خیبرپختونخوا:گندم سکینڈل سمیت اداروں میں کرپشن کی تحقیقات ، عمران کی کرپٹ وزراء کونکالنے کی ہدایت
اشاعت کی تاریخ: 29th, January 2025 GMT
اسلام آباد: سربراہ احتساب کمیشن خیبرپختونخوا قاضی انورنے دعویٰ کیاہے کہ خیبرپختونخوا میں کرپشن ہورہی ہے، یوکرین سے مہنگی اور ناقص گندم خریدی گئی،جس طریقے سے گندم خریدی گئی وہ بھی مشکوک ہے، صحت سمیت دیگراداروں میں جو کرپشن ہورہی ہے ، بانی پی ٹی آئی عمران خان نے کہا ہےکہ جو بھی وزیرکرپٹ ہواسے فارغ کردو۔
نجی ٹی وی سے گفتگو کرتے ہوئے سربراہ احتساب کمیشن کے پی نے کہاکہ با نی نے انٹرنل کمیٹی بنائی جس کا میں بھی ممبرہوں،کمیٹی کے پی حکومت کو چیک کرنے کے لیے بنائی گئی،وزارتوں سے متعلق شکایات آئی تھیں جن کی ہم نے نشاندہی کی۔
انہوں نے کہاکہ بانی پی ٹی آئی کو جب رپورٹ پیش کی گئی تو انہوں نے مجھ سے کہاکہ جو بھی وزیرکرپٹ ہواسے فارغ کردو۔
انہوں نے کہاکہ یوکرین سے مہنگی اور ناقص گندم خریدی گئی،جس طریقے سے گندم خریدی گئی وہ بھی مشکوک ہے، یوکرین سے گندم کیوں خریدی گئی اس میں جوکرپشن ہوئی اس پرتحقیقات کررہےہیں، اگلے ہفتے گندم سکینڈل پر میٹنگ بلائی گئی ہے۔
انہوں نے کہاکہ محکمہ صحت سمیت دیگراداروں میں جو کرپشن ہورہی ہے اس پر بھی تحقیقات کریں گے،بدقسمتی سے پیسہ لوگوں کی کمزوری بن گیاہے، وزیروں سے کہاہےکہ آپ کی وزارتوں میں یہ غلطیاںہورہی ہیں۔
ادھروفاقی وزیراور مسلم لیگ ن کے صوبائی صدرانجینئرامیرمقام نے سربراہ احتساب کمیشن کے بیان پر ردعمل دیتے ہوئے کہاکہ قاضی انورنے اچھی باتیں کی ہیں،سوال یہ ہے کہ بانی پی ٹی آئی نے اپنے بارے میں کیاکہا،190ملین پاؤنڈ اور ملک ریاض کے بارے میں بانی پی ٹی آئی کی کیاسوچ ہے؟
انہوں نے کہاکہ کیابانی پی ٹی آئی کو معلوم نہیں کہ ان کے دورحکومت میں کیاکیاکرپشن ہوتی رہی؟
ذریعہ: Daily Mumtaz
کلیدی لفظ: بانی پی ٹی ا ئی انہوں نے کہاکہ
پڑھیں:
ہری پور میں پی ٹی آئی کا ورکرز کنونشن: عمران خان کی رہائی کے لیے ہر کال پر لبیک کہیں گے،عمر ایوب
اپوزیشن لیڈر قومی اسمبلی و سینیئر رہنما پاکستان تحریک انصاف (پی ٹی آئی) عمر ایوب نے کہا ہے کہ عمران خان کی رہائی کے لیے ہر کال پر لبیک کہیں گے۔
ہری پور میں ورکرز کنونشن سے خطاب کرتے ہوئے انہوں نے کہاکہ عمران خان سمیت تمام سیاسی اسیروں کو رہا کیا جائے۔
یہ بھی پڑھیں کیا پی ٹی آئی کے اندرونی اختلافات عمران خان کی رہائی میں حائل ہیں؟
عمر ایوب نے کہاکہ پی ٹی آئی جمہوری جماعت ہے، پارٹیوں میں اختلافات ہوتے رہتے ہیں، لیکن تحریک انصاف میں عمران خان کی ہر بات آخری ہوتی ہے، اور سارے اس پر لبیک کہتے ہیں۔
اپوزیشن لیڈر نے کہاکہ آصف زرداری اور پیپلزپارٹی نے سندھ کا پانی بیچ دیا ہے، جبکہ بلوچستان کے حالات بھی خراب ہیں اور اختر مینگل انصاف مانگ رہے ہیں۔
انہوں نے کہاکہ تحریک انصاف کے خلاف ہر حربہ آزمایا گیا، ہم پر لاٹھی چارج کیا گیا، گولیاں برسائی گئیں لیکن ہم نے جمہوری طریقہ اپنایا۔
ورکرز کنونشن میں صوبائی صدر پی ٹی آئی جنید اکبر، صوبائی جنرل سیکریٹری علی اصغر خان سمیت صوبائی وزرا اور اراکین اسمبلی نے شرکت کی۔
کنونشن سے خطاب کرتے ہوئے صدر پی ٹی آئی خیبرپختونخوا جنید اکبر نے کہاکہ جس دن کارکنان قیادت کے بغیر نکلے سنبھالنا مشکل ہو جائےگا۔
انہوں نے کہاکہ لوگ عمران خان کے ساتھ ہیں، اور ان کی ایک کال پر سڑکوں پر ہوں گے، اس وقت پارلیمنٹ سے لوگوں کا اعتبار اٹھ چکا ہے۔
یہ بھی پڑھیں امریکی ڈاکٹروں کے وفد نے عمران خان کی رہائی کے حوالے سے بات نہیں کی، رانا ثنااللہ
جنید اکبر نے کہاکہ 16 بار عمران خان سے ملنے گیا لیکن نہیں ملنے دیا گیا، پارٹی قیادت کے خلاف مقدمات قائم کیے جارہے ہیں لیکن ہم اپنے مؤقف سے پیچھے نہیں ہٹیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اپوزیشن لیڈر آصف زرداری پارلیمنٹ پیپلزپارٹی جنید اکبر قومی اسمبلی ورکرز کنونشن
شمالی وزیرستان میں تیل و گیس کا نیا ذخیرہ دریافت