بھارت: کمبھ میلے میں بھگدڑ سے 'درجنوں افراد' کی ہلاکت کا خدشہ
اشاعت کی تاریخ: 29th, January 2025 GMT
اسلام آباد (اُردو پوائنٹ ۔ DW اردو۔ 29 جنوری 2025ء) بھارتی ریاست اتر پردیش میں حکام نے بدھ کے روز بتایا کہ پریاگ راج میں مہا کمبھ میلے میں بھگدڑ مچنے سے درجنوں افراد زخمی ہو گئے۔ بھارتی میڈیا کے مطابق اب تک تقریباﹰ دس افراد کے ہلاک ہونے کی تصدیق کی گئی ہے، تاہم بعض آزاد ذرائع کے مطابق ہلاکتوں کی تعداد اس سے کئی گنا زیادہ ہے۔
کمبھ میلے کے دوران انتیس جنوری، یعنی مونی اماوسیا، کا دن سب سے مقدس ہے، جس روز کنگا اور جمنا کے سنگم میں ڈبکی لگانے کے لیے لاکھوں لوگ جمع ہوئے اور حکام کے مطابق بھگدڑ کا یہ واقعہ علی الصبح پیش آیا۔
بھارت کا کمبھ میلہ: دنیا کا سب سے بڑا مذہبی اجتماع
متاثرین کی تعداد کیا ہو سکتی ہے؟ابھی تک حکام کی جانب سے ہلاکتوں کی تعداد کے بارے میں کوئی صحیح تعداد پیش نہیں کی گئی ہے، تاہم میڈیا میں اس کے مختلف اعداد و شمار سامنے آئے ہیں۔
(جاری ہے)
خبر رساں ایجنسی اے ایف پی کی اطلاع کے مطابق ہجوم سے کچلنے کے بعد کم از کم 15 افراد ہلاک ہوئے جبکہ روئٹرز نے ابتدائی طور پر سات سے زیادہ افراد کے ہلاک ہونے کی تصدیق کی تھی۔البتہ جائے وقوعہ کے ویڈیوز اور تصاویر میں پریشان کن خاندان کے درجنوں افراد کو عارضی ہسپتالوں کے باہر انتظار کرتے ہوئے دیکھا گیا۔ افراتفری کے مقام پر زمین پر بکھرے ہوئے بہت سے کپڑے، بیگ اور جیکٹس دیکھے گئے ہیں۔
کمبھ کے تاریخی میلے میں مسلمانوں کی شرکت پر پابندی
مقامی صحافی نے کیا دیکھا؟پریاگ راج کے ایک مقامی صحافی جو صبح چھ بجے سے ہی متاثرہ مقامات اور ہسپتال کے چکر لگاتے رہے ہیں، نے نام ظاہر نہ کرنے کی شرط پر ڈی ڈبلیو اردو کو بتایا کہ تقریباﹰ تین سے ساڑھے تین سو افراد ہلاک اور زخمی ہوئے ہیں، تاہم حکام نے میڈیا کو کچھ بھی نشر کرنے پر پابندی لگا رکھی ہے۔
بھارتی میڈیا سے متعلق ایک سوال کے جواب میں انہوں نے کہا کہ جیسے ہی خبر آئی کہ بھگدڑ مچ گئی ہے، "حکام نے تمام میڈیا والوں کے کیمرے زبردستی جمع کرانا شروع کر دیا، میرے کیمرہ پرسن کا بھی کمیرہ چھین لیا گیا اور اس حوالے سے فوٹیج نشر کرنے پر غیر اعلانیہ پابندی لگا دی گئی ہے۔"
بھارت میں ہزاروں مسلم کنبوں کو بے گھر کردیے جانے کا خدشہ
خبر رساں ایجنسی پریس ٹرسٹ آف انڈیا (پی ٹی آئی) نے ڈیوٹی پر موجود ایک اہلکار کے حوالے سے بتایا، "سنگم پر رکاوٹ ٹوٹنے کے بعد کچھ لوگ زخمی ہوئے ہیں اور انہیں اسپتال میں داخل کرایا گیا ہے۔
ہمارے پاس ابھی تک زخمیوں کی صحیح تعداد نہیں ہے۔"مذہبی اجتماعات کا کنٹرول ٹیکنالوجی کی مدد سے
وزیراعلیٰ کی تعاون کی اپیلبھارتی وزیر اعظم نریندر مودی نے ریاست کے وزیر اعلی یوگی آدتیہ ناتھ کے ساتھ صورتحال کی تفصیلات اور پیش رفت کا جائزہ لیا ہے۔
یوگی آدتیہ ناتھ نے لوگوں پر زور دیا کہ سنگم کے مقام تک پہنچنے کی کوشش کرنے کے بجائے قریب ترین ندی کے کنارے ہی ڈبکی لگائیں۔
انہوں نے ایکس پر اپنی ایک پوسٹ میں کہا، "آپ سب کو انتظامیہ کی ہدایات پر عمل کرنا چاہیے اور انتظامات کرنے میں تعاون کرنا چاہیے۔ لوگ سنگم کے تمام گھاٹوں (دریاؤں کے کناروں) پر سکون سے غسل کر رہے ہیں۔"
کمبھ میلہ: کئی ملین ہندو زائرین کا تین دریاؤں کے سنگم پر غسل
لوگ اپنے گناہوں کو دھونے کے لیے کمبھ آتے ہیںکمبھ میلہ دنیا میں سب سے بڑا مذہبی اجتماع کہا جاتا ہے، جہاں ہر 12 سال میں ایک بار خاندان، عقیدت مند اور بزرگ یاتری گنگا، جمنا اور افسانوی دریا سرسوتی کے سنگم کے مقام پر غسل کے لیے آتے ہیں۔
لاکھوں لوگ دریا کے پانی میں نہاتے ہیں کیونکہ ان کا عقیدہ ہے کہ یہ رسم ان کے گناہوں کو دھو دیتی ہے اور انہیں دوبارہ جنم لینے کے چکر سے آزاد کر دیتی ہے۔
اس سال کے تہوار کو مہا کمبھ یعنی عظیم کمبھ کا نام دیا گیا ہے، کیونکہ نجومیوں کے نزدیک اس بار ستاروں کی ایسی صف بندی 144 سالوں کے بعد ہوئی ہے اور اسی مناسبت سے اس کمبھ کی بڑی اہمیت ہے۔
حکام کو توقع تھی کہ بدھ کے روز تہوار کا سب سے زیادہ ہجوم والا دن ہوگا کیونکہ عقیدت مندوں کا خیال ہے کہ اس دن مقدس دریاؤں میں ڈبکیاں لگانا آباؤ اجداد کی برکت حاصل کرنے کا ایک انوکھا موقع فراہم کرتا ہے۔
حکام نے جنوری کے اوائل میں ایک پریس بریفنگ کے دوران کہا تھا کہ اتر پردیش کی ریاستی حکومت کو تقریباً 100 ملین عقیدت مندوں کا دورہ کرنے کی توقع ہے۔
سوشل میڈیا پر ویڈیوز میں دکھایا گیا ہے کہ بدھ کے روز لوگوں کا ایک سمندر جمع ہے، جو دریا میں نہانے کے لیے اپنی باری کا انتظار کر رہا ہے۔
دریں اثنا، مقامی ذرائع ابلاغ نے اطلاع دی ہے کہ اس واقعے کی وجہ سے پانی میں نہانے کو عارضی طور پر روک دیا گیا ہے۔
.ذریعہ: UrduPoint
کلیدی لفظ: تلاش کیجئے کے مطابق حکام نے گئی ہے کے لیے گیا ہے
پڑھیں:
ملائشیا میں خوفناک آتشزدگی سے درجنوں لوگوں کو بچانے والے 5 پاکستانی ہیروز کو خراج تحسین
کوالالمپور(اُردو پوائنٹ اخبارتازہ ترین۔ 14 اپریل 2025ء)گزشتہ دنوں ملائشیا میں گیس پائپ لائن پھٹنے کے باعث گرد و نواح میں خوفناک آتشزدگی کے باعث درجنوں افراد نے قریبی نہر میں چھلانگ لگا دی ۔ ڈوبتے ہوئے لوگوں کو بچانے کے لیے پانچ پاکستانیوں نے یہ جانتے ہوئے بھی اس نہر میں چھلانگ لگادی کہ یہ نہر مگرمچھوں کی افزائش گاہ ہے ، ان پانچ پاکستانیوں نے درجنوں مقامی لوگوں اور بچوں کو صحیح سلامت واپس نکالا ۔ ان مناظر کو کچھ لوگوں نے ویڈیو میں بھی ریکارڈ کیا جس کے بعد یہ ویڈیوز ملائشیا بھر میں وائرل ہو گئیں اور ملائشیا کی ہر طبقہ فکر کے لوگوں نے پاکستانیوں کی اس بے لوث جرات کو خوب سراہا ۔ ان پاکستانیوں کو ملائشین میڈیا ، سوشل میڈیا پاکستان ہائی کمیشن اور کاروباری شخصیات نے خوب پزیرائی دی ۔(جاری ہے)
PFUJ ملائشیا اور پاکستان پریس کلب ملائشیا کے ممبران نے مائی پاک کمیونٹی ایسوسی ایشن کے تعاون سے گذشتہ شب ایک مقامی ریسٹورنٹ میں ان پانچوں ہیروز کو خراج تحسین پیش کرنے کے لیے ایک تقریب منعقد کی ۔
جس میں پاکستانی کمیونٹی سے زیادہ ملائشین کمیونٹی کے افراد نے شرکت کی ۔ تقریب کا آغاز تلاوت کلام پاک اور نعت شریف سے ہوا۔ بعد ازاں ملائشیا اور پاکستان کے قومی ترانے چلائے گئے ۔ تقریب کا باقاعدہ آغاز کرتے ہوئے سٹیج سیکرٹری کاظم علی شاہ نے حاضرین کو 5 پاکستانیوں کی بہادری کا پورا قصہ سناتے ہوئے اپنے جوش خطابت سے حاضرین کو گرماے رکھا ۔ بعد ازاں حاضرین محفل سے خطاب کرتے ہوے "Malaysia Pakistan Community Council " کے صدر داتو امین صدیق ، اور معروف بزنس مین اسلم بھائی نے اپنے خیالات کا اظہار کرتے ہوئے کہا کہ اس سے پہلے ملائشیا میں پاکستانیوں کا امیج کچھ دھندلا تھا ، ان ہیروز کے بے لوث اور نڈر کارنامے کی وجہ مقامی لوگ ، ملائشیا میں مقیم پاکستانیوں کے حقیقی کردار کو بہتر طریقے سے دیکھ سکے ہیں ۔ اور دنیا کو یہ پیغام ملا ہے ، کہ جہاں مخلوق خدا مشکل میں ہو وہاں ایک پاکستانی اپنی جان کی پرواہ کیے بغیر اس کی مدد کرتا ہے ۔ ہم پوری کمیونٹی کی جانب سے اپنی جان خطرے میں ڈال کر انسانیت کی اس خدمت پہ آپکو سلام پیش کرتے ہیں ۔ پانچوں بہادر پاکستانیوں نے میڈیا ٹاک میں اپنے خیالات کا اظہار کرتے ہوئے کہا کہ جب ہم نے دیکھا کہ سامنے کی طرف آگ لگی ہے ، جس سے بچنے کے لیے لوگ نہر میں کود گئے ، جس میں کافی تعداد میں مگرمچھ ہوتے ہیں ، اور اس نہر سے بچوں سمیت درجنوں لوگ مدد کے لیے پکار رہے ہیں ، تو ہم نے اپنی جان کو اللہ کے سپرد کرکے نہر میں چھلانگ لگا دی ، ہم نے سوچا ہم شہید بھی ہوگئے تو دو چار جانیں بچا لیں گے ،یہ ہمارے لیے کافی ہے ۔ لیکن اللہ کی مدد سے ہم درجنوں لوگوں کو اپنے کندھوں پر اٹھا کر صحیح سلامت نہر سے نکال کر لے آئے ۔ انہوں نے مزید کہا کہ ہمیں اس پذیرائی اور ایوارڈز کی توقع نہیں تھی ہم نے صرف رب کی رضا اور انسانیت کی خدمت کے لیے یہ اقدام کیا ۔ ۔PFUJ ملائشیا کے صدر اویس تاج چوہدری نے اپنے بیان میں ان بہادروں کے جذبہ انسانیت کو سراہا اور حکومت پاکستان سے اپیل کی کہ پاکستان کے شاندار تشخص کو پیش کرنے پہ ان ہیروز کو شایان شان طریقے سے سراہا جائے ۔ تقریب گاہ بار بار پاکستان زندہ باد اور پاک ملائشیا دوستی زندہ باد کے نعروں سے گونجتی رہی ۔ منتظمین کی جانب سے پانچوں ہیروز کے لیے متعدد انعامات اور تعریفی اسناد بھی دی گئیں ۔
امریکا نے پاکستان کیلئے گلوبل انڈرگریجویٹ ایکسچینج پروگرام ختم کردیا