محکمہ موسمیات کی مختلف علاقوں میں بارش اور برفباری کی پیشگوئی
اشاعت کی تاریخ: 29th, January 2025 GMT
لاہور : محکمہ موسمیات نے اسلام آباد اور دیگر مختلف شہروں میں بارش کی پیشگوئی کی ہے، ان کے مطابق، ملک کے زیادہ تر میدانی علاقے سرد اور خشک رہیں گے، لیکن بالائی خیبر پختونخوا، گلگت بلتستان، کشمیر اور پوٹھوہار کے علاقے ابر آلود رہیں گے، جہاں تیز ہواؤں کے ساتھ بارش اور پہاڑوں پر برفباری ہو سکتی ہے۔
اسلام آباد اور اس کے اطراف میں موسم سرد رہے گا اور یہاں بھی ہلکی بارش متوقع ہے۔ مری، گلیات اور ان کے ارد گرد رات کے وقت بارش اور برفباری ہو سکتی ہے۔ راولپنڈی، اٹک، جہلم اور چکوال میں بھی تیز ہواؤں کے ساتھ ہلکی بارش کی توقع ہے۔
خیبر پختونخوا کے مختلف علاقوں جیسے دیر، چترال، مانسہرہ اور سوات میں بھی موسم سرد اور ابر آلود رہنے کے ساتھ ساتھ تیز ہواؤں کے ساتھ بارش اور پہاڑوں پر برفباری کا امکان ہے۔
سندھ اور بلوچستان کے بیشتر حصے سرد اور خشک رہیں گے، لیکن بلوچستان کے شمالی علاقے شدید سرد رہیں گے اور یہاں جزوی طور پر بادل بھی ہو سکتے ہیں۔ کشمیر اور گلگت بلتستان میں بارش اور برفباری کا امکان ہے۔
.ذریعہ: Nai Baat
کلیدی لفظ: بارش اور کے ساتھ رہیں گے
پڑھیں:
بلوچستان کے شمال بالائی علاقوں میں بارش کا نیا سلسلہ شروع
بلوچستان کے شمال بالائی افغان سرحدی علاقوں میں رات گئے بارش کا نیا سلسلہ شروع ہوگیا ہے، بلوچستان میں آج سرحدی کی نئی لہر کے داخل ہونے کی پیشنگوئی کر دی گئی ہے، بالائی علاقوں کے لوگ سیلابی ریلوں سے نکلے تو اب برفباری میں پھنس گئے ہیں۔
افغانستان کے جنوب میں موجود مغربی موسمی سسٹم رات گئے بلوچستان کے ساتھ شمال سرحدی علاقے بھی زیر اثر آگئے، چمن، قلعہ عبداللّٰہ، پشین سمیت مختلف علاقوں میں بارش جبکہ بالائی علاقوں میں ہلکی برفباری کا سلسلہ شروع ہوا ہے۔
کراچی میں آئندہ 24 گھنٹوں کے دوران موسم سرد اور خشک رہنے جبکہ بالائی بلوچستان میں بارش اور برف باری کا امکان ہے۔
پی ڈی ایم اے نے آج سے بلوچستان میں ایک اور سائبیرین لہر کے داخل ہونے کی پیشنگوئی کرتے ہوئے بتایا ہے کہ شدید سردی کی نئی لہر اگلے تین دن تک برقرار رہ سکتی ہے جس کے اثرات بلوچستان اور سندھ کی ساحلی پٹی تک محسوس ہونے لگے گی۔
بلوچستان کے شمال بالائی علاقوں کے لوگ تباہ کن سیلابوں سے نکلے تو سنبھل ہی نہ پائے تھے کہ اب برفباری اور شدید سردی میں پھنس گئے ہیں۔
برفباری نے بالائی علاقوں کو شہری علاقوں سے زمینی رابطے معطل کر دیے ہیں، اس مشکل صورتحال میں بیشتر علاقے حکومت کی ریلیف سرگرمیوں سے محروم ہیں۔
توہین مذہب کے چار ملزمان کو جرم ثابت ہونے پر سزائے موت سنا دی گئی