کس کے دعوے کو حقیقت جانیں ایک جانب خوشنما دعوے اور دل فریب خواب ہیں اور دوسری جانب حقیقت حال کا کارِزار۔ دونوں میں لمبی دوری اور تفاوت۔ ایسے میں دل مضطرب کو چین آئے تو کیسے آئے۔ابھی تو ہم پوری طرح وزیراعظم ہاؤس سے بجنے والے ’’اڑان پاکستان‘‘ کے دل موہ لینے والے گانے سے ہی پوری طرح لطف اندوز نہیں ہوئے تھے کہ وفاقی وزارت خزانہ کی اقتصادی رپورٹ نے ہمیں اس نیند سے اٹھا دیا جو ہمیں معیشت میں انقلابی بہتری کے خوشنما نعروں وزیراعظم پاکستان میاں شہباز شریف صاحب کی ’’ چین کی بانسری‘‘ بجائے جانے کے بعد بڑی مشکل سے میسر آئی۔
وفاقی وزارت خزانہ مالی سال 2025 کے پہلے 6 ماہ کی اقتصادی کارکردگی رپورٹ کا اجرا کردیا ہے۔ رپورٹ میں جولائی سے دسمبر تک کی اقتصادی کارکردگی کا احاطہ کیا گیا ہے۔
رپورٹ میں ملک کی بڑی صنعتوں کی پیداوار میں تشویش ناک کمی ہونے کا انکشاف کیا گیا ہے۔ وزارت خزانہ کی رپورٹ کے مطابق رواں مالی سال کے پہلے 6 ماہ میں ملک کی بڑی صنعتوں کی پیداوار منفی 3 اعشاریہ 8 فیصد رہی۔ بڑی صنعتوں کی پیداوار کے ساتھ ساتھ غیر ملکی سرمایہ کاری میں بھی کمی ہوئی ہے۔
حکومتی دعوے اپنی جگہ پر تا ہم اگر صورتحال ایسی ہی ہے تو پھر یہ حقیقت تو روز روشن کی طرح عیاں ہے کہ ملک کی معیشت بحال ہو سکتی ہے اور نہ ہی ملک ترقی کر سکتا ہے۔ تمام معاشی اعداد و شمار یہ بتا رہے ہیں کہ ملک پر بڑھتے ہوئے قرضوں نے جو یقیناًحکمران اشرافیہ کی جیبوں میں ہی جا رہے ہیں معیشت کے پہیے کو جام کر کے رکھ دیا ہے اور آج بھی قرضے اتارنے کے لیے مزید قرضوں کی ضرورت ہے۔ ایسی صورتحال میں پاکستانی عوام کو بنیادی سہولیات کی فراہمی ایک خواب سے زیادہ اور کچھ نہیں ۔ بجلی گیس اور پٹرول کی قیمتیں کم کیے بغیر ملکی پیداواری صلاحیت کو بڑھایا نہیں جا سکتا اور ایسا نہ کرنے کے سبب پاکستان بیرونی قرضوں سے نجات بھی حاصل نہیں کر سکتا۔ایک اندازے کے مطابق یہ قرضے اس وقت 300 ارب ڈالر سے بھی تجاوز کر چکے ہیں۔ ملک میں صنعت و حرفت کا پہیہ چلانے کے لیے یہ لازم ہے کہ ملک میں پیداواری قیمت کو کم کر کے ملوں اور کارخانوں کو چلایا جائے۔
ایسے میں یہ خبر بھی آئی ہے کہ وزیراعلیٰ پنجاب مریم نواز صوبے میں امن و امان اور جرائم کے بڑھتے ہوئے گراف سے مطمئن نہیں اپنی ایک حالیہ میٹنگ کے دوران انہوں نے اس صورتحال پر سخت برہمی کا اظہار کیا۔ وزیراعلیٰ پنجاب مریم نواز کا ایسا کرنا درست بھی ہے اور وہ اس میں حق بجانب بھی ہیں یہ بھی ایک حقیقت ہے کہ پنجاب حکومت عوام کے ٹیکسوں سے حاصل ہونے والی ایک خطیر رقم صوبے میں امن و امان کی صورتحال کو بہتر بنانے اور عوام کے جان و مال کے تحفظ کو یقینی بنانے کے لیے خرچ کر رہی ہے مریم نواز نے متعلقہ محکموں کو سیاسی دباؤ سے دور رکھنے کے لیے بھی خاطرخواہ اقدامات اْٹھائے اور وہ اس حوالے سے پہلے بھی کوئی دقیقہ فروگزاشت نہیں رکھ رہیں پھر بھی خاطر خواہ نتائج برآمد نہیں ہو رہے تو یقیناً اس میں متعلقہ اداروں میں موجود کالی بھیڑوں کی کرپشن ، نا اہلی اور فرائض منصبی کی ادائیگی میں عدم دلچسپی کار فرما ہے۔ عوام انتظار کر رہے ہیں کہ ایسے افسران اور کالی بھیڑوں سے متعلقہ سرکاری محکموں کو پاک کرنے کے لیے ایک گرینڈ آپریشن کیا جائے اور ان اداروں میں میرٹ پر اور اچھی شہرت رکھنے والے افسران کو تعینات کیا جائے۔
.ذریعہ: Nai Baat
کلیدی لفظ: کے لیے
پڑھیں:
کنونشن میں آمد پر خوش آمدید: اوورسیز پاکستانیوں کا معیشت میں اہم کردار، عطا تارڑ
اسلام آباد (اپنے سٹاف رپورٹر سے +نوائے وقت رپورٹ) وفاقی وزیراطلاعات عطا تارڑ نے کہا ہے کہ اوورسیز پاکستانی ہمارے سروں کا تاج ہیں، ملکی معیشت میں ان کا اہم کردار ہے۔ اوورسیز پاکستانی کنونشن میں گفتگو کرتے ہوئے عطا تارڑ کا کہنا تھا کہ اوورسیز پاکستانی دنیا بھر میں پاکستان کا نام روشن کر رہے ہیں، پاکستان میں اوورسیز پاکستانی کنونشن ہو رہا ہے۔ انہوں نے کہا کہ کنونشن کا مقصد تارکین وطن کی خدمات کو سراہنا ہے، اوورسیز پاکستانی ہمارے سروں کا تاج ہیں، ان کا ملکی معیشت کی بہتری میں اہم کردار ہے، وہ ہر سال اربوں ڈالر کی ترسیلات زر بھجواتے ہیں، اوورسیز پاکستانی ہماری شان ہیں۔ وزیر اطلاعات کا مزید کہنا تھا کہ جب بھی کوئی اچھا کام ہوتا ہے تو سوشل میڈیا پر منفی خبریں پھیلائی جاتی ہیں، پاکستان ٹیک آف کر رہا ہے، اڑان پاکستان منصوبے کے تحت پاکستان مزید ترقی کرے گا۔
اسلام آباد (خبرنگار) اوورسیز پاکستانیز فائونڈیشن کے تعاون سے اوورسیز پاکستانیز کنونشن میں شرکت کرنے والے سمندر پار پاکستانیوں پر مشتمل اعلی سطحی وفد نے اتوار کو لوک ورثہ کا دورہ کیا۔ سمندر پار پاکستانیوں کا لوک ورثہ آمد پر ڈھول کی تھاپ اور علاقائی لوک موسیقی کی دھنوں پر پرتپاک استقبال کیا گیا۔ قومی ورثہ و ثقافت کی پارلیمانی سیکرٹری فرح ناز اکبرنے لوک ورثہ آمد پر معزز مہمانوں کا استقبال کیا۔ امریکہ، یورپ، خلیجی و افریقی ممالک سمیت دنیا کے مختلف علاقوں سے تعلق رکھنے والے سمندر پار پاکستانیوں کے وفود نے لوک ورثہ میوزیم، دستکاری بازار، کرافٹ ویلج اور مختلف ثقافتی سٹالز کا دورہ کیا اور پاکستان کے ثقافتی رنگوں میں گہری دلچسپی اور والہانہ رغبت کا اظہار کیا۔ اس موقع پر انہوں نے لوک فنکاروں کی لائیو میوزیکل پرفارمنس بھی دیکھی۔ مختلف علاقوں کی دھنیں، روایتی ساز اور رقص نے وفود کو خوب محظوظ کیا اور انہوں نے تالیاں بجا کر خوب داد دی۔ لوک ورثہ میں فقید المثال استقبال کیلئے وزارت سمندر پار پاکستانیز، وزارت خارجہ اور وزارت اطلاعات و نشریات کی طرف سے خصوصی انتظامات کئے گئے تھے۔ اوورسیز پاکستانیوں کو لوک ورثہ میں قائم مختلف صوبوں کے پویلینز کا دورہ کرایا گیا جو وفاق کی تمام اکائیوں بشمول آزاد کشمیر و گلگت بلتستان کے ثقافتی ورثے کی عکاسی کرتے ہیں۔ اس موقع پر لوک ورثہ کے حکام نے اوورسیز پاکستانیوں کو پاکستان کی رنگا رنگ ثقافت اور مختلف پویلینزکے حوالے سے آگاہ کیا۔ فرح ناز اکبرنے میڈیا سے گفتگو کرتے ہوئے کہا کہ اوورسیز کنونشن میں مختلف ممالک سے تقریباً ایک ہزار کے قریب اوورسیز پاکستانی شرکت کر رہے ہیں۔ سعودی عرب سے تعلق رکھنے والے سمندر پار پاکستانی منصور محبوب چوہدری نے میڈیا سے گفتگو کرتے ہوئے کہا کہ حکومت کی جانب سے ان کا پرتپاک استقبال کیا گیا۔ جنوبی کوریا سے تعلق رکھنے والے شہزاد خان نے بتایا کہ ہم حکومت کے اس اقدام کا خیرمقدم کرتے ہیں۔ حافظ محمد شبیر نے بتایا کہ انہیں پرتپاک انداز میں ایئرپورٹ سے یہاں تک لایا گیا ہے جس پر ہم حکومت کے شکر گزار ہیں ۔ انہوں نے کہا کہ یہاں آنے کا مقصد زیادہ سے زیادہ سرمایہ کاری کے مواقع تلاش کرنا ہے۔ ہم بطور اوورسیز پاکستانی ملک کی بہتری کے لیے بہت کچھ کرنا چاہتے ہیں۔
ڈی جی خان: رشتے سے انکار پر لڑکی قتل