ویرات کوہلی 18 نمبر کا ہی انتخاب کیوں کرتے ہیں؟
اشاعت کی تاریخ: 29th, January 2025 GMT
بھارتی کرکٹ ٹیم کے سابق کپتان ویرات کوہلی اپنے لیے 18 نمبر سے جذباتی وابستگی رکھتے ہیں۔
بھارتی میڈیا رپورٹ کے مطابق ویرات کوہلی 18 نمبر کی کرکٹ جرسی میں انڈ 19 سے نظر آرہے ہیں، ون ڈے، ٹی 20 اور ٹیسٹ میں بھی اُن کی جرسی کا نمبر 18 ہی ہے۔
بھارتی میڈیا کے مطابق ویرات کوہلی کے نزدیک 18 نمبر اُن کی جذباتی واسبتگی تو ہے ہی تاہم وہ سمجھتے ہٰں کہ اس نمبر کے ملنے کے بعد سے انہوں نے ترقی کی منازل طے کی ہیں۔
اس کے علاوہ ویرات کے ریسٹورنٹ سمیت دیگر کاروبار کے ناموں میں بھی 18 نمبر کا تذکرہ ہے۔
بھارتی میڈیا کے مطابق 18 نمبر سے ویرات کوہلی کی جذباتی وابستگی کی وجہ اُن کے والد کا انتقال بھی ہے جو 18 دسمبر 2006 کو اُس وقت دار فانی سے کوچ کرگئے تھے جب ویرات دہلی میں میچ کھیل رہے تھے۔
اس 18 نمبر سے ویرات کی محبت اور قربت کی ایک اور نئی مثال سامنے آئی کہ انہوں نے اپنی گاڑیوں کیلیے خصوصی نمبر پلیٹ حاصل کی ہے۔
ویرات کی گاڑیوں پر انگریزی کے رجسٹریشن الفاظ کے ساتھ 18 نمبر بھی درج ہے۔
.
ذریعہ: Express News
کلیدی لفظ: ویرات کوہلی
پڑھیں:
بھکھی پولیس نے ڈکیتی مزاحمت کے دوران شخص کو قتل کرنیوالا ملزم گرفتار کرلیا
بھکھی پولیس نے ڈکیتی مزاحمت کے دوران شخص کو قتل کرنے والے ملزم کو ٹریس کرکے گرفتار کرلیا۔ ملزم کی گرفتاری کے لیے آئی جی پنجاب نے آر پی او اور ڈی پی او شیخوپورہ کو خصوصی ٹاسک سونپا تھا۔
شیخوپورہ کے تھانہ بھکھی کی حدود میں ملزم نے کیری ڈبے چھیننے کی واردات کے دوران مزاحمت پر شہری محمد سلطان کو قتل کردیا تھا۔
ایس ایچ او بھکھی جمشید اقبال کے مطابق واردات کا مقدمہ شہری کے بھائی کے بیان پر نامعلوم افراد کے خلاف درج ہوا تھا۔پولیس نے جدید ٹیکنالوجی کا استعمال کرتے ہوئَے ملزم کو ٹریس کیا۔
ڈی پی او شیخوپورہ بلال ظفر شیخ کا کہنا تھا کہ پولیس نے ملزم کو ٹریس کرتے ہوئے کیری ڈبہ اور چھینا گیا دیگر سامان بھی برآمد کرلیا۔
پولیس کے مطابق ملزم سے مزید تحقیقات کا عمل جاری ہے۔
آر پی او شیخوپورہ ریجن اطہر اسماعیل کی جانب سے ملزم کی گرفتاری پر بھکھی پولیس ٹیم کے لیے تعریفی اسناد کا اعلان کیا گیا۔
امریکی رکن کانگریس جیک برگمین کا عمران خان کی رہائی کا مطالبہ