کیا چیمپیئنز ٹرافی کی افتتاحی تقریب منعقد نہیں کی جائے گی؟
اشاعت کی تاریخ: 30th, January 2025 GMT
آئی سی سی چیمپیئنز ٹرافی ایونٹ کا آغاز آئندہ ماہ 19 فروری کو کراچی سے ہوگا، جس کے لیے گراؤنڈز کی تزئین و آرائش اور دیگر تیاریاں زور و شور سے جاری ہیں۔
پاکستانی شائقین چیمپیئنز ٹرافی ٹورنامنٹ کا بے تابی سے انتظار کررہے ہیں۔ تاہم، اب خبریں آئی ہیں کہ پاکستان میں ہونے والے آئی سی چیمپیئنز ٹرافی ٹورنامنٹ کی افتتاحی تقریب کا انعقاد نہیں کیا جائے گا۔
یہ بھی پڑھیں: کیا چیمیئنز ٹرافی سے قبل وارم اپ میچز نہیں ہوں گے؟
میڈیا رپورٹس کے مطابق، ایونٹ میں انگلینڈ اور آسٹریلیا کی کرکٹ ٹیموں کی تاخیر سے پاکستان آمد کے باعث چیمپیئنز ٹرافی کی افتتاحی تقریب منعقد نہیں کی جائے گی۔
ٹیموں کی جانب سے آئی سی سی کو فراہم کیے گئے سفری شیڈول کے مطابق، انگلینڈ کی ٹیم ٹورنامنٹ شروع ہونے سے ایک روز پہلے یعنی 18 فروی جبکہ آسٹریلین ٹیم 19 فروری کو لاہور پہنچے گی۔ اس کے علاوہ انڈین ٹیم کے کپتان بھی افتتاحی تقریب کے لیے پاکستان نہیں آئیں گے۔
یہ بھی پڑھیں: چیمپیئنز ٹرافی کے لیے آئی سی سی کا نیا پرومو جاری، پاکستان اور بھارت کے کونسے کھلاڑی شامل؟
میڈیا رپورٹس کے مطابق، صورتحال کے پیش نظر پاکستان کرکٹ بورڈ اپنے طور پر افتتاحی تقریب منعقد کرنے پر غور کررہا ہے۔ تاہم، آئی سی سی کو اس صورتحال سے فائدہ ہوگا کیونکہ انڈین ٹیم کے کپتان کے پاکستان نہ آنے پر آئی سی سی پر کافی تنقید کی جارہی ہے۔
واضح رہے، پاکستان میں ہونے والی آئی سی سی چمپیئنز ٹرافی کے لیے وارم اپ میچز کھیلے جانے کے امکانات بھی انتہائی کم ہیں، جس کی وجہ یہ ہے کہ تقریباً تمام ٹیمیں پہلے سے شیڈول ایونٹس میں مصروف ہیں۔
یہ بھی پڑھیں: قذافی اسٹیڈیم لاہور کا نیا روپ، چیمپیئنز ٹرافی کے لیے کب تک تیاری ممکن؟
میڈیا رپورٹس کے مطابق، چیمپیئنز ٹرافی سے قبل پاکستان، نیوزی لینڈ اور جنوبی افریقہ کی ٹیمیں سہ فریقی ٹورنامنٹ کھیلیں گی جبکہ بھارت اور بنگلہ دیش کی ٹیمیں دبئی میں دوملکی سیریز میں مصروف ہوں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی سی سی چیمپیئنز ٹرافی آسٹریلیا افتتاحی تقریب انگلینڈ پاکستان شیڈول.ذریعہ: WE News
کلیدی لفظ: ا ئی سی سی چیمپیئنز ٹرافی ا سٹریلیا افتتاحی تقریب انگلینڈ پاکستان شیڈول چیمپیئنز ٹرافی افتتاحی تقریب کے مطابق کے لیے
پڑھیں:
سیاحت و ہوابازی نمائش آئندہ ماہ کراچی میں منعقد ہوگی
کراچی (کامرس رپورٹر)سیاحت و ہوابازی کی سب سے بڑی نمائش کراچی میں کراچی، جنوری 2025پاکستان میں سفری و سیاحتی صنعت کی سب سے بڑی نمائش پاکستان ٹریول مارٹ (PTM) 2025 آئندہ ماہ کراچی کے ایکسپو سینٹر میں منعقد ہوگی?پاکستان ٹریول مارٹ 2025: سیاحت و ہوابازی کی سب سے بڑی نمائش کراچی میں۔کراچی، جنوری 2025پاکستان میں سفری و سیاحتی صنعت کی سب سے بڑی نمائش پاکستان ٹریول مارٹ (PTM) 2025 ا?ئندہ ماہ کراچی کے ایکسپو سینٹر میں منعقد ہوگی۔ جوکہ 31 جنوری سے 2 فروری تک جاری رہے گی، جس میں ملکی و غیر ملکی ماہرین، سرمایہ کار اور سیاحتی شعبے کے اہم ادارے شریک ہوں گے۔اس سے قبل 2017، 2018 اور 2019 میں کامیابی کے ساتھ منعقد ہونے والے اس ایونٹ کو رواں سال مزید بڑے پیمانے پر منعقد کیا جا رہا ہے۔ منتظمین کے مطابق، PTM 2025 اب تک کی سب سے بڑی اور موثر نمائش ثابت ہوگی، جس میں مقامی اور بین الاقوامی سیاحتی ادارے، ایئر لائنز، ہوٹلز اور دیگر متعلقہ کاروباری ادارے اپنی خدمات اور مصنوعات پیش کریں گے۔نمائش میں مختلف ممالک کے نمائندے شرکت کریں گے، جس سے عالمی سطح پر پاکستان کے سیاحتی شعبے کو فروغ دینے میں مدد ملے گی۔
سیکیورٹی فورسز کی کارروائیوں میں 30 خوارج ہلاک