سائٹ ایسوسی ایشن کا اجلاس، عبدالوحید قریشی اور تمام مرحومین کے لیے دعائے مغفرت
اشاعت کی تاریخ: 29th, January 2025 GMT
حیدرآباد(اسٹاف رپورٹر)حیدرآباد سائٹ ایسوسی ایشن آف ٹریڈ اینڈ انڈسٹری (HSATI) نے ایسوسی ایشن کے رجسٹرڈ آفس میں اپنے ایگزیکٹو ارکان کا اجلاس منعقد کیا۔ اجلاس کی صدارت چیئرمین عبدالرحمن راجپوت نے کی جس میں وائس چیئرمین احسن معید شیخ ایڈووکیٹ، ایگزیکٹو ارکان ضیاء الدین قریشی، سید یاور علی شاہ، محمد عارف مدنی، عبدالستار خان، عبدالوحید شیخ، اختیار آرائیں، صلاح الدین خان غوری، شوکت راجپوت، شوکت شیخ، اشفاق احمد سومرو، محمود راجپوت، محمد علی راجپوت، وسیم جی، حسن ضیا جعفری اور سیکرٹری جنرل رافع قریشی نے شرکت کی۔اجلاس کا آغاز عبدالوحید شیخ نے تلاوت کلام پاک سے کیا جس سے احترام اور اتحاد کی فضا قائم ہوئی جس کے فوری بعد حیدرآباد کی معروف سماجی اور سیاسی شخصیت عبدالوحید قریشی اور تمام مرحومین کے لیے دعائے مغفرت کی گئی۔ بعد ازاں 22 نومبر 2024 کو ہونے والی آخری میٹنگ کے منٹس پیش کیا گئے اور اس کی منظوری دی گئی۔چیئرمین سائٹ عبدالرحمن راجپوت نے سائٹ ایریا کو متاثر کرنے والے اہم مسائل پر توجہ مرکوز کی، جس میں تجاوزات، سڑکیں، قبرستان، پانی کا مسئلہ اور برکت بھائی پارک کا مسئلہ وغیرہ شامل تھے۔ چیئرمین عبدالرحمن راجپوت نے سب کمیٹی کے چیئرمینوں سے رائے طلب کی جنہوں نے اپنے اپنے محکموں میں تسلی بخش پیش رفت کی اطلاع دی۔ صلاح الدین خان غوری کو سائٹ ایریا میں متاثر ہ فیکٹریوں کے سوئی گیس کے مسئلے کو حل کرنے میں ان کی کوششوں کو سراہا۔ اجلاس کا اختتام وائس چیئرمین احسن معید شیخ نے تمام ایگزیکٹو ممبران کی شرکت پر شکریہ ادا کرتے ہوئے کیا۔
.ذریعہ: Jasarat News
پڑھیں:
زمین کی مبینہ خردبرد اور غیر قانونی الاٹمنٹ کا کیس نیب نے 9 ملزمان کیخلاف ریفرنس دائر کردیا
اسلام آباد(نیوز ڈیسک)سیکٹر ای 11 میں زمین کی مبینہ خردبرد اور غیر قانونی الاٹمنٹ کا کیس نیب نے 9 ملزمان کیخلاف ریفرنس دائر کردیا ۔ملزمان کی فہرست میں متعلقہ پٹواری، سی ڈی اے کے متعلقہ سابق افسران و دیگر اہم ملزمان شامل ہیں
سابق ڈائریکٹر لینڈ سی ڈی اے خالد محمود ، شائستہ سہیل ، راجہ زاہد حسین اور سید غلام حسام الدین ملزم نامزد ،سید غلام نجم الدین گیلانی ، سید غلام شمس الدین گیلانی ، سید غلام نظام الدین گیلانی ، سید غلام محی الدین گیلانی بھی ملزمان میں شامل
رجسٹرار آفس نے غیر قانونی زمین الاٹمنٹ ریفرنس کی سکروٹنی شروع کردی ۔رجسٹرار آفس کی سکروٹنی کے بعد ریفرنس کو سماعت کیلئے عدالت میں بھیجق جائے گا۔نیب کیجانب سے دائر کیا گیا ریفرنس 8 صفحات پر مشتمل ہے،
اتھارٹی نے ایک سورس رپورٹ کی بنیاد پر غیر قانونی الاٹمنٹ کا نوٹس لیا، رپورٹ میں سید غلام حسن الدین اور دیگر افراد کو سیکٹر ای الیون میں سرکاری زمین کی غیر قانونی الاٹمنٹ کا مرتکب قرار دیا گیا۔ انکوائری 20 اپریل 2016 کو منظور کی گئی, انکوائری کو 8 جون 2018 کو باقاعدہ تفتیش میں تبدیل کر دیا گیا،
سی ڈی اے کے سابق افسران نے غیرقانونی طور پر ملزمان کو سرکاری زمین الاٹ کی ، سابق افسران نے اس کے بدلے فوائد حاصل کئے، دوران تفتیش 21 فروری 2024 کو غلام حسام الدین اور دیگر تین پرائیوٹ خواتین نے پلی بار گین کے لیے درخواست دی،
اس سے بھی ملزمان کا قصور ثابت ہوتا ہے ، ریکارڈ کے مطابق یہ کرپشن اور کرپٹ پریکٹس کا کیس بنتا ہے، ملزمان کا ٹرائل کرکے سزا دی جائے ، ریفرنس میں استدعا
حکومت نے بسنت پر عائد پابندی اٹھانے پر غور شروع کردیا
بانی پی ٹی آئی نے عالیہ حمزہ کو پنجاب میں فیصلوں کا اختیار دے دیا