سینئر صحافی مرحوم محمدانور کو ڈاکٹر ‘صحافیوں‘سماجی حلقوں کا خراج تحسین
اشاعت کی تاریخ: 29th, January 2025 GMT
کراچی (اسٹاف رپورٹر) روزنامہ جسارت کے سابق رپورٹر اور بلدیاتی امور کے ماہر صحافی محمد انور مرحوم کو ڈاکٹر،صحافیوں اور دیگر سماجی حلقوں کی جانب سے سوشل میڈیا پلیٹ فارم پر زبردست خراج تحسین پیش کیا گیاہے معروف سماجی رہنما ڈاکٹر فیاض عالم نے کہا ہے کہ صحافت کا درویش رخصت ہوا! اللہ غریق رحمت کرے، آمین جسارت سے وابستہ سینئر رپورٹر اور کالم نگار محمد انور کا تعارف نوفل شاہ رخ نے یہ کہہ کر کروایا تھا کہ “انور بھائی میرے استاد ہیں اور بہت ہی ایک نمبرآدمی ہیں”وہ واقعی درویش صفت انسان تھے اور صحافت ان کے لیے ہمیشہ ایک مقدس مشن ہی رہی ایکسپریس نیوز سے وابستہ سینئر صحافی وتجزیہ کار سید فیصل حسین نے محمد انور کو خراج تحسین پیش کرتے ہوئے لکھا ہے کہ یک وقت تھا جب محمد انور کی خبر سے بلدیاتی اداروں میں زلزلہ آجاتا تھا90 کی دہائی میں محمد انور کا بلدیاتی اداروں میں ایسا ڈنکا بجتا تھا جس کا آپ لوگ اس وقت تصور بھی نہیں کرسکتے سینئر صحافی عابد حسین نے لکھا ہے کے محمد انور بھائی سے میری پہلی باقاعدہ ملاقات آج سے 30 سال قبل جون 1995 میں بلدیہ عظمی کراچی کی پرشکوہ عمارت میں میڈیا مینجمنٹ کے دفتر کے باہر سر شام اس وقت ہوئی جب میں کسی افسر کے کمرے سے گپ شپ کرکے (خبر لے کر) واپس جنگ دفتر جانے کے لیے میڈیا مینجمنٹ دفتر کے سامنے کھڑی موٹر سائیکل لینے آیا تھا۔ انور بھائی کی ایک خوبی یہ تھی کہ وہ اپنی ایکسکلسیو خبر کی ٹپ بھی یہ کہہ کر دے دیتے تھے کہ یہ جنگ میں مت لگانا یہ میری خبر ہے۔نیشنل لیبر فیدریشن پاکستان کے جنرل سیکرٹری قاسم جمال نے مرحوم محمد انور کے حوالے سے لکھتے ہیں۔استاد محترم اطہر ہاشمی کے بڑے گرویدہ تھے اطہر ہاشمی صاحب بھی ان سے بڑی محبت کرتے تھے اطہر ہاشمی صاحب اکثر خود اپنی گاڑی میں انھیں گھر سے لیتے اور واپس گھرچھوڑتے تھے اطہر ہاشمی صاحب کے انتقال پر وہ بہت رنجیدہ اور غمگین تھے۔اللہ پاک ان کی خطاؤں کو معاف فرمائے اور جنت الفردوس میں انہیں اعلیٰ مقام عطا فرمائے آمین
.ذریعہ: Jasarat News
کلیدی لفظ: اطہر ہاشمی
پڑھیں:
وزیرِ اعظم شہباز شریف کا صفدر جاوید سید کے انتقال پر دکھ اور رنج کا اظہار
اسلام آباد (اُردو پوائنٹ اخبارتازہ ترین - اے پی پی۔ 12 اپریل2025ء) وزیرِ اعظم محمد شہباز شریف نے سابق چیئرمین بینک آف پنجاب اور سابق چیئرمین پنجاب پبلک سروس کمیشن صفدر جاوید سید کے انتقال پر دکھ اور رنج کا اظہار کرتے ہوئے مرحوم صفدر جاوید سید کی بلندی درجات اور انکے اہل خانہ کیلئے صبر کی دعا کی ہے۔(جاری ہے)
پرائم منسٹر آفس پریس ونگ سے ہفتہ کو جاری تعزیتی بیان میں انہوں نے کہا کہ صفدر جاوید سید ایک قابل، ایماندار اور مخلص افسر تھے،ان کی زندگی نئے آنے والے افسران کیلئے قابل تقلید مثال ہے ۔وزیرِ اعظم شہباز شریف نے کہا کہ دکھ کی اس گھڑی میں ہماری تمام تر ہمدردیاں مرحوم صفدر جاوید سید کے اہل خانہ کے ساتھ ہیں۔
امریکی فوجیوں کی قبروں پر سکوں کی برسات ، تصاویر سوشل میڈیا پر وائرل ،اہل خانہ حیران رہ گئے