کراچی: کارسوارشہری سے 35 لاکھ روپےلوٹے جانے کی واردات کی سی سی ٹی وی فوٹیج سامنے آگئی
اشاعت کی تاریخ: 29th, January 2025 GMT
بینکوں سے رقم لیکر نکلنا شہریوں کے لیے وبال جان بن گیا جبکہ مسلح ڈاکو کراچی کے علاقے گلشن جمال میں کارسوارشہری سے 35 لاکھ روپےلوٹے جانے کی واردات کی کی سی سی ٹی وی فوٹیج سامنے آگئی۔
رپورٹ کے مطابق منگل کوشاہراہ فیصل تھانے کے علاقے گلشن جمال میں کارسوارشہری سے35لاکھ روپےلوٹے جانے کی واردات کی کی سی سی ٹی وی فوٹیج سامنے آگئی۔
سی سی ٹی وی فوٹیج کے مطابق 2 موٹرسائیکل سوار3مسلح ملزمان شہری کا تعاقب کرتے ہوئے گلشن جمال تک پہنچے، مسلح ملزمان کو دیکھ کرشہری نے گاڑی لاک کرلی۔
ایک ملزم نے اسلحہ کے زورہرشہری کو گاڑی میں ہی محصورکردیا، ملزمان نے پستول کے بٹ مارکرشہری کی گاڑی کا شیشہ توڑ دیا، ملزمان کو گاڑی سے رقم سے بھرابیگ نکال کر فرارہوتےدیکھا جا سکتا ہے۔
پولیس کے مطابق متاثرہ شہری محمود آباد کے نجی بینک سے رقم لے کرنکلنے والا شہری گلشن جمال پہنچا تھا۔
مسلح ملزمان شہری گھر کی دہیلزسے 35 لاکھ روپے لوٹ کرفرارہوئے تھے، پولیس کے مطابق واردات کا مقدمہ تاحال درج نہیں کیا جا سکا ہے۔
.ذریعہ: Express News
پڑھیں:
ویزا فراڈ، انسانی اسمگلنگ میں ملوث 3 ملزمان گرفتار
فیڈرل انویسٹی گیشن ایجنسی ( ایف آئی اے) نے ویزا فراڈ اور انسانی اسمگلنگ میں ملوث 3 ملزمان کو گرفتار کرلیا۔
ایف آئی اے انسداد انسانی اسمگلنگ اسلام آباد سرکل کے مطابق گرفتار ملزم کی شناخت زوہیب علی کے نام سے ہوئی۔ ملزم نے شہریوں کو بیرون ملک بھجوانے کا جھانسہ دے کر لاکھوں روپے ہتھیائے۔ ملزم نے شہری کو ترکی اس کے خاندان کے دیگر 5 افراد کو عمرہ پر سعودی عرب بھجوانے کے لیے 12 لاکھ روپے سے زائد کی رقم وصول کی۔ ملزم نے ایک اور شہری سے بھی بیرون ملک ملازمت کے نام پر 2 لاکھ 78 ہزار روپے ہتھیائے۔
ایف آئی اے کے مطابق ملزم نے مذکورہ رقم بینک اکاونٹ میں وصول کیں اور رقوم وصول کرکے روپوش ہوگیا۔ گرفتار ملزم ریکارڈ یافتہ ہے اور متعدد مقدمات میں نامزد ہے۔ ملزم کو گرفتار کر کے تفتیش کا آغاز کر دیا گیا۔
دوسری جانب ایف آئی اے گجرانوالہ نے 2 انسانی اسمگلروں کو گرفتار کرلیا۔ گرفتار اسمگلروں کی شناخت عمران حیدر اور فرخ مشتاق کے نام سے ہوئی۔ ملزمان کو کامونکی سے گرفتار کیا گیا۔ ملزمان نے شہری کو کینیڈا بھجوانے کا جھانسہ دے کر بھاری رقوم بٹوریں۔ ملزمان نے مجموعی طورپر شہری سے 9 لاکھ روپے لیے اور بیرون ملک بھجوانے میں ناکام رہے۔ ملزمان سے مزید تفتیش جاری ہے۔
وزیراعظم نے انسانی اسمگلنگ میں ملوث گروہوں کے سدباب کیلیے خصوصی ٹاسک فورس قائم کردی