متعدد ممالک میں چینی سفارت خانوں اور قونصل خانوں کی جانب سے جشن بہار کی مناسبت سے سرگرمیوں کا انعقاد
اشاعت کی تاریخ: 29th, January 2025 GMT
بیجنگ:متعدد ممالک میں چینی سفارت خانوں اور قونصل خانوں نے حالیہ دنوں میزبان ممالک میں تمام شعبوں سے تعلق رکھنے والے دوستوں، بیرون ملک مقیم چینیوں، چینی سرمایہ کاری سے چلنے والے اداروں کے نمائندوں اور چینی طلباء کے ساتھ چینی نئے سال کا جشن منانے کی سرگرمیاں منعقد کی ہیں۔
بدھ کے روز چینی میڈیا کے مطابق حال ہی میں، یوکرین میں چینی سفارتخانے نے 2025 کے نئے سال کا استقبال کیا۔ تقریباً 400 افراد نے اس تقریب میں شرکت کی جن میں یوکرین کے کابینہ کے وزیر نیمچینوف، نائب وزیر اقتصادیات اور تجارتی نمائندے کاچکا اور دیگر شامل تھے۔یوکرینی چیمبر آف کامرس اینڈ انڈسٹری کے چیئرمین چیزیکوف نے کہا کہ میں تمام چینی باشندوں کو جشن بہار کی مبارکباد دینا چاہتا ہوں۔ میری خواہش ہے کہ نئے سال میں چینی عوام خوش اور صحت مند ہوں، ملک خوشحال ہو اور دونوں ممالک کے درمیان تجارت اور تعاون کو مزید فروغ ملے۔
ذریعہ: Daily Mumtaz
کلیدی لفظ: میں چینی
پڑھیں:
بلوچستان، امتحانات میں نقل کی روک تھام کیلئے اجلاس کا انعقاد
اجلاس میں امتحانات میں نقل کے خاتمے سے متعلق اہم فیصلے کئے گئے۔ چیف سیکرٹری بلوچستان نے اس موقع پر متعلقہ ذمہ داران کو ہدایات جاری کیں۔ اسلام ٹائمز۔ چیف سیکرٹری بلوچستان شکیل قادر خان نے کہا ہے کہ تعلیمی اداروں میں نقل کا بڑھتا ہوا رجحان پاکستان کے تعلیمی نظام کا وہ ناسور ہے۔ جس نے پورے تعلیمی نظام اور ڈھانچے کو ناکام اور ناکارہ بنا دیا ہے۔ ان خیالات کا اظہار انہوں نے کوئٹہ میں امتحانات میں نقل کے خاتمے کے سلسلے میں منعقدہ اجلاس کی صدارت کرتے ہوئے کیا۔ انہوں نے کہا کہ نقل روکنے کے لئے ہر سطح اور ہر طرح کے قابل عمل، بنیادی اور ٹھوس اقدامات کرنے ہوں گے۔ نقل کرنے اور کرانے والوں کے خلاف فوری قانونی کارروائی عمل میں لائی جائے اور ان کی ہر سطح پر حوصلہ شکنی کرنی چاہئے۔ اجلاس میں امتحانات میں نقل کے خاتمے سے متعلق اہم فیصلے کئے گئے۔ اجلاس کے شرکاء کو بتایا گیا کہ بلوچستان بھر میں کل 432 امتحانی مراکز میں سے 152 امتحانی مراکز بینک سے محروم ہیں۔ ان مراکز کے قریب ترین انتظامی دفتر کی نشاندہی کی جائے گی اور پرچوں کی مناسب ذخیرہ اندوزی اور امتحانی مراکز تک ان کی نقل و حمل کے لئے استعمال کیا جائے گا۔ اس کے علاوہ محکمہ تعلیم تمام امتحانی مراکز کی فہرست متعلقہ ضلعی انتظامیہ کے ساتھ شیئر کرے گا۔
چیف سیکرٹری نے کہا کہ تمام انتظامی سیکرٹریز، متعلقہ کمشنرز، ڈپٹی کمشنرز، اسسٹنٹ کمشنرز اور تحصیلدار امتحانی مراکز کا باقاعدہ دورہ یقینی بنائیں گے۔ تمام ڈپٹی کمشنرز لائن ڈیپارٹمنٹس کے انسپکٹرز کو بھی نامزد کریں گے۔ انہوں نے کہا کہ تمام ڈپٹی کمشنرز امتحانی مراکز پر لیویز اور پولیس اہلکاروں کی تعیناتی کو یقینی بنائیں گے تاکہ امتحانات کے پرامن انعقاد کو یقینی بنایا جا سکے۔ محکمہ امتحانی مراکز سے پرچوں کی مناسب وصولی اور ترسیل کے لئے معیاری آپریٹنگ طریقہ کار واضع کرے گا۔ اس بات کو بھی یقینی بنایا جائے گا کہ کاغذات کی وصولی اور ترسیل ضلعی انتظامیہ کے نمائندے کی موجودگی میں کی جائے گی۔ پورے بلوچستان میں امتحانی مراکز کے قریب 144 نافذ کی جائے گی۔ تمام ڈپٹی کمشنرز امتحانی مراکز میں سی سی ٹی وی کیمروں کی تنصیب کو یقینی بنائیں۔ انہوں نے ہدایت کی کہ نقل کی روک تھام کے لئے جو حکمت عملی بنائی گئی ہے۔ آئندہ ماہ شروع ہونے والے میٹرک کے امتحانات اس کے تحت لئے جائیں تاکہ فوری طور پر اس کا نفاذ ہوسکے۔
ہمارے معاشرے میں خواتین کو زندگی کے آغاز سے ہی مشکلات کا سامنا کرنا پڑتا ہے: عطاء تارڑ