ماتلی:ماحولیاتی تبدیلیوں کے حوالے سے ورکشاپ
اشاعت کی تاریخ: 29th, January 2025 GMT
ماتلی (نمائندہ جسارت) ریجنل ایڈوائزر کیئر فار ساؤتھ ایشیا پروجیکٹ لیفٹیننٹ جنرل ریٹائرڈ ندیم احمد کی زیر صدارت دربار ہال بدین میں ماحولیاتی تبدیلیوں کے حوالے سے ورکشاپ منعقد کیا گیا۔ اس موقع پر ریجنل ایڈوائزر لیفٹیننٹ جنرل ریٹائرڈ ندیم احمد نے کہا کہ ماحولیاتی تبدیلیوں کا مقابلہ کرنے کے لیے منصوبہ تیار کیا جا رہا ہے۔ اس سلسلے میں تمام محکموں سے ان کی آراء اور تجاویز لی جائیں گی تاکہ معلوم ہو سکے کہ چیلنجز کیا اور ان کا حل کیا ہے؟ انہوں نے کہا کہ ماحولیاتی تبدیلیوں کا سب سے بڑا اثر زراعت پر پڑا ہے، ہر شخص اپنی استطاعت کے مطابق چھوٹی چھوٹی کوششوں کے ذریعے ماحولیاتی تبدیلیوں کا مقابلہ کرنے کے اقدامات کرے تو ہم زیادہ تر نقصان سے بچ سکتے ہیں۔ انہوں نے ورکشاپ سے خطاب کرتے ہوئے کہا کہ بدین ماحولیاتی تبدیلیوں کی زد میں ہے، اس لیے حکومت کی جانب سے بدین کے لیے ضلعی موافقت منصوبہ لانچ کیا جا رہا ہے، جو پاکستان میں ماحولیاتی مزاحمت کے لیے اہم قدم ہے، منصوبہ معاشروں، ماحولیاتی نظاموں اور زندگی کے ذرائع کے تحفظ کے لیے حکومت اور اسٹیک ہولڈرز کے عزم کو اُجاگر کرتا ہے، بدین جو زراعت کے مالامال ورثے اور ساحلی اہمیت کے لیے مشہور ہے، موسمیاتی تبدیلی کے بڑھتے ہوئے اثرات کا سامنا کر رہا ہے۔
.ذریعہ: Jasarat News
کلیدی لفظ: کے لیے
پڑھیں:
بدین/ میرپورخاص/ ٹنڈو جام: پیکا قانون کی منظوری کے خلاف احتجاج
بدین (نمائندہ جسارت) وفاقی حکومت کی جانب سے پیکا قانون کے خلاف حیدرآباد یونین آف جرنلسٹس کی اپیل پر پریس کلب سے ایوان صحافت تک ریلی نکال کر مظاہرہ کیا گیا۔ حیدرآباد یونین آف جرنلسٹس کے جوائنٹ سیکرٹری شفیع محمد کی قیادت میں نکالی گئی۔ ریلی سے خطاب کرتے ہوئے یونین آف جرنلسٹس ضلع بدین کے جنرل سیکرٹری شاد الطاف میمن، ایوان صحافت کے صدر لالا ہارون گوپانگ، پریس کلب کے نائب صدر اشرف عبداللہ میمن، جنرل سیکرٹری عبدالشکور میمن محمد علی بلیدی، سید اختر شاہ اور دیگر نے کہا کہ وفاقی حکومت اپنی کرتوتوں کو چھپانے کے لیے ہمیشہ میڈیا پر حملے کرتی رہی ہے، حال ہی میں میڈیا پر پابندیاں عائد کرنے کے لیے پیکا قانون لایا گیا ہے تاکہ وہ اپنے من پسند فیصلے کر سکے اور میڈیا خاموش رہے۔
میرپورخاص (نمائندہ جسارت) حکومت کی جانب سے پیکا ایکٹ کو منظور کیے جانے کے خلاف پی ایف یو جے میرپورخاص یونین آف جرنلسٹ کی جانب سے پریس کلب پر احتجاج کیا گیا۔ اس موقع پر بات کرتے ہوئے صدر پریس کلب نذیر احمد پنھور، سینئر صحافی سلیم آزاد، سید محمد خالد، شوکت پنھور، واحد حسین پہلوانی، عاطف بلوچ اور ڈان نیوز کے رپورٹر محمد امجد کا کہنا تھا کہ صحافت اور اظہار کی آزادی پر ہمیشہ آمریتی ادوار میں پابندیاں لگائی گئیں اور اب خود کو جمہوریت پسند کہلوانے والے حکمرانوں نے ایسا قانون بنایا ہے جس میں فیک نیوز کے آڑ میں اصل حقیقتیں سامنے لانے پر بھی پابندی لاگو کی گئی ہے، جھوٹی خبروں کی کوئی حمایت نہیں کرتا لیکن حکومت اپنے غلط کام سامنے آنے کے ڈر سے صحافیوں کو دبانے کی کوشش کر رہی ہے۔
ٹنڈوجام (نمائندہ جسارت) پیکا ایکٹ کی منظوری کے خلاف پریس کلب پر احتجاج، قانون صحافیوں کی آواز دبانے کی خاطر لایا گیا ہے تاکہ حکمرانوں پر کوئی تنقید نہ کر سکے۔ پیکا ایکٹ کی سینیٹ سے بھی منظوری کے خلاف چیف ایگزیکٹو کمیٹی پریس کلب اورنگ زیب بھٹو کی قیادت میں مظاہرہ کیا جس سے خطاب کرتے ہوئے سینئر صحافی خادم حسین لاکھو، احسن جمالی، منصف تالپور حاکم زادری سمیت دیگر نے خطاب کرتے ہوئے کہا کہ پیکا ایکٹ کی منظوری سے ملک کا چوتھا ستون صحافت کمزور ہو گا اور حکمرانوں نے اسے صرف اپنے اوپر تنقید کو روکنے کی خاطر منظور کیا ہے، کل خود انہیں اپنی غلطی کا احساس ہو گا۔ انہوں نے کہا صحافت کی آزادی سلب کرنے سے ملک میں گھوٹن پیدا ہوگی جس کے نتائج حکمرانوں کو بھگتنا پڑیں گے۔
جسٹس شمس کیخلاف سپریم جوڈیشل کونسل میں ریفرنس کا معاملہ، اٹارنی جنرل کا ردعمل سامنے آگیا