پاکستان ون چائنہ پالیسی کی حمایت جاری رکھے گا: صدر آصف زرداری
اشاعت کی تاریخ: 29th, January 2025 GMT
ویب ڈیسک:صدر مملکت آصف علی زرداری نے کہا ہے کہ پاکستان ون چائنہ پالیسی کی حمایت جاری رکھے گا۔
صدر مملکت آصف علی زرداری نے چین کے صدر شی جن پنگ کو خط لکھا ہے جس میں صدر آصف علی زرداری نے چینی سال نو اور موسم بہار کے تہوار کے موقع پر چینی ہم منصب کو مبارکباد پیش کی ہے،آصف زرداری نے خط میں پاکستان اور چین کے مابین "آہنی دوستی" مضبوط بنانے کے عزم کا اعادہ کرتے ہوئے کہا ہے کہ دوطرفہ تعاون مضبوط بنانے اور دوستی کے بندھن کو آگے بڑھانے کیلئے بیجنگ میں چینی صدر سے تبادلہ خیال کا منتظر ہوں۔
مری کے جنگلات میں آگ لگ گئی
انہوں نے کہا ہے کہ پاکستان ون چائنہ پالیسی کی حمایت جاری رکھے گا، ون چائنہ پالیسی پاکستان کی خارجہ پالیسی کا اہم حصہ ہے، دونوں ممالک کے درمیان سدا بہار تزویراتی تعاون کی شراکت داری ہے، دونوں ممالک کی قیادت کی پے در پے نسلوں کی انتھک کوششوں نے بین الریاستی تعلقات کے اس منفرد اور مثالی بندھن کو پروان چڑھایا اور مضبوط کیا۔
صدر مملکت نے خط میں پاک چین تعلقات اور پاک چین اقتصادی راہداری کو آگے بڑھانے میں چینی صدر کی بصیرت انگیز قیادت کا شکریہ ادا کیا اور کہا کہ چین نے سال 2024 میں مختلف شعبوں میں نمایاں پیش رفت کی۔
ڈِیپ سِیک؛ آرٹیفیشل ٹیکنالوجی کی سستی چینی ٹیکنالوجی نے امریکی کمپنیوں کو دھڑن تختہ کر دیا
آصف زرداری نے خط میں پاکستان اور چین کے درمیان پائیدار اور مسلسل بڑھتی ہوئی دوستی کو سراہا اور صدر شی جن پنگ کی صحت، چینی عوام کی مسلسل ترقی اور خوشحالی کے لیے نیک خواہشات کا اظہار بھی کیا۔
.ذریعہ: City 42
پڑھیں:
صدر زرادری کا چین کے صدر شی جن پنگ کو خط ، دوطرفہ تعاون کو فروغ دینے پر زور
اسلام آباد : صدر مملکت آصف علی زرداری نے چین کے صدر شی جن پنگ کو ایک خط لکھا ہے، جس میں چینی سال نو اور موسم بہار کے تہوار کی مبارکباد دی۔
انہوں نے اپنے خط میں پاکستان اور چین کے درمیان مضبوط دوستی کو مزید بڑھانے کے عزم کا اظہار کیا اور کہا کہ وہ بیجنگ میں چینی صدر سے ملاقات کے منتظر ہیں تاکہ دونوں ممالک کے تعلقات کو مزید مستحکم کیا جا سکے۔
آصف زرداری نے اس بات پر زور دیا کہ پاکستان اپنی خارجہ پالیسی میں ہمیشہ ون چائنہ پالیسی کی حمایت کرے گا، جو دونوں ممالک کے درمیان سٹریٹجک تعلقات کا ایک اہم جزو ہے۔ انہوں نے دونوں ممالک کی قیادت کی کوششوں کو سراہا جو اس دوستی کو مضبوط بنانے میں کامیاب ہوئی ہیں۔
صدر زرداری نے چین کی قیادت کا شکریہ ادا کرتے ہوئے کہا کہ چین نے 2024 میں مختلف شعبوں میں اہم ترقی حاصل کی۔ ساتھ ہی، انہوں نے پاکستان اور چین کے تعلقات کی پائیداری کو سراہا اور چینی عوام کی خوشحالی اور ترقی کے لیے نیک تمناؤں کا اظہار کیا۔
موجودہ حکومت کارکردگی میں PTI سے بھی بری ہے، شاہد خاقان عباسی