بجلی کی فی یونٹ قیمت میں 1روپے 3پیسے کمی کا امکان
اشاعت کی تاریخ: 30th, January 2025 GMT
اسلام آباد (صباح نیوز) بجلی کی فی یونٹ قیمت میں 1 روپے 3 پیسے تک کمی کا امکان ہے۔ سینٹرل پرچیزنگ پاور ایجنسی نے قیمت میں کمی کیلئے نیپرا کو درخواست دی ہے، نیپرا درخواست پر قیمتوں کے حوالے سے آج (جمعرات )کو سماعت کرے گا۔ درخواست میں دسمبر کے ماہانہ فیول پرائس ایڈجسٹمنٹ کی مد میں کمی مانگی گئی، اس میں کہا گیا کہ دسمبر میں ڈسکوز کو 7 ارب
51 کروڑ 60 لاکھ یونٹس بجلی فراہم کی گئی، دسمبر میں فی یونٹ بجلی کی فیول لاگت 9 روپے 60 پیسے رہی، ماہ دسمبر میں لاگت کا تخمینہ 10 روپے 63 پیسے فی یونٹ تھا۔ درخواست کے مطابق ایک ماہ میں پانی سے 22.
ذریعہ: Jasarat News
کلیدی لفظ: پیداوار رہی فیصد بجلی بجلی کی فی یونٹ
پڑھیں:
بجلی کی لوڈشیڈنگ نے صنعتی پیداوار کو شدید نقصان پہنچایا ،سلیم میمن
حیدرآباد(اسٹاف رپورٹر) حیدرآباد چیمبر آف اسمال ٹریڈرز اینڈ اسمال انڈسٹری کے صدر محمد سلیم میمن نے موسمِ سرما میں بھی حیسکو کی جانب سے جاری بدترین لوڈشیڈنگ کو شدید تنقید کا نشانہ بناتے ہوئے کہا ہے کہ انڈسٹریز اور تاجروں کے لیے موجودہ حالات ناقابلِ برداشت ہو چکے ہیں۔ اعلانیہ اور غیر اعلانیہ لوڈشیڈنگ کے طویل سلسلے نے صنعتی پیداوار کو شدید نقصان پہنچایا ہے۔ اُنہوں نے کہا کہ حالیہ دنوں میں حیسکو کی جانب سے انڈسٹریز کے لیے صبح 9 بجے سے دوپہر 2 بجے تک کے لیے شٹ ڈاؤن کا اعلان کیا گیا تھا جو ایک ہفتے کے بجائے دس دن سے زائد جاری رہا۔ یہاں تک کہ دوپہر 2 بجے کے بجائے بجلی شام 6 بجے تک بھی مکمل بحال نہیں کی جا سکی۔ اُنہوں نے کہا کہ جب انڈسٹریل ایریاز میں بجلی کا بریک ڈاؤن ہوتا ہے تو اُس سے پروڈکشن لائن میں موجود مٹیریل ضائع ہو جاتا ہے جس سے صنعتکاروں کو بھاری مالی نقصان اُٹھانا پڑتا ہے اور روزانہ اُجرت پر کام کرنے والوں کو بھی اپنی روزی سے ہاتھ دھونا پڑتا ہے۔ اُنہوں نے اِس بات پر زور دیا کہ انڈسٹریل فیڈرز پر بلا جواز شٹ ڈاؤن اور فالٹس کو فوری طور پر ختم کیا جائے کیونکہ یہ معیشت پر منفی اَثرات ڈال رہے ہیں۔ صدر چیمبر سلیم میمن نے حکومت پاکستان سے مطالبہ کیا کہ حیسکو انتظامیہ کے اِس غیر ذمہ دارانہ رویے کی فوری تحقیقات کی جائے اور اِس فیصلے میں ملوث تمام اَفسران کے خلاف قانون کے مطابق کارروائی کی جائے۔ اُنہوں نے مزید کہا کہ اگر کاروبار کے اوقات میں انڈسٹریز کو بجلی فراہم نہیں کی جائے گی تو فیکٹریاں کیسے چلیں گی؟ ملک کی معیشت کو کیسے مضبوط کیا جائے گا؟۔ صدر چیمبر نے مزید کہا کہ شہر کے بیشتر کاروباری علاقوں میں شام کے اوقات میں بزنس کے وقت لوڈشیڈنگ کی جا رہی ہے جس کی وجہ سے تاجر برادری سراپا احتجاج ہے۔ ہیرا آباد اور دیگر علاقوں میں لوڈشیڈنگ کا دورانیہ شام 6:45 سے رات11:45 تک جاری رہتا ہے جس سے کاروباری سرگرمیاں مفلوج ہو گئی ہیں۔ اُنہوں نے کہا کہ موسم سرما میں بجلی کی طلب موسم گرما کے مقابلے میں 40 فیصد کم ہو جاتی ہے لیکن اُس کے باوجود حیسکو کی جانب سے بدترین لوڈشیڈنگ جاری ہے جس پرچیمبر نے بارہا اِس معاملے پر وفاقی وزراء اور وزیر اعظم کو خطوط ارسال کیے ہیں، جن میں یہ واضح کیا گیا ہے کہ حیسکو انتظامیہ کے پاس اِس وقت مطلوبہ تکنیکی صلاحیت ہی موجود نہیں کہ وہ ادارے کو مئوثر طریقے سے چلا سکیں۔ اِس لیے فوری طور پر حیسکو کی نجکاری کی جائے اور نجکاری کے مکمل ہونے تک فیڈرز کی سپلائی کو پرائیوٹ کمپنیوں کے حوالے کیا جائے تاکہ عوام اور صنعتکاروں کو کچھ ریلیف مل سکے۔ اُنہوں نے کہا کہ حیسکو کی غیر اعلانیہ لوڈشیڈنگ کے باعث واسا کی خدمات بھی بری طرح متاثر ہوئی ہیں۔ لطیف آباد اورشہر کے دیگر علاقوں میں پانی کی شدید قلت ہے جس نے شہریوں کی زندگی کو اجیرن بنا دیا ہے۔اس کے ساتھ ٹراسفارمرز کی خرابی کی صورت میں حیسکو انتظامیہ کے پاس کوئی متبادل ذریعہ نہیں ہے جس کی وجہ سے صارفین کو طویل عرصے تک بجلی کے بغیر رہنا پڑتا ہے۔
سیکیورٹی فورسز کی کارروائیوں میں 30 خوارج ہلاک