خناق کی وبا سے 3 بچوں کی اموات افسوسناک ہے
اشاعت کی تاریخ: 29th, January 2025 GMT
کو ئٹہ(نمائندہ جسارت)ینگ ڈاکٹرز ایسوسی ایشن بلوچستان نے کہا ہے کہ خضدار کی یونین کونسل کمبی تحصیل ناگ میں خناق کی وبا کے نتیجے میں تین معصوم بچوں کی اموات افسوس ناک ہے۔ یہ المناک سانحہ صوبے کے صحت کے نظام کی زبوں حالی، بنیادی سہولیات کی کمی اور حکومت کی غیر سنجیدگی کا کھلا ثبوت ہے۔ یونین کونسل کمبی، جو پہلے ہی صحت کی سہولتوں کے فقدان کا شکار ہے، اب اس مہلک وبا کے خطرے سے دوچار ہے۔ حکومت کی جانب سے بروقت اقدامات نہ کیے جانے کے باعث معصوم بچوں کی قیمتی جانیں ضائع ہو رہی ہیں۔خناق جیسی مہلک بیماری، جو بروقت علاج اور مناسب طبی سہولتوں کے ذریعے قابل علاج ہے، یونین کونسل کمبی میں بچوں کی زندگیوں کے لیے خطرہ بن چکی ہے۔ ڈسٹرکٹ ہیڈ کوارٹر اسپتال خضدار کی حالت انتہائی خراب ہے، جہاں نہ تو ضروری ادویات دستیاب ہیں اور نہ ہی جدید طبی آلات موجود ہیں۔ خصوصا خناق کے علاج کے لیے اینٹی ٹاکسن جیسی جان بچانے والی ادویات کی عدم دستیابی نے اس وبا کو مزید سنگین بنا دیا ہے، جس کے نتیجے میں کئی بچے اپنی جانوں سے ہاتھ دھو بیٹھے ہیں۔ بیان میں کہا گیا ہے کہ ینگ ڈاکٹرز ایسوسی ایشن ،بلوچستان حکومت سے مطالبہ کرتی ہے کہ یونین کونسل کمبی میں فوری طور پر طبی ایمرجنسی نافذ کی جائے اور تمام ضروری وسائل فراہم کیے جائیں، جن میں خناق کے علاج کے لیے اینٹی ٹاکسن، دیگر ادویات اور طبی عملہ شامل ہیں۔ متاثرہ علاقوں میں فوری طور پر ویکسینیشن مہم کا آغاز کیا جائے اور عوام میں بیماری کے حوالے سے آگاہی پھیلائی جائے تاکہ مزید زندگیاں بچائی جا سکیں۔خضدار کے اسپتال کو فوری طور پر جدید طبی سہولتوں، ادویات فراہم کی جائیں ینگ ڈاکٹرز ایسوسی ایشن بلوچستان عوام، میڈیا اور سماجی حلقوں سے اپیل کرتی ہے کہ وہ یونین کونسل کمبی اور دیگر متاثرہ علاقوں کی حالتِ زار کو اجاگر کریں اور حکومت کو اپنی ذمغ داریاں پوری کرنے پر مجبور کریں۔ یہ وقت خاموشی کا نہیں، بلکہ معصوم جانوں کو بچانے کے لیے عملی اقدامات کا ہے۔ہم حکومت بلوچستان سے مطالبہ کرتے ہیں کہ وہ فوری طور پر ان معصوم بچوں کی جانوں کے ضیاع کی ذمے داری قبول کرے اور متاثرہ علاقوں میں صحت کے نظام کی بہتری کے لیے فوری اقدامات کرے۔ اگر حکومت نے اس وبا پر قابو پانے کے لیے بروقت کارروائی نہ کی تو مزید جانوں کا ضیاع ہو گا، جس کی تمام تر ذمے داری حکومت پر عائد ہوگی۔ینگ ڈاکٹرز ایسوسی ایشن بلوچستان واضح کرتی ہے کہ ہم عوام کے صحت کے حقوق کے تحفظ کے لیے ہر محاذ پر اپنی جدوجہد جاری رکھیں گے اور حکومت کو اس مسئلے پر جوابدہ بنائیں گے۔ ہم بلوچستان کے عوام کو بہتر صحت کے نظام کے حق میں اپنی آواز بلند کرتے رہیں گے۔
.ذریعہ: Jasarat News
کلیدی لفظ: ینگ ڈاکٹرز ایسوسی ایشن یونین کونسل کمبی فوری طور پر بچوں کی صحت کے کے لیے
پڑھیں:
قومی اسمبلی میں اپوزیشن لیڈر عمر ایوب کا امریکہ میں طیارہ اور ہیلی کاپٹر حادثے پر اظہار افسوس
اسلام آباد(نیوز ڈیسک) قومی اسمبلی میں قائد حزب اختلاف عمر ایوب نے امریکہ میں مسافر طیارے اور فوجی ہیلی کاپٹر کے افسوسناک حادثے پر گہرے رنج و غم کا اظہار کیا ہے۔
عمر ایوب نے اپنے تعزیتی بیان میں کہا کہ “واشنگٹن میں پیش آنے والے اس المناک تصادم پر بے حد دکھ ہوا۔ ہم متاثرین کے اہل خانہ اور تمام متاثرہ افراد کے غم میں برابر کے شریک ہیں۔”
انہوں نے کہا کہ یہ حادثہ انتہائی افسوسناک ہے اور پوری دنیا کے لیے ایک لمحہ فکریہ ہے۔ “دکھ کی اس گھڑی میں ہم متاثرہ خاندانوں کے ساتھ دلی تعزیت اور اظہار یکجہتی کرتے ہیں۔”
انہوں نے حادثے میں جان کی بازی ہارنے والوں کے لیے دعا کرتے ہوئے کہا کہ اللہ تعالیٰ مرحومین کو جنت الفردوس میں جگہ دے اور لواحقین کو صبر جمیل عطا فرمائے۔
وزیراعظم نے انسانی اسمگلنگ میں ملوث گروہوں کے سدباب کیلیے خصوصی ٹاسک فورس قائم کردی