آئی سی سی ٹیسٹ رینکنگ جاری: بولرز میں نعمان علی کی لمبی چھلانگ، پانچویں پوزیشن پر آگئے
اشاعت کی تاریخ: 29th, January 2025 GMT
دبئی : انٹرنیشنل کرکٹ کونسل (آئی سی سی) نے نئی ٹیسٹ رینکنگ جاری کر دی ہے۔ اس میں پاکستان کے اسٹار اسپنر نعمان علی نے برق رفتاری سے 4 درجے ترقی کرتے ہوئے پانچویں پوزیشن حاصل کر لی ہے۔ وہ ٹیسٹ باؤلنگ رینکنگ میں 800 پوائنٹس کا ہندسہ عبور کرنے والے 12 ویں پاکستانی بولر بن گئے ہیں۔
نعمان علی نے ملتان ٹیسٹ میں 10 وکٹیں حاصل کی تھیں۔ آف اسپنرساجد خان کی بھی رینکنگ میں 2 درجے بہتری ہوئی ہے اور وہ 21 ویں نمبر پر آگئے ہیں۔
اسپنر ابرار احمد بھی 2 درجے ترقی کے بعد 51 ویں پوزیشن پر آ گئے ہیں۔
پاک ویسٹ انڈیز ٹیسٹ سیریز کے بہترین کھلاڑی قرار پانے والے جومیل واریکن نے 16 درجہ اوپر چھلانگ لگا کر کیریئر بیسٹ 25 ویں پوزیشن حاصل کر لی ہے۔ انہوں نے اس سیریز میں 19 وکٹیں حاصل کی تھیں۔
ٹیسٹ رینکنگ میں بولرزکی فہرست میں بھارت کے جسپریت بمراہ کا پہلا نمبر ہے جبکہ ٹیسٹ بیٹر میں جو روٹ کی بدستور پہلی پوزیشن ہے۔ اسٹیو اسمتھ ایک درجہ بہتری کے بعد آٹھویں اور رشبھ پنت نویں پوزیشن پر پہنچ گئے ہیں۔
پاکستان کے بابر اعظم اور سعود شکیل کی رینکنگ مزید گرگئی ہے، سعود شکیل ایک درجہ تنزلی کے بعد دسویں پوزیشن جبکہ بابر اعظم 3 درجہ تنزلی کے بعد 19 ویں پوزیشن پر چلےگئے ہیں۔ محمد رضوان کی 2 درجہ بہتری ہوئی ہے اور وہ 15 ویں نمبر پر آگئے ہیں۔ سلمان علی آغا 5 درجہ تنزلی کے بعد 32 ویں نمبر پر چلےگئے ہیں۔
ٹیسٹ آل راؤنڈرز میں بھارت کے رو یندرا جدیجہ کی پہلی پوزیشن برقرار ہے۔
آئی سی سی ٹی 20 بیٹرز رینکنگ میں ٹریوس ہیڈ کی پہلی پوزیشن برقرار ہے۔ بھارت کے تلک ورما ایک درجہ ترقی کے بعد دوسرے نمبر پر آگئے ہیں۔
پاکستان کے محمد رضوان ایک درجہ بہتری کے بعد آٹھویں نمبر پر پہنچ گئے ہیں۔
ٹی 20 بولرز کی رینکنگ میں انگلینڈ کے عادل رشید نمبر ون بولر بن گئے جبکہ ویسٹ انڈیز کے عقیل حسین دوسرے نمبر پر چلےگئے ہیں۔ بھارت کے ورن چکروتی لمبی چھلانگ کے بعد 25 درجے ترقی کے بعد پانچویں نمبر پر آگئے ہیں۔
انگلینڈ کے جوفرا آرچر 13 درجے ترقی کے بعد چھٹے نمبر پر آگئے ہیں۔ اکشر پٹیل 5 درجے ترقی کے بعد 11 ویں نمبر پر پہنچ گئے ہیں۔ ٹی 20 آل راؤنڈرز میں بھارت کے ہاردک پانڈیا کی پہلی پوزیشن برقرار ہے۔
.ذریعہ: Jasarat News
کلیدی لفظ: درجے ترقی کے بعد ویں پوزیشن پر پہلی پوزیشن ویں نمبر پر پر آگئے ہیں بھارت کے ایک درجہ گئے ہیں
پڑھیں:
آئی ایل ٹی میں ڈیزرٹ وائپرز پوائنٹس ٹیبل پر دوسری پوزیشن پر قابض
آئی ایل ٹی میں ڈیزرٹ وائپرز پوائنٹس ٹیبل پر دوسری پوزیشن پر قابض WhatsAppFacebookTwitter 0 30 January, 2025 سب نیوز
دبئی : ڈیزرٹ وائپرز نے گلف جائنٹس کو 5 وکٹوں سے شکست دے کر ٹیبل ٹاپ پر اپنی برتری بحال کی۔
دبئی انٹرنیشنل اسٹیڈیم میں کھیلے گئے میچ میں میکس ہولڈن نے 54 گیندوں پر 70 رنز کی شاندار اننگز کھیل کر ٹیم کو 19 اوورز میں کامیابی دلائی۔ پہلے ہی پلے آف میں جگہ بنانے کے بعد وائپرز نے اس جیت کے ساتھ ٹاپ ٹو میں جگہ بنائی۔اس سے قبل ٹام کرن نے 34 گیندوں پر 9 چوکے اور ایک چھکے کی مدد سے 64 رنز بنائے تھے جس کے باوجود جائنٹس نے 8 وکٹوں کے نقصان پر 129 رنز بنائے تھے۔
ڈیزرٹ وائپرز نے پاور پلے میں دونوں اوپنرز کھو دیئے کیونکہ مارک اڈیئر نے ایلکس ہیلز کو آؤٹ کیا اور بلیسنگ مزرابانی نے پہلے 4 اوورز میں فخر زمان کو آؤٹ کیا۔ دونوں وکٹیں بالترتیب کرس جارڈن اور ٹام کرن کے شاندار کیچز کا نتیجہ تھیں جس کی بدولت وائپرز نے پاور پلے میں 2 وکٹوں کے نقصان 42 رنز بنائے۔ اگرچہ رنز کا تعاقب وائپرز کے حق میں رہا اور آخری 5 اوورز میں 33 رنز کی ضرورت تھی۔ ہولڈن نے 42 گیندوں پر نصف سنچری بنائی جس میں 6 چوکے اور ایک چھکا شامل تھا جس کے بعد اعظم خان کی تیسری وکٹ نے جائنٹس کو امید کی کرن دکھائی۔
ہولڈن ایڈم ناقابل شکست رہے اور انہوں نے 21 گیندوں پر 32 رنز بنائے اور وائپرز کو 19 اوورز میں فتح سے ہمکنار کیا۔پہلے کھیلتے ہوئے گلف جائنٹس کے لئے یہ ایک مشکل مقابلہ تھا۔ جیمز ونس کو سیم کرن نے 15 رنز پر آؤٹ کیا اور جائنٹس پاور پلے میں صرف 31 رنز ہی بنا سکے۔ونندو ہسارنگا طاقتور ترین خطرے بنے جنہون نے جائنٹس کے ٹاپ آرڈر کو تہس نہس کردیا انہوں نے 7 ویں اوور میں ٹام السوپ کو آوٹ کیا جنہوں نے 26 گیندوں پر 17 رنز بنائے تھے ۔
جس کے بعد جورڈن کاکس صرف 3 رنز کے اسکور پر ایل بی ڈبلیو کردیا جس سے جائنٹس کا اسکور 4 وکٹوں کے نقصان پر 44 رنز ہوگیا۔ خزیمہ تنویر نے 9 ویں اوور میں شمرون ہیٹمائر کو آؤٹ کرکے جائنٹس کی مشکلات میں اضافہ کیا۔ سیم کرن نے گرہارڈ ایراسمس کا کیچ پکڑ کر ان کی مشکلات مزید بڑھادیں۔ ٹام کرن نے 30 گیندوں پر نصف سنچری بنا کر اننگز کو تقویت بخشی۔ انہوں نے 19 ویں اوور دو چوکے اور ایک چھکا لگایا جو اننگز کا سب سے نتیجہ خیز اوور ثابت ہوا۔ آخری اوور میں ٹام کرن کے مزید 14 رنز نے جائنٹس کو اپنی باری کے اختتام پر 8 وکٹوں کے نقصان پر 129 رنز تک پہنچا دیا۔
وزیراعظم نے انسانی اسمگلنگ میں ملوث گروہوں کے سدباب کیلیے خصوصی ٹاسک فورس قائم کردی