گھر سے جانے کے بعد ملزم دوبارہ خاتون کے گھر آیا، شوہر نے واپسی پر دیکھا کہ اس کی بیوی زمین پر پڑی ہے، اس کا منہ، ہاتھ اور پاؤں بندھے ہوئے ہیں اور اس کے جسم پر تیزاب جیسی کوئی چیز بھی پھینکی گئی ہے۔
بھارتی میڈیا کے مطابق خاتون کو اسپتال منتقل کر دیا گیا ہے جہاں اس کی حالت تشویش ناک بتائی جا رہی ہے۔
بھارتی پولیس کے مطابق ملزم فرار ہو گیا ہے جس کی تلاش جاری ہے۔
متاثرہ خاتون کے شوہر نے جنسی زیادتی کا مقدمہ بھی درج کرا دیا ہے۔
پولیس میڈیکل رپورٹ کا بھی انتظار کر رہی ہے تاکہ خاتون سے جنسی زیادتی کے بارے میں پتہ چل سکے۔
.ذریعہ: Daily Mumtaz
پڑھیں:
اترپردیش: بیوی اور مبینہ عاشق کو رنگے ہاتھوں پکڑنے والا شوہر خوفزدہ، پولیس سے تحفظ کی اپیل
مورنئی پور (نیوز ڈیسک) بھارتی ریاست اترپردیش کے علاقے مورنئی پور میں ایک چونکا دینے والا واقعہ پیش آیا ہے جہاں ایک سرکاری ملازم نے اپنی بیوی اور اس کے مبینہ عاشق کو رنگے ہاتھوں اپنے گھر میں پکڑنے کے بعد پولیس سے تحفظ کی اپیل کی ہے۔ شوہر کا کہنا ہے کہ وہ بیوی کے ساتھ مزید نہیں رہ سکتا کیونکہ اسے خدشہ ہے کہ وہ اسے اور اس کے بیٹے کو قتل کر سکتی ہے۔
متاثرہ شخص پون، محکمہ صحت مہوبا میں ملازم ہے جبکہ اس کی اہلیہ ریتو ورما ایک سرکاری گرلز کالج میں کلرک ہیں۔ ان کا چھ سالہ بیٹا بھی ہے۔ پون نے پولیس کو بتایا کہ ریتو کا مقامی کونسلر ابھشیک پاتھک کے ساتھ معاشقہ چل رہا ہے، جس کا اسے اکتوبر 2024 میں علم ہوا تھا۔
پون نے دعویٰ کیا کہ پہلی بار جب اس نے دونوں کو رنگے ہاتھوں قابل اعتراض حالت میں پکڑا تو ریتو نے جواب دیا، “میرا جسم میری مرضی، تم کون ہوتے ہو روکنے والے؟” اس واقعے کے بعد دونوں میاں بیوی الگ رہنے لگے۔
حالیہ واقعہ اُس وقت پیش آیا جب پون نے اپنے بیٹے سے ویڈیو کال پر بات کرتے ہوئے گھر میں کسی اجنبی کی موجودگی کا شبہ محسوس کیا۔ اس پر اُس نے فوری طور پر پولیس کو اطلاع دی۔ پولیس جب گھر پہنچی تو دروازہ کھلوانے پر اندر سے ابھشیک پاتھک باہر نکلے۔ پون کے مطابق ابھشیک نے نہ صرف اہل محلہ کو دھمکایا بلکہ پولیس سے بھی بدتمیزی کی۔
پون نے اس پورے واقعے کی ویڈیو بھی بنائی جو اب سوشل میڈیا پر وائرل ہو چکی ہے۔ ویڈیو میں ابھشیک پاتھک کو بلند آواز میں شور مچاتے اور دھمکیاں دیتے ہوئے دیکھا جا سکتا ہے۔
اپنی شکایت میں پون نے خدشہ ظاہر کیا کہ اس کی بیوی اسے اور اس کے بیٹے کو زہریلی چائے پلا کر قتل کر سکتی ہے، اور لاشیں ڈرم میں چھپا سکتی ہے — بالکل اسی طرح جیسے میرٹھ کے ایک مشہور مقدمے میں سابق مرچنٹ نیوی افسر سوربھ راجپوت کو اس کی بیوی اور اس کے عاشق نے قتل کر کے ڈرم میں بند کر دیا تھا۔
پولیس افسر رامویر سنگھ کے مطابق، “112 پر شکایت موصول ہونے کے بعد پولیس ٹیم موقع پر پہنچی۔ ویڈیو کا جائزہ لیا جا رہا ہے اور مکمل تفتیش جاری ہے۔”
پون نے پولیس سے درخواست کی ہے کہ اسے اور اس کے بیٹے کو تحفظ فراہم کیا جائے۔
مزیدپڑھیں:حکومت کا پی آئی اے کی نجکاری کیلئے نئے اشتہارِ دلچسپی کا اعلان
دہشتگردی کا خاتمہ… ترقی وخوشحالی کا ضامن