شائستہ پرویز ملک کنٹری ایمبیسیڈر فار ویمن پولیٹیکل لیڈرز مقرر
اشاعت کی تاریخ: 29th, January 2025 GMT
رکن قومی اسمبلی شائستہ پرویز ملک کو ویمن پولیٹیکل لیڈرز کا کنٹری ایمبیسیڈر مقرر کردیا گیا۔
ویمن پولیٹیکل لیڈرز نے شائستہ پرویز ملک کو پاکستان کے لیے کنٹری ایمبیسیڈر مقرر کر دیا ہے۔
انہیں یہ اعزاز قومی اسمبلی میں ان کی نمایاں خدمات اور خواتین کی سیاسی قیادت کے فروغ میں ان کے مسلسل عزم کے اعتراف میں دیا گیا۔
یہ تقرری ویمن پولیٹیکل لیڈرز کی صدر اور بانی سلوانا کوچ مہرن کی جانب سے کی گئی، جو خواتین کی قیادت کو فروغ دینے کے عالمی مشن کا حصہ ہے۔
شائستہ پرویز ملک اس کردار میں خواتین کے سیاسی حقوق اور قیادت کے فروغ کےلیے کام کریں گی۔
.
ذریعہ: Jang News
پڑھیں:
مریم نواز سے یورپی یونین کے خصوصی نمائندہ برائے انسانی حقوق کی ملاقات
رو دلشاد: وزیرِاعلیٰ مریم نواز سے یورپی یونین کے خصوصی نمائندہ برائے انسانی حقوق اولوف سکوگ کی قیادت میں وفد نے ملاقات کی۔
ملاقات میں بنیادی انسانی حقوق، جمہوریت اور قانون کی حکمرانی کے فروغ پر تبادلہ خیال کیا گیا، وزیرِاعلیٰ مریم نواز نے یورپی یونین کی پاکستان خصوصاً پنجاب سے مسلسل شراکت داری اور انسانی حقوق کے معاملے پر تعمیری روابط کو سراہا۔
یورپی یونین وفد نے پنجاب حکومت کی انسانی حقوق کے تحفظ کی کاوشوں کی حمایت جاری رکھنے کے عزم کا اعادہ کیا، یورپی یونین کے نمائندے اولوف سکوگ نے پاکستان کی جانب سے انسانی حقوق کے فروغ اور کمزور طبقات کے تحفظ کے لیے کیے گئے اقدامات کو سراہا۔
محکمہ داخلہ کی دو دراز علاقوں میں جانے والی پولیو ٹیموں کے ساتھ پولیس بھیجنے کی ہدایت
اس موقع پر گفتگو کرتے ہوئے وزیراعلیٰ پنجاب مریم نواز کا کہنا تھا کہ پاکستان اقوامِ متحدہ کے انسانی حقوق کے میکانزم کے ساتھ بھرپور تعاون کر رہا ہے،پنجاب حکومت جمہوریت، قانون کی حکمرانی اور انسانی حقوق کے فروغ کیلئے پُرعزم اور کاربند ہے، اقلیتوں، خواتین، بچوں، خصوصی افراد اور دیگر کمزور طبقات کی فلاح و بہبود کیلئے عملی اقدامات کر رہے ہیں۔
مریم نواز نے مزید کہا کہ پاکستان نے حالیہ عرصے میں اقوامِ متحدہ کے انسانی حقوق سے متعلق اہم جائزہ اجلاس میں شرکت کی، اگست 2024 میں پاکستان نے نسل پرستی کے خاتمے کے بین الاقوامی کنونشن (ICERD) کے تحت جائزہ کامیابی سے پیش کیا،بنیادی انسانی حقوق کے فروغ کیلئے یورپی یونین سے اشتراک مستقبل میں مزید بنائیں گے۔
پاک چین دوستی پرلگائے گئے گھناؤنے الزامات کی شدید مذمت کرتے ہیں، ترجمان دفترِ خارجہ
امریکی سینیٹ: وزیرِ دفاع کے لیے پیٹ ہیگزیتھ کی نامزدگی کی توثیق