احمد ندال کو جاننے کا سوال،’ 4 ہزار ڈالر ہفتہ وار دیں تو جواب ملے گا ‘، امریکی خاتون
اشاعت کی تاریخ: 29th, January 2025 GMT
پاکستانی نوجوان کی محبت میں گرفتار ہوکر کراچی پہنچے والی امریکی خاتون گارڈن میں نوجوان کے گھر پہنچ گئی۔
نوجوان کی محبت میں امریکا سے کراچی آنیوالی خاتون کے حوالے سے اہم پیشرفت سامنے آئی اور اونیجااینڈریو نامی خاتون احمد ندال نامی نوجوان کے گھر پہنچ گئی ہے لیکن نوجوان کے اہلخانہ گھر بند کے کہیں اور چلے گئے ہیں۔
تاہم، خاتون نے اپارٹمنٹ سے باہر جانے سے انکار کردیا ہے۔
سماء کی جانب سے خاتون سے سوال کیا گیا کہ آپ پاکستان کیوں آئیں؟ جس کے جواب میں اس نے کہا کہ میں پاکستان آئی ہوں کیونکہ مجھے یہاں پر رکنا تھا۔
سماء کی جانب سے ایک اور سوال کیا گیا کہ کیا آپ احمد ندال کو جانتی ہیں؟ جس پر اس نے کہا کہ یہ ذاتی معاملہ ہے اور آپ ہفتہ وار 4 ہزار امریکی ڈالر مجھے دیں گے تو پھر میں اس کا جواب بتاؤنگی۔
یاد رہے کہ اس سے قبل خاتون کو امریکا واپسی کے لئے ایئرپورٹ لے جایا گیا تھا تاہم، اس نے واپس جانے سے انکار کردیا تھا اور رپورٹس سامنے آئی تھیں کہ ٹیکسی پر سوار ہو کر کسی نامعلوم جگہ پر چلی گئی تھی۔
.ذریعہ: Jasarat News
پڑھیں:
نوجوان کی محبت میں گرفتار امریکی خاتون پاکستان پہنچ کر دربدر
فوٹو: جیو اسکرین گریبکراچی کے نوجوان نے امریکی خاتون کو اپنی محبت میں گرفتار کرکے پاکستان بلالیا تاہم خاتون کو ٹکا سا جواب دے گیا، جس سے خاتون سکتے کی حالت میں آگئی ہے۔
کراچی کے علاقے گارڈن ویسٹ سے تعلق رکھنے والے 19 سال کے لڑکے نے اس امریکی خاتون کو اپنی محبت کے جال میں پھنسایا تھا۔
امریکی خاتون کا نام اونیا اینڈریو رابنسن ہے اور اسکا تعلق امریکا کی ریاست نیویارک سے ہے، اسکی عمر 33 برس ہے۔ وہ شادی شدہ اور مبینہ طور پر دو بچوں کی ماں ہے۔
یہ خاتون کراچی سے تعلق رکھنے والے نوجوان کی محبت میں گرفتار ہوکر پاکستانی آگئی تھی، کراچی آنے کے لیے خاتون نے 5 اکتوبر 2024 کو پاکستان کے ویزا کے لیے اپلائی کیا تھا اور اسے 9 اکتوبر کو پاکستان کا سیاحتی ویزا ایک ماہ کے لیے جاری کیا گیا تھا۔
خاتون جب کراچی پہنچی تو لڑکے کے والدین یہ جان کر حیران رہ گئے تھے کہ انکے بیٹے نے جسے پسند کیا ہے وہ انکے بیٹے سے عمر میں تقریباً دو گنا بڑی ہے، شوہر سے طلاق لے کر آئی ہے اور دو بچوں کی ماں بھی ہے۔
والدین کی ناراضی پر نوجوان اس خاتون کو چکمہ دے کر غائب ہوا تو خاتون جو رقم لائی تھی اسکی مدد سے کچھ دن تو گزارے پھر ایئرپورٹ آکر بیٹھ گئی اور تقریباً سات روز سے وہ کراچی ایئرپورٹ پر موجود ہے۔
یہ محض اتفاق ہے کہ گورنر سندھ کامران ٹیسوری اندرون سندھ دورے سے جہاز میں کراچی پہنچے تو خاتون کو پریشانی کی حالت میں دیکھا تب معاملہ کھلا۔
گورنر سندھ نے خاتون کو فوری طور پر پاکستان کا ویزا جاری کرادیا ہے، پیر کو جاری یہ ویزا گیارہ فروری تک کی مدت کیلیے ہے۔ ساتھ ہی گورنر سندھ نے خاتون کی امریکا واپسی کے ٹکٹ کا بھی بندوبست کرادیا ہے۔
اس وقت خاتون کی حالت ایسی ہے کہ وہ بات کرنے کے بھی قابل نہیں اور جنون کی کیفیت میں اس نے کئی بار اپنے کپڑے تک پھاڑ لیے۔
چین میں بیشتر جرمن کمپنیاں ترقی کرنے کے لئے پرعزم ہیں، جرمن چیمبر آف کامرس