ملک کے مختلف علاقوں میں زلزلے کے جھٹکے
اشاعت کی تاریخ: 29th, January 2025 GMT
سبی اوراس کے ملحقہ علاقوں میں زلزلے کے جھٹکے محسوس کئے گئے ہیں۔
زلزلہ پیما مرکز کاکہنا ہے کہ ریکٹر سکیل پر شدت 4.1ریکارڈ کی گئی ،زلزلے کا مرکز سبی سے 124کلومیٹردور شمال مشرق میں تھا۔
زلزلے کے جھٹکے محسوس ہونے پر لوگوں میں خوف وہراس پھیل گیا اور لوگ کلمہ طیبہ کا ورد کرتے ہوئے گھروں اور دکانوں سے باہرنکل آئے۔
تحریک انصاف کا مینار پاکستان پر جلسہ کرنے کا فیصلہ
ذریعہ: Daily Ausaf
پڑھیں:
اغوا کارمتحرک،کراچی کے مختلف علاقوں سے بچوں کا کھلے عام اغوا
( رپورٹ:اسد رضا ) ایڈیشنل آئی جی کراچی جاوید عالم اوڈھو نے شہر کے مختلف علاقوں سے بچوں کے اغوا کے واقعات پر تشویش کا اظہار کیا ہے ، تفصیلات کے مطابق کراچی پولیس کو مسلسل چیلنجز درپیش ہیں ۔دشمن قوتیں کراچی میں امن دیکھنا نہیں چاہتیں۔ گزشتہ کئی برسوں سے کراچی پولیس اسٹریٹ کرائم کی وارداتوں کی روک تھام کے لیے بھرپور اقدامات کر رہی ہے لیکن نتائج حاصل نہیں ہو پا رہے ہیں۔ دن دیہاڑے گھر کی دہلیز پر ڈاکو نہتے شہریوں پر گولیاں برسا رہے ہیں ۔پولیس ڈاکوؤں سے مقابلے بھی کر رہی ہے اور گرفتاریوں کا عمل بھی بدستور جاری ہے۔ اس کے ساتھ ہی شہر قائد میں بچوں کو اغوا کرنے کا منظم گروہ متحرک ہوا ہے جو معصوم بچوں کو نشانہ بنا رہا ہے۔ اس کی روک تھام کے لیے تھانوں کی سطح پر کمیٹیاں اور اسپیشل برانچ انٹیلی جنس یونٹ کو متحرک کرنے کی ضرورت ہے۔ اغوا کار کہاں سے آتے ہیں؟ کہاں غائب ہو جاتے ہیں؟ کراچی میں 70فیصد گلی محلہ بازاروں اور مساجد میں کیمرے لگے ہوئے ہیں ۔اس کے باوجود جرائم پیشہ عناصر بلا خوف و خطر اغوا کی وارداتیں کر رہے ہیں گزشتہ روز تھانہ کورنگی کی حدود میں صبح کے اوقات میں دو موٹر سائیکل سواروں نے ماں کے ساتھ اسکول جانے والے بچے کو اغوا کرنے کی کوشش کی جس پر ماں نے چلانا شروع کر دیا جس پر ملزمان گھبرا کر فرار ہو گئے۔ شہر کراچی میں مختلف قسم کے جرائم پیشہ افراد کا منظم گروہ متحرک ہے ۔اس کے ساتھ ہی عوامی حلقوں میں بچوں کے اغوا کے واقعات پر شدید تشویش اور بے چینی پائی جاتی ہے۔ بچوں کااغوا کار گروہ یک دم متحرک ہوا ہے اور بہت ہی منظم طریقے سے کام کر رہا ہے جس میں انسانی اعضاء بچوں سے بھیک منگوانا و دیگر غیر قانونی سرگرمیاںشامل ہیں ۔شہر قائد کی موجودہ صورتحال کو دیکھتے ہوئے کراچی پولیس چیف نے تمام پولیس کو الرٹ کرتے ہوئے ہدایت جاری کی ہے کہ بچوں کے اغوا میں ملوث عناصر کو سخت سے سخت سزا دی جائے ۔
قیام امن کے لیے خیبر پختونخوا حکومت کو مولانا فضل الرحمان کی پیش کش