صنم جاوید طیبہ راجا کے ساتھ ہونے والے جھگڑے پر کھل کر بول پڑیں
اشاعت کی تاریخ: 29th, January 2025 GMT
پاکستان تحریک انصاف کی متحرک رہنما صنم جاوید اور طیبہ راجا کے درمیان ہونے والے جھگڑے پر صنم جاوید کھل کر بول پڑیں۔
پی ٹی آئی رہنما صنم جاوید نے حال ہی میں ایک پوڈ کاسٹ میں شرکت کی جہاں انہوں نے میزبان کی جانب سے پوچھے گئے مختلف سوالوں کے جوابات دیے۔
یہ بھی پڑھیں پی ٹی آئی رہنما صنم جاوید کے ساتھ جیل میں کیسا سلوک کیا گیا؟
پی ٹی آئی کی سوشل میڈیا ایکٹویسٹ طیبہ راجا کے ساتھ ہونے والے جھگڑے سے متعلق پوچھے گئے سوال پر صنم جاوید نے کہاکہ جب آپ ایک جگہ پر اکٹھے رہ رہے ہوں تو پھر اختلاف رائے ہو جاتا ہے۔
انہوں نے کہاکہ جب میں جیل میں تھی وہ بہت برا وقت تھا، کیونکہ جب ہمیں پیشی کے لیے لے جایا جاتا تو ہر دفعہ کچھ نیا سننے کو ملتا تھا اب ایسا ہونے جارہا ہے۔ بولنے سے باز نہ آنے کی وجہ سے مجھے بہت سے مسائل کا سامنا رہا۔
انہوں نے کہاکہ طیبہ راجا اور میرے درمیان کوئی غلط فہمی ہی ہوئی ہوگی، کیوں کہ جب آپ اکٹھے رہتے ہیں تو پھر غلط فہمیاں ہو جاتی ہیں، لیکن ایسی کوئی بات نہیں ہے کہ ہماری دشمنیاں چل رہی ہوں۔
واضح رہے کہ صنم جاوید اور طیبہ راجا 9 مئی واقعات کے بعد گرفتار ہوگئی تھیں اور انہوں نے قید کے دن اکٹھے گزارے ہیں، اور پھر کچھ ایسی خبریں بھی سامنے آئی تھیں کہ ان کے درمیان لڑائی ہوئی ہے۔
یہ بھی پڑھیں مریم نواز کا صنم جاوید کیخلاف ایکشن، بریت کو سپریم کورٹ میں چیلنج کردیا
طیبہ راجا نے ایک پوڈ کاسٹ میں گفتگو کرتے ہوئے کہا تھا کہ صنم جاوید میری دوست نہیں، سیاست میں وہی آگے جاتا ہے جو لابنگ کرنا جانتا ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews جھگڑا جیل صنم جاوید طیبہ راجا عمران خان غلط فہمی لڑائی وی نیوز.ذریعہ: WE News
کلیدی لفظ: جھگڑا جیل صنم جاوید غلط فہمی لڑائی وی نیوز صنم جاوید انہوں نے
پڑھیں:
عوامی لیگ کے دور میں ہونے والے غیرمنصفانہ معاہدوں پر بھارت سے مذاکرات کریں گے: بنگلہ دیش
بنگلہ دیش کی عبوری حکومت کے مشیر داخلہ جہانگیر عالم نے کہا ہے کہ عوامی لیگ کے دور حکومت میں ہونے والے غیرمنصفانہ معاہدوں پر ہندوستان سے مذاکرات کریں گے۔
بنگلہ دیش کی بارڈر گارڈ اور ہندوستان کی بارڈر سیکیورٹی فورس کے درمیان آئندہ ڈی جی لیول کی کانفرنس کے حوالے سے میڈیا سے گفتگو کرتے ہوئے جہانگیر عالم نے کہاکہ سرحد پر بی ایس ایف یا بھارتی شرپسندوں کی جانب سے نہتے شہریوں پر فائرنگ جیسے معاملات کو اٹھایا جائےگا۔
یہ بھی پڑھیں بنگلہ دیش نیوی کا جہاز کراچی میں ’انٹرنیشنل فلیٹ ریویو‘ میں حصہ لے گا
انہوں نے کہاکہ ہم عوامی لیگ کے دور حکومت میں کیے گئے غیرمنصفانہ معاہدوں کو حل کرنے کے لیے بھارت کے ساتھ بات چیت میں حصہ لیں گے۔
مشیر داخلہ نے کہاکہ سرحد کے 150 گز کے اندر کوئی بھی ڈھانچہ کھڑا کرنے کے لیے دونوں طرف سے اجازت درکار ہوتی ہے۔ یکطرفہ کارروائیوں کی اجازت دینے والی کوئی دفعات نہیں ہیں، اور مسجد یا مندر کی تعمیر کے لیے دونوں ممالک کی منظوری ضروری ہے۔ بھارت ایسی کوئی بھی سرگرمی کرنے کے لیے پہلے اجازت لے۔
جہانگیر عالم نے کہاکہ کانفرنس میں بی ایس ایف یا بھارتی شرپسندوں کی طرف سے سرحدی ہلاکتوں کی روک تھام، نہتے بنگلہ دیشی شہریوں پر فائرنگ اور سرحد پر زخمی ہونے سمیت اہم معاملات کو اٹھایا جائےگا۔
انہوں نے مزید کہاکہ بحث کے دیگر موضوعات میں بی ایس ایف اہلکاروں یا ہندوستانی شہریوں کی طرف سے بے دخلی، غیر قانونی منشیات، اسلحہ، گولہ بارود اور دھماکا خیز مواد بشمول یابا اور فینسڈیل کی بنگلہ دیش میں اسمگلنگ شامل ہے۔
انہوں نے کہاکہ اس کے علاوہ مذاکرات میں سرحد پار دریاؤں کے پانی کی مساوی تقسیم، پانی کے معاہدے پر عمل درآمد اور رحیم پور نہر کے منہ کو دوبارہ کھولنے کا احاطہ کیا جائےگا۔
یہ بھی پڑھیں بنگلہ دیش اور پاکستان میں فروغ پاتے تعلقات پر بھارت سیخ پا
انہوں نے یہ بھی کہاکہ بھارت کے سرحدی علاقوں کے ساتھ اکثر منشیات تیار کی جاتی ہیں اور بنگلہ دیش میں دھکیل دی جاتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بنگلہ دیش بھارت جہانگیر عالم عوامی لیگ مشیر داخلہ وی نیوز
ہمارے معاشرے میں خواتین کو زندگی کے آغاز سے ہی مشکلات کا سامنا کرنا پڑتا ہے: عطاء تارڑ