کراچی میں میڈیا فاونڈیشن 360 اور امریکی قونصلیٹ کے تحت تربیتی ورکشاپ
اشاعت کی تاریخ: 29th, January 2025 GMT
ٹریننگ کے دوران شرکاء کے لئے نیٹ ورکنگ ڈنر کا اہتمام کیا گیا۔ جہاں ماہرین اور شریک صحافیوں کے درمیان تبادلہ خیال ہوا۔ اس موقع پر امریکی قونصلیٹ کے نمائندے پبلک ڈپلومیسی آفیسر ریوا گپتا اور انفارمیشن اسپیشلسٹ سیف جسکانی بھی موجود تھے، جنہوں نے صحافت میں جدید تکنیکی رجحانات پر گفتگو کی۔ اسلام ٹائمز۔ کراچی کے مقامی ہوٹل میں میڈیا فاونڈیشن 360 اور امریکی قونصلیٹ کے اشتراک سے تین روزہ تربیتی ورکشاپ "رپورٹنگ ٹوورزکے ذریعے پاک امریکہ شراکت داری سے آگاہی میں اضافہ" کے عنوان سے منعقد کی گئی۔ ورکشاپ میں مختلف ذرائع ابلاغ سے تعلق رکھنے والے 25 صحافیوں نے شرکت کی۔ ورکشاپ کا مقصد جدید صحافتی رجحانات، تحقیقاتی رپورٹنگ، فیکٹ چیکنگ اور ڈیجیٹل میڈیا ٹولز کے استعمال پر صحافیوں کی مہارتوں کو بہتر بنانا تھا۔ تین روزہ ورکشاپ میں میڈیا ماہرین نے فیکٹ چیکنگ، غیر جانبدار رپورٹنگ اور تحقیقاتی صحافت کے اصولوں پر تفصیلی لیکچرز دیئے۔ اس دوران صحافیوں کو ڈیجیٹل سیکیورٹی اور آن لائن تحفظ کے حوالے سے بھی آگاہی فراہم کی گئی تاکہ وہ خود کو سائبر حملوں اور جعلی خبروں سے محفوظ رکھ سکیں۔ سیشنز کے دوران ماہرین نے امریکہ پاکستان تعلقات کی اہمیت کو اجاگر کیا اور صحافیوں کو اس موضوع پر مزید متوازن اور مستند رپورٹنگ کے لیے رہنمائی فراہم کی۔
تین روزہ تربیت کے دوران پاکستانی میڈیا ماہرین نے مختلف سیشنز میں صحافیوں کے ساتھ اپنے تجربات شیئر کیے اور انہیں عملی مشقوں کے ذریعے جدید میڈیا تکنیکوں سے روشناس کرایا۔ خاص طور پر سوشل میڈیا پر غلط معلومات کی روک تھام اور ذمہ دارانہ رپورٹنگ کے اصولوں پر زور دیا گیا۔ ورکشاپ کی اختتامی نشست میں میڈیا فاؤنڈیشن 360 کے صدر اور سینیئر صحافی مبشر بخاری نے صحافیوں کو نئے ڈیجیٹل ٹولز، تحقیقاتی صحافت میں استعمال ہونے والی تکنیکوں اورفیلڈ رپورٹنگ کے جدید طریقوں سے آگاہی فراہم کی۔ ٹریننگ کے دوران شرکاء کے لئے نیٹ ورکنگ ڈنر کا اہتمام کیا گیا۔ جہاں ماہرین اور شریک صحافیوں کے درمیان تبادلہ خیال ہوا۔ اس موقع پر امریکی قونصلیٹ کے نمائندے پبلک ڈپلومیسی آفیسر ریوا گپتا اور انفارمیشن اسپیشلسٹ سیف جسکانی بھی موجود تھے، جنہوں نے صحافت میں جدید تکنیکی رجحانات پر گفتگو کی۔
ذریعہ: Islam Times
پڑھیں:
صبح کے وقت کراچی ایئرپورٹ کے اطراف دھند
— فائل فوٹوکراچی میں آئندہ 24 گھنٹوں کے دوران موسم سرد اور خشک رہنے کا امکان ہے۔
محکمۂ موسمیات کے مطابق آج صبح کراچی میں ایئر پورٹ کے اطراف ہلکی دھند کے باعث حد نگاہ 2 کلومیٹر ریکارڈ کی گئی۔
کراچی میں کم سے کم درجۂ حرارت 12 سے 14 ڈگری سینٹی گریڈ تک رہ سکتا ہے۔
کراچی میں آئندہ 24 گھنٹوں کے دوران موسم سرد اور خشک رہنے جبکہ بالائی بلوچستان میں بارش اور برف باری کا امکان ہے۔
شہر میں شمال مشرق سے 3 کلو میٹر فی گھنٹہ کی رفتار سے ہوائیں چل رہی ہیں، جن میں نمی کا تناسب 89 فیصد ہے۔
کراچی میں گزشتہ 24 گھنٹوں میں کم سے کم درجۂ حرارت 14.5 ڈگری سینٹی گریڈ ریکارڈ ہوا ہے۔
دوسری جانب پشاور میں آئندہ 24 گھنٹوں کے دوران بوندا باندی ہونے کا امکان ہے۔
محکمۂ موسمیات کے مطابق پشاور میں کم سے کم درجۂ حرارت4 ڈگری سینٹی گریڈ ریکارڈ ہوا ہے۔
ادھر خیبر پختو نخوا، گلگت بلتستان،کشمیر اور خطہ پوٹھوہار میں بارش اور پہاڑوں پر برفباری کا امکان ہے۔
گزشتہ 24 گھنٹوں کے دوران سکردو میں کم سے کم درجۂ حرارت منفی 10 ڈگری سینٹی گریڈ ریکارڈ کیا گیا۔
اس کے علاوہ ہنزہ میں منفی 6، کوئٹہ منفی 3، اسلام آباد ایک، پشاور، مظفرآباد 3، ملتان، سکھر، ڈیرا اسماعیل خان 6، لاہور، نوابشاہ7 اور کراچی میں درجہ حرارت 12ڈگری سینٹی گریڈ ریکارڈ کیا گیا۔
محکمۂ موسمیات کے مطابق بلوچستان کے شمالی اضلاع میں آج موسم شدید سرد رہنے امکان ہے، اس دوران شمال مغربی و جنوبی علاقوں میں گرد آلود ہوائیں چل سکتی ہیں۔
امریکی سینیٹ: وزیرِ دفاع کے لیے پیٹ ہیگزیتھ کی نامزدگی کی توثیق