پی ٹی آئی قیادت میں تبدیلی، بشریٰ بی بی کا کیا کردار ہے؟
اشاعت کی تاریخ: 29th, January 2025 GMT
پاکستان تحریک انصاف خیبر پختونخوا کے نئے صدر جنید اکبر کی تعیناتی کے بعد علی امین گنڈاپور کے کیمپ میں اضطراب اور بے چینی پائی جارہی ہے۔
وی نیوز کو ذرائع سے معلوم ہوا ہے کہ علی امین گنڈاپور کی کارکردگی پر پارٹی کے اندر سے سوالات تو اٹھائے جارہے تھے لیکن بشریٰ بی بی کی رہائی کے بعد پارٹی کے بیشتر رہنماؤں نے بشریٰ بی بی کے سامنے بھی وزیراعلیٰ کی کارکردگی پر عدم اطمینان کا اظہار کیا ہے۔
مزید پڑھیں: علی امین گنڈاپور کو وزارت اعلیٰ سے ہٹانے کا معاملہ، عمر ایوب کھل کر سامنے آگئے
ذرائع نے بتایا کہ 24 نومبر کے مارچ سے قبل ہی وزیراعلیٰ علی امین اور بشریٰ بی بی کے درمیان اختلافات شروع ہوگئے تھے تاہم 26 نومبر کے بعد بشریٰ بی بی نے علی امین گنڈاپور سے متعلق متعدد رہنماؤں سے فرداً فرداً بریفنگ لی۔
ذرائع نے بتایا کہ بشریٰ بی بی نے پاکستان تحریک انصاف کے اہم عہدیداران، کابینہ ارکان اور صوبے میں پارٹی کے نظریاتی کارکنان سے صوبے میں گورننس اور وزیراعلیٰ سے متعلق بریفنگ لی۔ ان بریفنگز کے دوران اکثر رہنماؤں سے یہ سوال پوچھا گیا کہ صوبے میں عمران خان کا وفادار کون ہے؟ خیبر پختونخوا حکومت میں کرپشن سے متعلق اٹھنے والی آوازوں کی کتنی صداقت ہے؟
مزید پڑھیں: عمران خان سے علی امین گنڈاپور کی غیرمعمولی ملاقات، اہم امور پر تبادلہ خیال
ذرائع نے بتایا کہ بشریٰ بی بی نے عمران خان سے 26 نومبر کے بعد ہونے والی ملاقات میں باہر کی تمام صورتحال سے آگاہ کیا اور صوبے کی گورننس سے متعلق رپورٹ دی۔ عمران خان نے صوبائی صدارت کا عہدہ لینے سے قبل وزیراعلیٰ علی امین گنڈاپور کو اپنے فیصلے سے آگاہ کرتے ہوئے صوبے میں گورننس کو بہتر بنانے کی ہدایات کیں۔
ذرائع نے بتایا کہ عمران خان نے وزیراعلیٰ علی امین سے صوبے میں مبینہ کرپشن کی بازگشت کا بھی ذکر کیا اور کہا کہ کرپشن کا خاتمہ ہماری اولین ترجیح ہے اور زیرو ٹالرینس ہے۔ عمران خان نے وزیراعلیٰ کو گورننس بہتر بنانے کی ہدایات کرتے ہوئے اہم ٹاسک بھی سونپے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بشریٰ بی بی پاکستان تحریک انصاف علی امین گنڈاپور عمران خان.ذریعہ: WE News
کلیدی لفظ: پاکستان تحریک انصاف علی امین گنڈاپور ذرائع نے بتایا کہ علی امین گنڈاپور کے بعد
پڑھیں:
عمران خان اور بشریٰ بی بی کی شادی سے متعلق بشر یٰ بی بی کی بہن کا نیا انکشاف
بشر یٰ بی بی کی بہن مریم وٹو نے عمران خان اور بشریٰ بی بی کی شادی سے متعلق نیا انکشاف کردیا۔دبئی میں رہائش پذیر مریم وٹو نے ایک نجی ٹی وی چینل کو دیے گئے انٹرویو میں نہ صرف موجودہ سیاسی صورتحال بلکہ اپنی بہن بشریٰ بی بی اور پاکستان تحریک انصاف کے بانی عمران خان کے درمیان تعلقات کے آغاز پر بھی روشنی ڈالی۔
انہوں نے بتایا کہ ان کا تحریک انصاف سے رشتہ 2022ء سے ہے اور وہ اس وقت بھی پارٹی کی رکن تھیں جب عمران خان ان کے بہنوئی نہیں بنے تھے۔ ان کا کہنا تھا کہ پارٹی کے معاملات میں ان کی شمولیت پر تنقید درست نہیں، کیونکہ وہ تحریک انصاف کے ساتھ کافی عرصے سے وابستہ رہی ہیں اور انہوں نے پارٹی کے لیے بھرپور محنت کی ہے۔
مریم وٹو نے مزید کہا کہ پچھلے سال اکتوبر میں ہونے والے پی ٹی آئی مارچ کے دوران بشریٰ بی بی کا کردار بھی اہم رہا، جس پر ان سے کئی سوالات کیے گئے۔ ایک سوال کے جواب میں انہوں نے وضاحت کی کہ بشریٰ بی بی کے پاس کوئی جادو کی چھڑی نہیں، بلکہ ان کی شخصیت میں دین، قرآن اور علم کا گہرا اثر ہے، جس کی بدولت وہ عمران خان کی قریبی مشیر ہیں۔
انہوں نے واضح کیا کہ جو لوگ بشریٰ بی بی پر کالے جادو، ٹونے یا تعویز جیسے الزامات لگاتے ہیں، انہیں سنجیدگی سے لینے کی ضرورت نہیں، کیونکہ ایسی باتیں صرف ذہنی الجھن میں مبتلا افراد ہی کرتے ہیں۔انٹرویو کے دوران جب عمران خان اور بشریٰ بی بی کی شادی کے آغاز سے متعلق سوال کیا گیا تو مریم وٹو نے کہا کہ وہ عمران خان کی ذاتی زندگی پر زیادہ بات کرنا پسند نہیں کرتیں، تاہم ایک موقع پر جب انہوں نے ٹی وی پر عمران خان کو دیکھا تو انہیں وہ بہت پریشان حال لگے۔
اس کے بعد انہوں نے بشریٰ بی بی اور عمران خان کی ملاقات کا اہتمام کیا، جس پر بعد میں عمران خان نے انہیں ای میل کے ذریعے شکریہ ادا کرتے ہوئے لکھا: ’’شکریہ! آپ نے میری زندگی بدل دی ہے۔‘‘
بھارتی وزیر نے سرینگر کے باغ گل ولالہ کی سیر کر کے مسلمانوں کی بے بسی کا جشن منایا، محبوبہ مفتی