اسٹیو اسمتھ نے ٹیسٹ کرکٹ میں 10,000 رنز مکمل کرلیے
اشاعت کی تاریخ: 29th, January 2025 GMT
آسٹریلیا کے بہترین بلے باز اسٹیو اسمتھ نے اپنی 205ویں اننگز میں بائیں ہاتھ کے اسپنر پرباتھ جے سوریا کی گیند پر مڈ آن پر ایک رنز بنا کر ٹیسٹ کرکٹ میں 10 ہزار رنز بنانے کا سنگ میل عبور کرلیا اور 5ویں ٹاپ بیٹر بن گئے۔
اسٹیو اسمتھ نے اپنی اننگز کی پہلی شارٹ کے ساتھ سری لنکا کے خلاف گالے ٹیسٹ میں 10 ہزار ٹیسٹ رنز مکمل کیے۔ آسٹریلینز میں سابق کپتان رکی پونٹنگ نے 196 اننگز میں یہ سنگ میل عبور کررکھا ہے۔ جبکہ ماسٹر بلے باز سچن ٹنڈولکر، برائن لارا اور کمار سنگاکارا نے یہ کارنامہ اپنے کیریئر کی 195ویں اننگز میں انجام دیا تھا۔
ٹیسٹ کرکٹ میں 4 ہزار رنز، بابر اعظم نے ایک بار پھر تاریخ رقم کردی
ٹیسٹ کرکٹ کی تاریخ میں کسی بھی بیٹر نے اسمتھ کی طرح رنز کا طوفان نہیں مچایا۔ کیریئر کی ابتدائی 10 اننگز میں آخری نمبرز (6-9) پر کھیلنے کے بعد، اسمتھ نے 2013 میں بھارت میں بطور مڈل آرڈر بیٹر آسٹریلیشین ٹیسٹ ٹیم میں واپسی کی۔ ان کی نمبر 5 پر پہلی اننگز 185 گیندوں پر 92 رنز تھی جو انہوں نے موہالی میں کھیلا۔ 2014 میں اسمتھ نے عالمی سطح پر غلبہ حاصل کیا۔ انگلینڈ کے خلاف 32ویں اننگز میں 154 گیندوں پر 115 رنز بنا کر اسمتھ نے 100 مسلسل اننگز میں 6,257 رنز حاصل کیے، جس میں ان کی ا وسط 71.
مزید پڑھیں: بھارتی کپتان روہت شرما نے ایک اور سنگ میل عبور کر لیا
جنوری 2025 کے آغاز میں اسمتھ نے بارڈر گواسکر ٹرافی کے سڈنی ٹیسٹ میں 9999 رنز پر آؤٹ ہو کر اس سنگ میل تک پہنچنے کا موقع کھودیا تھا۔
195 = سچن ٹنڈولکر، برائن لارا، کمار سنگاکارا
196 = رکی پونٹنگ
205* = اسٹیو اسمتھ
206 = راہول ڈریورڈ
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریلیا اسٹیو اسمتھ برائن لارا، راہول ڈریورڈ رکی پونٹنگ سچن ٹنڈولکر کمار سنگاکارا گالے ٹیسٹذریعہ: WE News
کلیدی لفظ: آسٹریلیا اسٹیو اسمتھ برائن لارا رکی پونٹنگ ٹیسٹ کرکٹ اسمتھ نے سنگ میل
پڑھیں:
پی ایس ایل 10 ویں ایڈیشن، آغاز آج راولپنڈی میں رنگا رنگ تقریب سے ہوگا
پاکستان سپر لیگ( پی ایس ایل) 10 آج سے راولپنڈی میں شروع ہوگا۔ افتتاحی میچ اسلام آباد یونائیٹڈ اور لاہور قلندرز کے مابین ہوگا۔
یہ پہلا موقع ہے جب راولپنڈی پاکستان کے پریمیئر ٹی20 ٹورنامنٹ کی افتتاحی تقریب کی میزبانی کرے گا۔
پاکستان سپر لیگ (پی ایس ایل) کے 10ویں ایڈیشن کا آغاز آج بروز جمعہ راولپنڈی کرکٹ اسٹیڈیم میں افتتاحی تقریب سے ہوگا۔ جس کے بعد پہلا میچ اسلام آباد یونائیٹڈ اور لاہور قلندرز کے مابین ہوگا۔
پاکستان کرکٹ بورڈ (پی سی بی) کے مطابق افتتاحی تقریب شام 7 بجے شروع ہوگی، ٹورنامنٹ کی رنگا رنگ افتتاحی تقریب میں لیجنڈری صوفی گلوکارہ عابدہ پروین ،علی ظفر کے علاوہ مقبول ریپ جوڑی ینگ اسٹنرز پرفارم کرے گی۔
اس ٹورنامنٹ کے آفیشل ترانے کے پیچھے فنکار ابرار الحق، نتاشا بیگ، طلحہ انجم اور علی ظفر بھی لائیو پرفارم کریں گے۔ تقریب کا اختتام شاندار آتش بازی کے ساتھ ہوگا۔
یہ بھی پڑھیے پی ایس ایل میں جتنی والی ٹیم کو کیا ملے گا؟ پی سی بی نے بڑا اعلان کردیا
افتتاحی تقریب کے بعد دفاعی چیمپیئن اسلام آباد یونائیٹڈ اور 2 مرتبہ ٹائٹل حاصل کرنے والی لاہور قلندرز کے درمیان افتتاحی شب 8:30 بجے ہوگا۔
6 ٹیموں پر مشتمل یہ ٹورنامنٹ راولپنڈی، کراچی، لاہور اور ملتان میں کھیلا جائے گا، جبکہ اس ٹورنامنٹ کا فائنل 18 مئی کو لاہور کے قذافی اسٹیڈیم میں ہوگا۔
پی ایس ایل کا 10 واں ایڈیشن ایک شاندار افتتاحی تقریب کے ساتھ شروع ہو گا۔ 6 ٹیموں کے اس ٹورنامنٹ میں 11 اپریل سے 18 مئی تک مجموعی طور پر 34 میچ کھیلے جائیں گے۔ لاہور کا قذافی اسٹیڈیم 13 میچز کی میزبانی کرے گا جن میں 2 ایلیمینیٹر اور گرینڈ فائنل شامل ہیں۔
راولپنڈی کرکٹ اسٹیڈیم 11 میچوں کی میزبانی کرے گا، جس میں 13 مئی کو پہلا کوالیفائر میچ بھی شامل ہے، جبکہ کراچی کا نیشنل بینک اسٹیڈیم اور ملتان کرکٹ اسٹیڈیم 5، 5 میچوں کی میزبانی کرے گا۔
ٹورنامنٹ میں 3 ڈبل ہیڈرز بھی شامل ہوں گے، جن میں سے 2 ہفتہ کو اور ایک لیبر ڈے (1 مئی) کو شیڈول ہے۔
یہ بھی پڑھیے راولپنڈی میں پہلی بار پی ایس ایل کی افتتاحی تقریب، کون کون پرفارم کریگا؟
واضح رہے کہ بابر اعظم، شاداب خان، محمد رضوان اور شاہین شاہ آفریدی بالترتیب پشاور زلمی، اسلام آباد یونائیٹڈ، ملتان سلطانز اور لاہور قلندرز کی قیادت کریں گے، جب کہ کراچی کنگز اور کوئٹہ گلیڈی ایٹرز بالترتیب ڈیوڈ وارنر اور سعود شکیل کی کپتانی میں کھیلیں گے۔
یاد رہے کہ پاکستان کرکٹ بورڈ (پی سی بی) نے آج 11 اپریل سے شروع ہونے والی پاکستان سپر لیگ (پی ایس ایل) کے لیے انعامی رقم کا اعلان کردیا۔
34 دلکش میچوں کے اختتام پر، اس تاریخی ایونٹ کا فاتح نہ صرف ’لومینارا ٹرافی‘ اٹھائے گا بلکہ اسے 500,000 امریکی ڈالر کی انعامی رقم بھی ملے گی، جبکہ رنرز اپ کو 200,000 امریکی ڈالر کا چیک ملے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ایس ایل 10 راولپنڈی کرکٹ اسٹیڈیم کرکٹ کھیل
واٹس ایپ نے چیٹ پرائیویسی سے متعلق نیا فیچر متعارف کرا دیا