مسافر گاڑی کھائی میں گرنے سے 4 افراد جاں بحق، 2 زخمی
اشاعت کی تاریخ: 29th, January 2025 GMT
سوات ملم جبہ روڈ تلیگرام کے علاقہ خوڑ پٹے میں جیپ کھائی میں گرنے سے ڈرائیور سمیت چار افراد جاں بحق جبکہ دو افراد زخمی ہوگئے۔
تفصیلات کے مطابق مینگورہ شہر سے ملم جبہ کے علاقہ تمبہ گٹ جانے والی جیب تلیگرام خوڑ پٹے کے مقام پر بریک فیل ہونے کے وجہ سے کھائی میں جاگری جس کے نتیجے میں چار افراد جاں بحق ہوگئے۔
جاں بحق ہونے والوں میں ظاہر اللہ، علی شیر خان، علی رحمان اور تاج محمد کا بیٹا شامل ہیں، جبکہ زخمیوں کی شناخت حضرت علی اور حضرت حسین کے ناموں سے ہوئی ہے۔
تمام افراد کا تعلق ملم جبہ تمبہ گٹ سے بتایا جارہا ہے۔
.ذریعہ: Express News
پڑھیں:
ملتان میں گیس باؤزر دھماکے میں زخمی خاتون نے جڑواں بچوں کو جنم دیا
ملتان میں گیس باؤزر دھماکے میں زخمی خاتون نے جڑواں بچوں کو جنم دیا، نشتر اسپتال انتظامیہ کا کہنا ہے کہ 35 سال کی خاتون انتہائی تشویشناک حالت میں آئی سی یو میں زیر علاج ہے۔
اسپتال انتظامیہ کا کہنا ہے کہ صغراں بی بی نے گزشتہ رات دو بچوں کو جنم دیا، جن میں ایک بچہ اور بچی شامل ہے، خاتون کو طبی امداد دی جارہی ہے، جبکہ بچوں کی حالت ٹھیک ہے۔
ملتان: ایل پی جی باؤزر دھماکے کے مزید 4 زخمی دم توڑ گئے، جاں بحق افراد کی تعداد 10 ہوگئی26 زیرِ علاج افراد میں سے 15 کی حالت بدستور تشویش ناک ہے ۔
جڑواں بچوں کو جنم دینے والی خاتون کے پہلے سے دو بچے ہیں، جبکہ خاتون کے خاندان کے دو لوگ بھی باؤزر دھماکے میں زخمی ہیں۔
پولیس کا کہنا ہے کہ چار روز قبل گیس باؤزر سے ایل پی جی منتقلی کے دوران دھماکا ہوا تھا، دھماکے میں 10 افراد جاں بحق، 26 زخمی ہوئے تھے۔
26 زیرِ علاج افراد میں سے 15 کی حالت بدستور تشویشناک ہے۔
پنجاب حکومت کی جانب سے زخمی اور جاں بحق ہونے والوں کو معاوضوں کی ادائیگی کا سلسلہ بھی جاری ہے۔
وزیراعظم نے انسانی اسمگلنگ میں ملوث گروہوں کے سدباب کیلیے خصوصی ٹاسک فورس قائم کردی