کسی نے کہا تھا کہ’’علم جب اتنا مغرور ہو جائے کہ رو نہ سکے،جب اتنا سنگین ہو جائے کہ مسکرا نہ سکے اور اتنا خود غرض ہوجائے کہ کسی کی مجبوری کا ادراک نہ کر سکے ۔تب وہ جہل سے زیادہ خطر ناک ہوجاتا ہے‘‘۔
یہ ایک آئینہ ہے جو اس اظہاریئے میں دکھایا جارہا ہے ۔ہر سال 24 جنوری کو عالمی سطح پر خواندگی کا دن منایا جاتا ہے ،اس دن کو منانے کا بنیادی مقصد د نیا کے تمام بچوں کے لئے مساوی اور معیاری تعلیم کے حصول کی طرف دنیا کے تمام ممالک کی توجہ مبذول کرائی جائے ۔پاکستان میں تعلیم کا عالمی دن پہلی بار 24 جنوری2019 ء کومنایا گیا ۔
ملک میں خواندگی سے متعلق پی ٹی آئی حکومت کے وفاقی وزیر تعلیم نے سینٹ کے ایک اجلاس میں یہ کہہ کر دنیا کو ورطہ حیرت میں ڈال دیا کہ ’’پاکستان میں شرح خواندگی60 فیصد سے کم ہوکر 58 فیصد ہوگئی ہے ‘‘ تاہم یہ بات پاکستانی عوام کے لئے کسی اچنبھے کا باعث نہیں بنی کہ یہاں کے حکمران اول دن سے ہر معاملے میں عوام کو اندھیروں میں رکھنے کے عاد ی رہے ہیں۔
پاکستان کا شمار جنوبی ایشیا میں ہوتا ہے ،یہ خطہ تاریخی،ثقافتی اور جغرافیائی حوالے سے اپنی الگ پہچان رکھتا ہے ۔اس میں پاکستان کے علاوہ انڈیا،بنگلہ دیش ‘ نیپال،سری لنکا،مالدیپ، افغانستان اور بھوٹان شامل ہیں ۔جنوبی ایشیا میں شرح خواندگی کے حوالے سے مالدیپ سب سے آگے ہے ۔ 2022 ء کی مردم شماری کے مطابق مالدیپ کی کل آبادی515,122 نفوس پر مشتمل ہے اور اس کی خواندگی کی شرح 99فیصد ہے ،دوسرے نمبر پر سری لنکا ہے جس کی شرح خواندگی 91 فیصد ہے جبکہ اس کی آبادی تازہ ترین اعدادوشمار کے مطابق 22 ملین ہے ۔چوتھے نمبر پر بنگلہ دیش ہے ۔ 16کروڑ آبادی کے اس مسل مملک کی شرح خواندگی 75 فیصد ہے ۔اس کے بعد بھارت کانمبر آتا ہے جس کی آبادی 140کروڑ ہے اور شرح خواندگی 74فیصد ہے ۔نیپال کی آبادی تین کروڑ ہے اور شرح خواندگی 67 فیصد ہے ۔بھوٹان کی آبادی 8لاکھ ہے جبکہ شرح خواندگی 66 فیصد ہے۔ خطے کا 24 کروڑ آبادی کے ملک پاکستان کی شرح خواندگی 59 فیصد ہے اور افغانستان جو ہمیشہ سے جنگ و جدل میں رہا ہے اس کی موجودہ آبادی 4 کروڑ ہے اور خواندگی کی شرح 37 فیصد ہے ۔
اب ذرا مغربی ایشیا کے خطے پر نظر دوڑاتے ہیں جو مشرق وسطی بھی کہلاتا ہے ۔ایشیا کے انتہائی مغرب میں ہونے کی وجہ سے مغربی ایشیا کے نام سے بھی یاد کیا جاتا ہے اس میں آذربائیجان ، آرمینیا، ایران،اردن ،لبنان ، جارجیا ، بحرین ، عمان ، شام ، سعودی عرب، عراق،قبرص۔ قطر،کویت ، یمن اور متحدہ امارات شامل ہیں ۔یہ خطہ تیل کی دولت سے مالامال ممالک پر مشتمل ہے مگر یہاں نالغوں کی شرح خواندگی اٹھاون اعشاریہ چھ فیصد ہے جو کہ دنیا کے پست ترین خطوں میں گنی جاتی ہے۔بین الاقوامی اعدادوشمار کے مطابق مغربی ایشیا کے مختلف ممالک میں تعلیمی ترقی کے حوالے سے شرح خواندگی میں بہت زیادہ بعد ہے ۔
سرسید نے کہاتھا کہ ’’جب کوئی قوم فن اور علم سے عاری ہوجاتی ہے تو یہ غربت کو دعوت دیتی ہے اور جب غربت آتی ہے تو ہزاروں جرائم کو جنم دیتی ہے‘‘۔
آج مسلمانوں کی تعلیمی حالت دیکھتے ہوئے ان پر ترس آتا ہے ۔ایک بین الاقوامی سروے کے اعداد و شمار میں بتایا گیا ہے کہ ’’بائیس عرب ملکوں میں سالانہ تین سو کے قریب کتب کا ترجمہ ہوتا ہے اور ایک غیر مسلم ملک یونان میں سالانہ پانچ گنا زیادہ ترجمے کا کام ہوتا ہے ،اسلامی ممالک میں کئے گئے تمام تراجم مذہبی اور اسلامی نوعیت کے ہوتے ہیں جبکہ سائنس و ٹیکنالوجی کے علوم پر کام صفر کے برابر ہوتا ہے ۔مسلمان ممالک کی اجتماعی تعلیمی شرح 40 فیصد ہے ۔‘‘ اپنے ایک تحقیقی مقالے میں محترمہ ڈاکٹر سمیہ ریاض فلاحی لکھتی ہیں کہ’’ تعلیمی میدان میں مسلمانوں کے بڑھتے قدم میں رخنہ ڈالنے ایک کا بنیادی سبب اساتذہ کرام کی لاپرواہی اور تساہل ہے‘‘۔
دنیا کی 800 کروڑ سے اوپر کی آبادی میں مسلمان ممالک کی شرح خواندگی کم ترین ہے ، گو اب اس شرح میں تبدیلی آرہی ہے مگر یہ اس قدر سست ہے کہ جس کی کوئی حد ہی نہیں۔اس کے مقابلے میں ہم یورپ پرنگاہ دوڑائیں تو یہ ایک متنوع براعظم ہے جس میں چوالیس ممالک ہیں جو خواندگی کے اعتبار سے اتنے اوپر ہیں کہ اس وسیع وعریض خطے کے بیشتر ممالک میں خواندگی کی شرح 99فیصد سے بھی اوپر نظر آتی ہے کہ سویڈن، ناروے ، فن لینڈ اور جرمنی وہ ممالک ہیں جن کی تعلیمی شرح پورے 100فیصد ہے۔یہ سب ان کے مربوط ومضبوط تعلیمی نظام کی وجہ سے ہے ۔اس سے سوا اگر مشرقی ایشیا کا مطالعہ کیا جائے تو عقل دنگ رہ جاتی ہے ۔اس خطے میں جاپان ،شمالی کوریا، جنوبی کوریا، چین،منگولیا،تائیوان ۔چین کا خصوصی انتظامی علاقہ ہانگ کانگ اورچین ہی کا خصوصی انتظامی علاقہ مکائو شامل ہیں ۔ان ممالک کی تعلیمی شرح اٹھانوے اور سو فیصد سے کم ہے ہی نہیں۔ اظہاریئے کے آغاز میں کسی دانشور کا قول لکھا ہے۔ اس لئے کہ آئینہ دیکھنے والے ڈریں نہیں اور اس علامتی اقتباس کے ادراک کی کوشش فرمائیں۔
ذریعہ: Daily Ausaf
کلیدی لفظ: کی شرح خواندگی ممالک کی کی آبادی ایشیا کے ہوتا ہے فیصد ہے ہے اور
پڑھیں:
وسطی یورپی ممالک میں مویشیوں میں منہ کھر کی وبا، سرحدیں بند
اسلام آباد (اُردو پوائنٹ ۔ DW اردو۔ 12 اپریل 2025ء) ہنگری میں لیویل نامی شہر سے ہفتہ 12 اپریل کو موصولہ رپورٹوں کے مطابق وسطی یورپ کے ممالک میں اب تک منہ کھر کی وبا سے متاثرہ ہزارہا مویشی تلف کیے جا چکے ہیں مگر حکام کو اب بھی جانوروں کی اس بیماری کے وبائی پھیلاؤ کے مقابلے میں سخت مشکلات کا سامنا ہے۔
اس تازہ ترین وبا کے پہلے واقعے کی تصدیق مارچ کے اوائل میں شمال مغربی ہنگری میں مویشیوں کے ایک فارم میں ہوئی تھی۔
اس کے صرف دو ہفتے بعد ہمسایہ ملک سلواواکیہ میں بھی مویشیوں کے تین فارموں پر اس بیماری نے جانوروں کو متاثر کرنا شروع کر دیا تھا۔برطانیہ نے جرمنی سے مویشیوں کی درآمد پر پابندی لگا دی
ایک خاص متعدی وائرس سے لگنے والی جانوروں کی یہ بیماری بہت تیز رفتاری سے پھیلتی ہے۔
(جاری ہے)
یہ مرض خاص طور پر ایسے جانوروں کو متاثر کرتا ہے، جن کے پاؤں میں کھر ہوتے ہیں۔
یہ مرض جانوروں کے منہ کو بھی بری طرح متاثر کرتا ہے۔ اسی لیے اسے منہ کھر کی بیماری کہتے ہیں اور یہ ایسے مویشیوں کو اپنا شکار بناتی ہے جو دودھ یا گوشت کے لیے پالے جاتے ہیں۔
وبا کی موجودہ صورت حالمارچ کے اوائل میں ہنگری سے شروع ہونے والی مویشیوں کی اس وبا کی سلوواکیہ میں پہلے تین فارموں کے علاوہ اب تک ہنگری میں مزید تین اور سلوواکیہ میں بھی مزید تین فارموں پر موجودگی کی تصدیق ہو چکی ہے۔
یہ خدشات بھی ہیں کہ ان دونوں ممالک سے جانوروں کا یہ وبائی مرض دیگر وسطی یورپی ممالک میں بھی پہنچ سکتا ہے۔ہنگری اور سلوواکیہ میں تو یہ گزشتہ نصف صدی سے بھی زیادہ عرصے میں منہ کھر کی وبا کے اولین واقعات ہیں۔
آئی وی ایف سے پیدا بچھڑا میتھین گیس اخراج کم کرنے میں معاون؟
ہنگری کے ایک چھوٹے سے شہر لیویل میں ایک مقامی شہری نے بتایا، ''یہاں تو دنیا ہی الٹ گئی ہے۔
کسان خوفزدہ ہیں کہ وہ اپنے تمام مویشیوں سے محروم ہو جائیں گے اور وہ قرنطینہ کے سبب اور سرحدیں بند ہونے کی وجہ سے بھی اب صحت مند مویشیوں کو کہیں اور نہیں لے جا سکتے۔‘‘ یہ وبا پھیلتی کیسے ہے؟منہ کھر کی بیماری ایسے مویشیوں کو اپنا شکار بناتی ہے، جن کے پاؤں کے دو کھر ہوتے ہیں، اسی لیے یہ وائرس زیادہ تر گائیوں، بھینسوں، بھیڑوں، بکریوں، سؤروں اور ہرنوں کو متاثر کرتا ہے۔
اس بیماری کا وائرس لگنے کے بعد جانوروں کو بخار ہو جاتا ہے اور ان کے منہ اور کھروں کے ارد گرد شدید قسم کے چھالے بن جاتے ہیں۔ یہ وائرس جانوروں کے ایک دوسرے کے قریب آنے سے ایک سے دوسرے مویشی میں منتقل ہو جاتا ہے۔
لیکن جانوروں میں یہی وائرس ہوا کے ذریعے بھی پھیلتا ہے اور یہی متاثرہ یورپی علاقوں میں حکام کے لیے سب سے زیادہ تشویش کی بات ہے۔
یہ وائرس انسانوں کے لیے بہت کم خطرناک ہوتا ہے۔ تاہم ڈیری فارمنگ اور لائیو اسٹاک کے لیے یہ وبا ہوش ربا مالی نقصانات کی وجہ بنتی ہے کیونکہ وائرس سے متاثر ہو جانے کی صورت میں ایسے ہزاروں بلکہ لاکھوں مویشی تلف کرنا پڑ جاتے ہیں۔
قومی سرحدوں کی بندشمنہ کھر کی اس وبا کے پیش نظر سلوواکیہ کی حکومت نے اسی ہفتے ہنگری کے ساتھ اپنی 16 مشترکہ گزر گاہوں کو بند کرنے کا اعلان کر دیا۔
ساتھ ہی سلوواک حکومت نے آسٹریا کے ساتھ بھی اپنی ایک بارڈر کراسنگ بند کر دی۔قبل ازیں آسٹریا نے بھی، جس کی سرحد جرمنی سے بھی ملتی ہے، ہنگری اور سلوواکیہ کے ساتھ اپنی 23 سرحدی گزرگاہیں بند کر دی تھیں۔ آسٹریا میں ابھی تک مویشیوں کے اس وبائی مرض کا کوئی کیس سامنے نہیں آیا۔
ان حالات میں چیک جمہوریہ نے، جو ہنگری اور سلوواکیہ کے اس وبا سے متاثرہ علاقوں سے کافی دور ہے، اپنے ہاں سخت حفاظتی انتظامات کا اعلان کر دیا ہے۔
چیک حکومت نے ان تمام پانچ بارڈر کراسنگز پر، جہاں سے مال بردار ٹرک اس ملک میں داخل ہوتے ہیں، ایسے اقدامات متعارف کرا دیے ہیں، جن کے تحت مال بردار گاڑیوں کو جراثیموں سے پاک کیا جا رہا ہے۔ چیک جمہوریہ میں بھی اب تک منہ کھر کی بیماری کا کوئی کیس سامنے نہیں آیا۔
ادارت: امتیاز احمد
قبلہ اول کی حفاظت، اسلام کی بقا اور فلسطین کی مکمل اور واضح حمائت کیلئے متحد ہونا پڑے گا، جے یو آئی ملتان