ایران کے صوبہ خراسان رضوی کے گورنر ڈاکٹر غلام حسین مظفری کی وزیراعلیٰ ہاؤس آمد
اشاعت کی تاریخ: 29th, January 2025 GMT
وزیراعلیٰ سندھ سید مراد علی شاہ نے کہا کہ ایران اور پاکستان کے تعلقات مذہب، تاریخ اور ثقافت کی مضبوط بنیادوں پر استوار ہیں اور دونوں ممالک کے درمیان ثقافتی و اقتصادی تعلقات کو مزید فروغ دینے پر اتفاق کیا گیا ہے۔ متعلقہ فائیلیںاسلام ٹائمز۔ ایران کے صوبہ خراسان رضوی کے گورنر ڈاکٹر غلام حسین مظفری نے وزیراعلیٰ سندھ سید مراد علی شاہ سے ملاقات کی، جس میں دوطرفہ تعلقات اور باہمی دلچسپی کے امور پر تبادلہ خیال کیا گیا۔ ملاقات میں کابینہ کے ارکان، چیف سیکریٹری آصف حیدر شاہ اور وزیراعلیٰ کے پرنسپل سیکریٹری آغا واصف بھی شریک ہوئے۔ وزیراعلیٰ سندھ سید مراد علی شاہ نے کہا کہ ایران اور پاکستان کے تعلقات مذہب، تاریخ اور ثقافت کی مضبوط بنیادوں پر استوار ہیں اور دونوں ممالک کے درمیان ثقافتی و اقتصادی تعلقات کو مزید فروغ دینے پر اتفاق کیا گیا ہے۔ انہوں نے مزید کہا کہ ہم ایران کے ساتھ کئی شعبوں میں تعاون کو مزید وسعت دینے کے لیے پْرعزم ہیں۔
ایران کے صوبائی گورنر ڈاکٹر غلام حسین مظفری نے کہا کہ ایران پاکستان کے ساتھ اپنے برادرانہ تعلقات کو قدر کی نگاہ سے دیکھتا ہے اور دونوں ممالک کے درمیان کئی شعبوں میں تعاون کے وسیع مواقع موجود ہیں۔ انہوں نے وزیراعلیٰ سندھ کی مہمان نوازی کی بھی تعریف کی اور کہا کہ آج ہم کئی معاہدوں پر دستخط کرنے جا رہے ہیں۔ وزیراعلیٰ سندھ نے ایرانی گورنر سے اپنے کابینہ کے ارکان کا تعارف بھی کروایا۔ ایرانی گورنر نے کہا کہ پاکستان کے ساتھ ایران کے ثقافتی تعلقات بہت واضح ہیں اور اس کی مثال علامہ اقبال اور دیگر شاعروں کی فارسی میں شاعری ہے، جو دونوں ممالک کے تعلقات کا ایک اہم جزو ہے۔ اس ملاقات کے دوران وزیراعلیٰ سندھ نے یاد دلایا کہ سندھ کی ایک زمانے میں سرکاری زبان فارسی تھی، جو دونوں ممالک کے تاریخی اور ثقافتی تعلقات کی گواہی دیتی ہے۔
ذریعہ: Islam Times
کلیدی لفظ: دونوں ممالک کے پاکستان کے نے کہا کہ ایران کے
پڑھیں:
ڈونلڈ ٹرمپ کا نریندر مودی کو فون، دو طرفہ تعلقات پر گفتگو
واشنگٹن:امریکی صدر ڈونلڈ جے ٹرمپ نے بھارتی وزیرِ اعظم نریندر مودی کو فون کر کے امریکہ اور بھارت کے درمیان دو طرفہ تعلقات پر بات چیت کی۔
اس موقع پر دونوں رہنماؤں نے عالمی امور اور خطے کی صورتحال پر تفصیل سے گفتگو کی، جن میں انڈو پیسفک، مشرق وسطیٰ اور یورپ میں سلامتی کے معاملات شامل تھے۔
وائٹ ہاؤس کی جانب سے جاری کردہ اعلامیہ کے مطابق، صدر ٹرمپ نے بھارت سے امریکی ساختہ سیکیورٹی آلات کی خریداری میں اضافے کی تجویز دی اور اس بات پر زور دیا کہ دونوں ممالک دو طرفہ تجارتی تعلقات کو منصفانہ سمت میں لے کر آگے بڑھیں۔
دونوں رہنماؤں نے اس بات پر بھی تبادلہ خیال کیا کہ وزیرِ اعظم مودی کا وائٹ ہاؤس کا دورہ دونوں ممالک کے درمیان اسٹریٹجک تعلقات کی مضبوطی کی علامت ہو گا۔
اس موقع پر انہوں نے انڈو پیسفک میں کواڈ شراکت داری کو مزید مستحکم کرنے کے عزم کا اعادہ کیا۔
اس سال بھارت پہلی بار کواڈ رہنماؤں کی میزبانی کرے گا، جو کہ دونوں ممالک کے تعلقات کی اہمیت کو مزید اجاگر کرتا ہے۔
ہمارے معاشرے میں خواتین کو زندگی کے آغاز سے ہی مشکلات کا سامنا کرنا پڑتا ہے: عطاء تارڑ