حیسکو چیف حیدرآباد کی ہدایت پر بجلی چوروں ، کنڈا مافیا اور حیسکو کے نادہندگان کیخلاف آپریشن
اشاعت کی تاریخ: 30th, January 2025 GMT
ٹنڈوآدم (نمائندہ جسارت)حیسکو چیف حیدرآباد کی ہدایت پر بجلی چوروں ، کنڈا مافیا اور حیسکو کے نادہندگان کے خلاف جاری آپریشن میں آج ایکسیئن حیسکو ٹنڈوآدم اختیار میمن کی سربراہی میں ایس ڈی او اوڈیرولال سب ڈویژن ٹنڈوآدم لقمان بلوچ نے رینجرز اور پولیس کی بھاری نفری کے ہمراہ سب ڈویژن اڈیرو لال میں کارروائی کرتے ہوئے محمدی ٹاؤن ، کنڈا کنکشن اور بقایا جات کنکشن کے اوپر حیدرآباد روڈ ، طور کالونی، محکمہ جاتی کارروائی کی اور حبیب ٹاؤن ، جمن شاہ اور دیگر علاقوں میں کارروائی کرتے ہوئے 200 میٹر تار اپنے قبضے میں لے لئے اور 27 لاکھ روپے کے بقایا جات کے 20 کنکشن منقطع کر دیے اور3 لاکھ جرمانے کے بل دیے اور دو افراد کو گرفتار کیا گیا۔ اس موقع پر ایس ڈی او لقمان بلوچ نے کہا کہ کنڈا مافیا بجلی چوروں اور انکے سہولت کاروں کو کسی صورت میں برداشت نہیں کیا جائے گا انکے خلاف سخت کارروائی عمل میں لائی جائے گی۔ انہوں نے حیسکو صارفین کو کہا ہے کہ وہ اپنے بقایا جات فوری طور پر جمع کروائیں تاکہ وہ کسی بھی قسم کی قانونی کارروائی سے بچ سکیں۔
.ذریعہ: Jasarat News
پڑھیں:
پولیس کوٹریفک سگنلز پربھکاریوں کیخلاف آپریشن کرنے کاحکم
کراچی (اسٹاف رپورٹر) سندھ ہائی کورٹ کے آئینی بینچ نے ٹریفک سگنلز پر خواجہ سرا ،عورتوں اور بچوں کی جانب سے بھیک مانگنے کے خلاف درخواست پر پولیس کو ٹریفک سگنلز پر بھکاریوں کے خلاف آپریشن کرنے کا حکم دے دیا۔ عدالت نے ڈی آئی جی ٹریفک کو ہدایت دی ہے کہ ٹریفک سگنلز پر بھکاریوں کے خلاف کارروائی کی جائے۔ بدھ کو سندھ ہائی کورٹ کے آئینی بینچ کے روبرو ٹریفک سگنلز پر خواجہ سرا ،عورتوں اور بچوں کی جانب سے بھیک مانگنے کے خلاف درخواست کی سماعت ہوئی۔
وقف بل جے پی سی اجلاس میں خلل ڈالنے پر اسد الدین اویسی سمیت 9 ارکان پارلیمنٹ معطل