میرپورخاص،پولیس نے مختلف وارداتوں میں ملوث گروہ کو گرفتار کرلیا
اشاعت کی تاریخ: 30th, January 2025 GMT
میرپورخاص (نمائندہ جسارت) پولیس کی بڑی اور کامیاب کارروائی میرپورخاص سٹی میں ہونے والی مختلف اسنچنگ میں ملوث گینگ گرفتار ۔ تفصیلات کے مطابق ایس ایس پی میرپورخاص شبیر احمد سیٹھار کے سخت احکامات پر انچارج CIA اقبال جٹ اور ایس ایچ او مہران پولیس اسٹیشن انسپکٹر امین مری کی ہمراہ ٹیم بڑی اور کامیاب کارروائی، مختلف اسنیچنگ میں ملوث گینگ کے ملزمان محسن لودھی ولد عبد الرشید لودھی اور شہروز لودھی ولد شاہد لودھی، عامر میمن ولد عبد الرحمٰن میمن کو میرپورخاص پولیس نے گرفتار کرلیا.
ذریعہ: Jasarat News
کلیدی لفظ: میرپورخاص پولیس موبائل فون میں ملوث کی حدود
پڑھیں:
میرپورخاص،حیسکو عملے کے رویے کیخلاف مختلف جماعتوں کا احتجاج
میرپورخاص(نمائندہ جسارت) حیسکو افسران کی جانب سے بجلی صارفین نادہندہ گان کی گرفتاری کے دوران تذلیل اور صارفین کو حراساں کرنے پر علما ایکشن کمیٹی میرپورخاص،جمعیت علمااسلام،جماعت اسلامی، ایم کیو ایم اور انجمنِ تاجران سٹی نے اپنے شدید غم و غصے کا اظہار کرتے ہوئے اس طرح کے عمل کو سخت ترین الفاظ میں مسترد کردیا ،اگر چوری ختم کرنی ہے تو محکمہ کے اندر کالی بھیڑوں کو پکڑ کر سزا دو جماعت اسلامی کا مؤقف۔ تفصیلات کے مطابق علما ایکشن کمیٹی،جمعیت علما اسلام ،ایم کیو ایم پاکستان ،جماعت اسلامی اور انجمن تاجران سٹی میرپور خاص سے تعلق رکھنے والے مفتی عبید اللہ انور، مفتی مسعود، مولانا حفیظ الرحمٰن فیض، مولانا ہارون معاویہ، مفتی صغیر احمد، حافظ اکبر راشد، قاری عبدالرشید، حافظ احتشام،ایم کیو ایم کے خالد تبسم،آفاق احمد ،جماعت اسلامی کے شکیل احمد فہیم،انجمن تاجران کے کامران میمن و دیگر نے اپنے ایک مشترکہ بیان میں واپڈا اور اس کے افسران کو شدید تنقید کا نشانہ بناتے ہوئے کہا کہ یہ ادارہ خود بجلی چوری جیسے سنگین جرائم میں ملوث ہے اور اپنے جرائم چھپانے کے لیے عوام کو قربانی کا بکرا بنا رہا ہے۔علما کرام نے کہا کہ ہر ماہ فکسنگ کے نام پر ہونے والی سازشوں کے پیچھے کون ہے؟ عوام کو نشانہ بنانے سے پہلے ان افسران کا احتساب کیوں نہیں ہوتا جو بجلی چوری میں ملوث ہیں؟ انہوں نے واپڈا کی جانب سے عام شہریوں کو دہشت گردوں کی طرح منہ پر کالا کپڑا ڈال کر ذلیل کرنے کے عمل کو شرمناک اور غیر اخلاقی قرار دیتے ہوئے کہا کہ اگر یہی عمل ان افسران کے ساتھ کیا جاتا جو بجلی چوری میں سرغنہ ہیں، تو یہ مسئلہ کب کا حل ہو چکا ہوتا۔علما کرام نے خبردار کیا کہ عوام کی توہین کسی صورت برداشت نہیں کی جائے گی عوام کو ذلیل کرنے والے یہ اقدامات نہ صرف آمرانہ ہیں بلکہ اداروں اور عوام کے درمیان نفرت اور فاصلے بڑھا رہے ہیں یہ حکمتِ عملی اصل مجرموں کو بچانے کی کوشش ہے جو کسی بھی صورت قابل قبول نہیں۔ علما حضرات نے کہا کہ اگر واپڈا اپنی اصلاح نہیں کرتا اور عوام کے خلاف ایسے ہتھکنڈے بند نہیں کرتا تو عوامی ردعمل کے لیے تیار رہے انہوں نے عوام کے ساتھ مکمل یکجہتی کا اظہار کرتے ہوئے اعلان کیا کہ اس ظلم کے خلاف ہر محاذ پر آواز بلند کی جائے گی۔
توہین مذہب کے چار ملزمان کو جرم ثابت ہونے پر سزائے موت سنا دی گئی