چیمپیئنز ٹرافی: پہلے 3 میچوں کے ٹکٹ ہاتھوں ہاتھ فروخت ہوگئے
اشاعت کی تاریخ: 29th, January 2025 GMT
آئندہ ماہ پاکستان میں ہونے والے چیمپیئنز ٹرافی ایونٹ کے ٹکٹوں کی خریداری میں شائقین کرکٹ غیرمعمولی جوش و خروش کا مظاہرہ کررہے ہیں، اور پہلے 3 تین میچوں کے ٹکٹ ہاتھوں ہاتھ فروخت ہوگئے ہیں۔
پاکستان کرکٹ بورڈ (پی سی بی) کے مطابق پاکستان نیوزی لینڈ، آسٹریلیا انگلینڈ اور پاکستان و بنگلہ دیش کے درمیان میچوں کے ٹکٹ مکمل فروخت ہوگئے ہیں۔ بورڈ نے 30 فیصد ٹکٹ آن لائن فروخت کے لیے پیش کیے تھے۔
یہ بھی پڑھیں چیمپیئنز ٹرافی 2025 کے ٹکٹوں کی خریداری، قیمت اور مقام کی تفصیلات جاری
واضح رہے کہ چیمپیئنز ٹرافی کا آغاز آئندہ ماہ 19 فروری کو کراچی سے ہوگا۔ اور پہلا میچ پاکستان اور نیوزی لینڈ کے درمیان شیڈول ہے۔
اس کے بعد 22 فروری کو آسٹریلیا اور انگلینڈ کی ٹیمیں لاہور میں مدمقابل آئیں گی، جبکہ پاکستان اور بنگلہ دیش کے درمیان میچ 27 فروری کو راولپنڈی میں ہوگا۔
پاکستان کرکٹ بورڈ کے مطابق چیمپیئنز ٹرافی کے دوسرے مرحلے کے ٹکٹ 3 فروری کو فروخت ہوں گے۔
ترجمان پاکستان کرکٹ بورڈ (پی سی بی) کا کہنا ہے کہ چیمپیئنز ٹرافی ایونٹ کے ٹکٹوں کی فروخت پر شائقین بھرپور جوش دکھا رہے ہیں۔ چند گھنٹوں میں ہی پہلے مرحلے کے ٹکٹ فروخت ہونا شائقین کی دلچسپی کا ثبوت ہے۔
انہوں نے کہاکہ پاکستان کرکٹ بورڈ زیادہ سے زیادہ تماشائیوں کو میچز دیکھنے کی سہولت مہیا کرےگا۔
یہ بھی پڑھیں چیمپیئنز ٹرافی کے لیے آئی سی سی کا نیا پرومو جاری، پاکستان اور بھارت کے کونسے کھلاڑی شامل؟
واضح رہے کہ چیمپیئنز ٹرافی ایونٹ میں بھارت کے تمام میچز نیوٹرل وینیو دبئی میں ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان بھارت میچ پاکستان کرکٹ بورڈ پہلا مرحلہ پی سی بی تین میچز ٹکٹ فروخت چیمپیئنز ٹرافی شائقین جوش و خروش شائقین کرکٹ وی نیوز.ذریعہ: WE News
کلیدی لفظ: پاکستان بھارت میچ پاکستان کرکٹ بورڈ پہلا مرحلہ پی سی بی تین میچز ٹکٹ فروخت چیمپیئنز ٹرافی شائقین کرکٹ وی نیوز پاکستان کرکٹ بورڈ چیمپیئنز ٹرافی فروری کو کے ٹکٹ
پڑھیں:
پاکستان اور بنگلہ دیش نے ویمنز کرکٹ ورلڈ کپ کے لیے کوالیفائی کرلیا
پاکستان اور بنگلہ دیش کی خواتین کرکٹ ٹیموں نے آئی سی سی ویمنز کرکٹ ورلڈ کپ کے لیے کوالیفائی کرلیا ہے، جو رواں برس کے اواخر میں انڈیا میں کھیلا جائے گا۔
لاہور میں کھیلے جانیوالے ورلڈ کپ کوالیفائر میں دونوں ٹیمیں ٹاپ 2 پوزیشن پر رہتے ہوئے ورلڈ کپ میں اپنی شمولیت پر مہر ثبت کردی ہے، تاہم واضح رہے کہ پاکستان ویمن ٹیم انڈیا میں اپنا کوئی میچ نہیں کھیلے گی، پاکستان کے میچز انڈیا سے باہر ہوں گے۔
یہ بھی پڑھیں: ورلڈ کپ کوالیفائر: پاکستان ویمنز کی مسلسل تیسری کامیابی، تباہ کن بولنگ کرکے ویسٹ انڈیز کو 65 رنز سے ہرادیا
واضح رہے کہ 2025 کا آئی سی سی ویمنز کرکٹ ورلڈ کپ 13 واں ایڈیشن ہوگا۔ 1978، 1997 اور 2013 کے ایڈیشن کے بعد یہ چوتھا ٹورنامنٹ ہے جسے بھارت کی میزبانی میں کھیلا جائے گا۔
29 ستمبر سے 26 اکتوبر کے دوران بھارت میں منعقد ہونیوالے اس ویمنز ورلڈ کپ میں یہ آخری بار ہوگا جب اس میں 8 ٹیمیں حصہ لیں گی اور مجموعی طور پر 31 میچز کھیلے جائیں گے، آسٹریلیا دفاعی چیمپیئن ہے، جس نے 2022 میں اپنا 7 واں ٹائٹل جیتا تھا۔
مزید پڑھیں: آئی سی سی ویمنز ورلڈ کپ کوالیفائر ٹیموں کی شاہی قلعے میں مہمان نوازی
پاکستان ویمن کرکٹ ٹیم نے آئی سی سی ورلڈ کپ کوالیفائر میں ناقابل شکست رہتے ہوئے اپنے آخری میچ میں ویسٹ انڈیز کو 65 رنز سے شکست دی تھی، اس سے قبل پاکستانی خواتین کی ٹیم آئرلینڈ کو 38 رنز اور اسکاٹ لینڈ کو 6 وکٹوں سے ہراچکی تھی۔
اس طرح اب قومی ویمن کرکٹ ٹیم 3 میچ کھیل کر 6 پوائنٹس کے ساتھ دوسری پوزیشن پر ہے جبکہ 6 پوائنٹس مگر پاکستان کے مقابلے میں بہتر رن ریٹ کے ساتھ بنگلہ دیش سر فہرست ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریلیا آئرلینڈ آسٹریلیا اسکاٹ لینڈ بنگلہ دیش پاکستان دفاعی چیمپیئن رن ریٹ کرکٹ ویسٹ انڈیز ویمن
پارٹی رہنماوں کے ایک دوسرے پر الزامات، عمران خان نے وارننگ دیدی