موٹرویز کے گرد حفاظتی باڑ کے معاملے پر تحقیقاتی کمیٹی تشکیل
اشاعت کی تاریخ: 30th, January 2025 GMT
اسلام آباد/لاہور(صباح نیوز)وفاقی وزیر مواصلات، نجکاری اور سرمایہ کاری بورڈ عبدالعلیم خان کی زیر صدارت نیشنل ہائی وے اتھارٹی کے اعلیٰ سطحی اجلاس میں موٹرویز کے گرد حفاظتی باڑ کے معاملے پر تحقیقاتی کمیٹی تشکیل دے دی گئی جو 10دن میں انکوائری رپورٹ پیش کرے گی۔ وفاقی وزیر مواصلات عبدالعلیم خان نے اجلاس کی صدارت کرتے ہوئے کہا کہ سکھر سے حیدر آباد موٹروے ایم6کی تعمیر ان کی اولین ترجیح ہے جسے کراچی تک بنایا جائے گا۔ انہوں نے کہا کہ 6ماہ کے عرصے میں نیشنل ہائی وے اتھارٹی کے ریونیو میں ہونے والا 50ارب
روپے کا اضافہ ڈپازٹ اکاؤنٹ ہوگا، یہ فنڈز ضائع نہیں کرنے دیں گے اور یہ پیسہ ان منصوبوں پر استعمال ہو گا جہاں سے مزید ریونیو حاصل ہو سکے۔ وفاقی وزیر عبدالعلیم خان نے مزید کہا کہ 60سے110ارب روپے تک ریونیو کو لے کر جانا قابل ستائش کامیابی ہے اور و ہ آئندہ 5برسوں میں این ایچ اے کے محصولات میں 400ارب روپے کا مزید اضافہ کرنا چاہتے ہیں اور اگر جون تک ریونیو کا طے شدہ ہدف حاصل ہو گیا تو این ایچ اے کے تمام ملازمین کو ایک تنخواہ کے برابر اضافی بونس ملے گا۔نیشنل ہائی وے اتھارٹی کے منصوبوں کا جائزہ لیتے ہوئے وفاقی وزیر مواصلات عبدالعلیم خان نے اس امر کا اظہار کیا کہ سیالکوٹ سے کھاریاں اور راولپنڈی موٹروے کو 4کی بجائے6لین بنانے کا فیصلہ کر لیا گیا ہے جس کے لئے کام جلد شروع ہو جائے گا۔ انہوں نے موٹرویز پر مرمت کے کام کو فروری میں مکمل کرنے اور وفاقی سیکرٹری مواصلات کو موقع پر معائنہ کرنے کی ہدایت کی۔وفاقی وزیر مواصلات کی ہدایت پر نیشنل ہائی وے اتھارٹی کی ملکیت خالی جگہوں کے کمرشل استعمال کے لئے کمیٹی کے قیام کا فیصلہ کیا گیا جس کی سفارشات کی روشنی میں اس پراپرٹی کو ریونیو بڑھانے کیلئے استعمال کیا جائے گا۔ وفاقی وزیر عبدالعلیم خان نے واضح کیا کہ کوئی پسند یا نہ پسند نہیں ہوگی، نیشنل ہائی وے اتھارٹی ہر کام میرٹ پر یقینی بنائے اور سب کے لئے ایک جیسی پالیسی پر عملدرآمد کر کے اس ادارے کو ہر حال میں اپنے فنڈز جنریٹ کرنا ہیں۔ اس اعلیٰ سطحی اجلاس میں وفاقی سیکرٹری مواصلات اور چیئرمین این ایچ اے نے مختلف جاری منصوبوں پر بریفنگ دی جس میں بتایا گیا کہ پاکستان کے قومی روڈ نیٹ ورک کو جدید خطوط پر استوار کرنے کے لئے کئی ایک منصوبے زیر تکمیل ہیں جن پر کام کی رفتار کو مزید تیز کیا جا رہا ہے۔اجلاس میں چاروں صوبوں میں اہم منصوبوں کی تکمیل پر ان کا افتتاح وزیر اعظم سے کرانے کا فیصلہ کیا گیا جبکہ اس سے پہلے وفاقی وزیر مواصلات عبدالعلیم خان خود موقع پر معائنہ بھی کریں گے۔
ذریعہ: Jasarat News
کلیدی لفظ: عبدالعلیم خان نے کے لئے
پڑھیں:
صوبائی وزیر مواصلات کا صحت افزا ماحول کیلئے بڑا اعلان
راؤ دلشاد: صوبائی وزیر برائے مواصلات نے انفراسٹرکچر کی تعمیر کے دوران صحت افزا ماحول فراہم کرنے کے لیے ایک اہم اعلان کیا ہے۔
انہوں نے زیر تعمیر منصوبوں میں گرد و غبار کے اثرات کو روکنے کیلئے پانی کے چھڑکاؤ کے آلات نصب کرنے کی ہدایت دی ہے تاکہ عوام کو صاف ستھرے اور صحت مند ماحول کی سہولت فراہم کی جا سکے۔
صوبائی وزیر نے کہا کہ ہر زیر تعمیر منصوبہ پر گرد و غبار کے تدارک کیلئے عملی اقدامات کیے جائیں گے۔ انہوں نے شاہراہوں، نئے ہسپتالوں کی تعمیر، ری ویمپنگ اور دیگر ترقیاتی منصوبوں کے دوران یہ فیصلہ کیا ہے تاکہ ماحولیاتی آلودگی کو کم کیا جا سکے۔
وزیر اعظم کے زیرصدارت اجلاس، ریلوے کو نجی شعبے کے تعاون سے کاروبار کیلئے استعمال کرنے کی ہدایت
اس کے علاوہ صوبائی وزیر نے ہائی وے اور بلڈنگ سیکٹر کے افسران کو ہدایات جاری کرتے ہوئے کہا کہ گرد و غبار کو ماحول کا حصہ بننے سے روکنے کے لیے مسلسل پانی کا چھڑکاؤ کیا جائے۔
ملک صہیب احمد بھرتھ نے مزید کہا کہ پنجاب حکومت عوام کو صحت مند ماحول فراہم کرنے کیلئے بھرپور اقدامات کر رہی ہے تاکہ عوام کی زندگی کے معیار کو بہتر بنایا جا سکے۔
وقف بل جے پی سی اجلاس میں خلل ڈالنے پر اسد الدین اویسی سمیت 9 ارکان پارلیمنٹ معطل