حیدرآباد بورڈ، شعبہ امتحانات میں کنٹرول کا معاملہ شدت اختیار کرگیا
اشاعت کی تاریخ: 29th, January 2025 GMT
حیدر آباد تعلیمی بورڈ — فائل فوٹو
حیدرآباد تعلیمی بورڈ میں ڈیپوٹیشن پر تعینات چیئرمین علی احمد بروہی اور قائم مقام ناظم ڈاکٹر مسرور احمد زئی کے درمیان شعبہ امتحانات میں کنٹرول کا معاملہ شدت اختیار کرگیا ہے۔
شعبہ امتحانات میں کنٹرول کا معاملہ وزیر اعلیٰ سندھ تک پہنچ گیا ہے۔
اعلیٰ انسپیکشن انکوائری ٹیم نے معاملے پر سہہ رکنی کمیٹی قائم کردی ہے، جو چیئرمین کی طرف سے لگائے گئے الزامات کی انکوائری کرے گی۔ کمیٹی میٹرک اور انٹر کے گزشتہ 10 سال کے ریکارڈ کا جائزہ لے گی۔
سیکریٹری بورڈز و جامعات عباس بلوچ نے ڈیپوٹیشن پر تعینات شوکت علی خانزادہ کی جانب سے حیدرآباد بورڈ کے قائم مقام ناظم امتحانات مسرور احمد زئی کو برطرف کرنے کے واقع کی رپورٹ طلب کرلی ہے۔
واضح رہے کہ حیدرآباد بورڈ میں چیئرمین اور سیکریٹری دونوں سپریم کورٹ کے احکامات کے برخلاف ڈیپوٹیشن پر تعینات ہیں۔
چیئرمین علی احمد بروہی سندھ یونیورسٹی میں پروفیسر جبکہ سیکریٹری کا تعلق کالج ایجوکیشن سے ہے، جن کی تعیناتی کی مدت بھی مکمل ہوچکی ہے۔
حیدرآباد بورڈ میں شعبہ امتحانات میں کنٹرول کے سلسلے میں بورڈ حکام کے طویل عرصے سے اختلافات چل رہے تھے۔
.ذریعہ: Jang News
کلیدی لفظ: شعبہ امتحانات میں کنٹرول
پڑھیں:
حیدرآباد ،پرائس کنٹرول کمیٹیا ں غیر فعال ،چینی مافیا سرگرم
حیدرآباد (اسٹاف رپورٹر) چینی مافیا سرگرم ، چینی کے 50 کلو کے کٹے پر ایک ہزار روپے کا اضافہ، ہول سیل قیمت 145 روپے، دکانوں پر 150 سے 155 روپے فی کلو فروخت کی جانے لگی، پرائس کنٹرول کمیٹیاں غیر فعال چینی مافیا نے ایک بار پھر عوام کو اپنی لوٹ مار کا نشانہ بنا لیا، ایک ہفتے پہلے 50 کلو چینی کا کٹہ 6000 روپے میں دستیاب تھا لیکن اب وہی کٹہ 7000 روپے میں فروخت ہو رہا ہے، 7 دن میں 1000 روپے کا اضافہ کر دیا گیا جو عوام کی قوت خرید مزید کمزور کر رہا ہے، ہول سیل مارکیٹ میں چینی 145 روپے فی کلو میں فروخت ہو رہی ہے جبکہ پرچون دکاندار 160 روپے فی کلو بیچنے پر مجبور ہیں۔ دوسری جانب گھی کی قیمتوں میں بھی ہوشربا اضافہ دیکھا جا رہا ہے جہاں فی کلو گھی پر 150 سے 155 روپے تک اضافہ ہو چکا ہے، پرائس کنٹرول کمیٹیاں اور انتظامیہ مجرمانہ خاموشی اختیار کیے ہوئے ہے۔ شہریوں نے کمشنر اور ڈپٹی کمشنر سے مطالبہ کیا ہے کہ چینی اور گھی کی قیمتوں میں اضافہ کرنے والوں کے خلاف فوری کریک ڈاؤن کیا جائے، اگر بروقت اقدامات نہ کیے گئے تو عوامی مشکلات میں مزید اضافہ ہوگا اور مافیا اپنی من مانیوں میں مزید آزاد ہو جائے گا، حکومتی کارکردگی اور پرائس کنٹرول کمیٹیوں کی موجودگی حکومت کو اب سنجیدگی سے سوچنا ہو گا۔
ٹرمپ نے بھارتی نژاد مزید 3 امریکیوں کو معاون خصوصی مقرر کردیا،قومی سلامتی، صدارتی عملے سے متعلقہ معاملات کے حوالے سے تقرر