سندھ دریا پر نہروں کی تعمیر کیخلاف آگاہی مہم کا قافلہ جاری
اشاعت کی تاریخ: 29th, January 2025 GMT
حیدرآباد(اسٹاف رپورٹر)سندھ ترقی پسند پارٹی کی جانب سے سندھ دریا پر نہروں کی تعمیر کے منصوبے کے خلاف ”سندھ ہماری ماں، سندھو ہمارا سانس” مہم کے سلسلے میں جاری آگاہی مہم کا قافلہ سندھ ترقی پسند پارٹی کے چیئرمین ڈاکٹر قادر مگسی کی قیادت میں گھوٹکی ضلع پہنچ گیا۔ قافلے کا مختلف شہروں اور اسٹاپوں پر شاندار استقبال کیا گیا جبکہ گھوٹکی، ڈہرکی اور میرپور ماتھیلو میں عوامی جلسے منعقد کیے گئے جن میں سندھ ترقی پسند پارٹی کے چیئرمین ڈاکٹر قادر مگسی نے خطاب کرتے ہوئے کہا کہ حکمران عوام کی عزت، جان و مال کے تحفظ کے ذمہ دار ہیں، لیکن وہ عوام کو تحفظ دینے میں مکمل طور پر ناکام ہوگئے ہیں۔ غریب، مسکین لوگ اپنی زندگی خوف میں گزار رہے ہیں۔ ڈاکوئوں کا راج، حکومت میں بیٹھے وزیروں اور اسمبلی ارکان کی مکمل سرپرستی حاصل ہے۔ انہوں نے کہا کہ یہ حکمران صرف اپنے ذاتی مفادات کے لیے کام کر رہے ہیں، ان کو عوام کے مسائل سے کوئی دلچسپی نہیں ہے۔ سندھ پر مسلط جاگیردار جو پی پی پی کے چھائوں میں سندھ پر حکمرانی کر رہے ہیں، جب تک یہ اقتدار سے نہیں ہٹیں گے اور محنت کش طبقے کے نمائندے کو اسمبلی میں نہیں بھیجیں گے، تب تک سندھ پر مشکلات ختم نہیں ہوں گی۔ انہوں نے مزید کہا کہ ہم سندھ و دریائے سندھ کی حفاظت کے لیے عوام کو بیدار کرنے نکلے ہیں۔ ایک طرف کارپوریٹ فارمنگ کے نام پر سندھ کی زمینوں پر قبضہ کیا جا رہا ہے، تو دوسری طرف سندھ و دریائے سندھ کو خشک کرنے کے لیے نہروں کی تعمیر کا منصوبہ بنایا گیا ہے۔ پہلے جنرل ضیا سے لے کر جنرل مشرف تک سندھ سے دریائے سندھ کو چھیننے کوششیں کی لیکن کالا باغ ڈیم نہیں بن سکا۔ سندھ کے عوام نے سیاسی جدوجہد کے ذریعے ان کو شکست دی، اب شہباز شریف اور زرداری مل کر سندھ سے نہریں نکالنے کا منصوبہ بنا رہے ہیں۔ ہم انہیں بتانا چاہتے ہیں کہ ہم سندھ کے چھ کروڑ عوام ان کے منصوبوں کو مسترد کرتے ہیں اور اس کے خلاف عوامی جدوجہد سڑکوں پر جاری رہے گی، جب تک دریائے سندھ پر نہروں کی تعمیر کے منصوبے دفن نہیں ہو جاتے۔ انہوں نے کہا کہ 24 فروری کو حیدرآباد میں لاکھوں سندھ کے عوام ان سندھ دشمن منصوبوں کے خلاف بھرپور آواز اٹھائیں گے۔ اس موقع پر ایس ٹی پی کے سینئر وائس چیئرمین جام عبدالفتاح سمیجو، گلزار سومرو، حیدر شاہانی، نثار کیریو اور دیگر نے بھی خطاب کیا۔ آگاہی مہم کا قافلہ آج ضلع کندھ کوٹ کشمور میں عوامی رابطہ مہم چلائے گا۔
.ذریعہ: Jasarat News
کلیدی لفظ: نہروں کی تعمیر دریائے سندھ رہے ہیں کہا کہ
پڑھیں:
متنازعہ نہروں کے معاملے پر پیپلزپارٹی اور وزیراعظم ایک پیج پر ہیں.عمر ایوب
پشاور(اردوپوائنٹ اخبارتازہ ترین-انٹرنیشنل پریس ایجنسی۔15 اپریل ۔2025 )پی ٹی آئی رہنما اور قومی اسمبلی میں قائدحزب اختلاف عمر ایوب نے کہا ہے کہ متنازعہ نہروں کے معاملے پر پیپلزپارٹی اور وزیراعظم ایک پیج پر ہیں، پیپلزپارٹی عوام کا پریشر دیکھ کر مگرمچھ کے آنسو رو رہی ہے پشاور ہائیکورٹ میں کیس کی سماعت کے بعد صحافیوں سے گفتگو کرتے ہوئے عمر ایوب نے کہا کہ پانی کے بہا ﺅ میں تبدیلی کی بھی منظوری دی گئی، یہ سندھ کے عوام کی پیٹھ پر چھرا گھونپنے کے مترادف ہے.(جاری ہے)
انہوں نے کہا کہ مائنز اور منرلز بل کی جانچ پڑتال ہوگی، عمران خان کو اس پر بریف کیا جائے گا اور ان کے احکامات پر عمل کریں گے انہوںنے کہا 3 ماہ ہوگئے، میں خود سابق وزیراعظم سے نہیں ملا، عدالتی احکامات کی خلاف ورزی ہو رہی ہے. عمر ایوب نے کہا کہ فلسطین میں جو کچھ ہو رہا ہے وہ کسی طور قابل قبول نہیں ہے، اسرائیلی جارحیت کی مذمت کرتے ہیں انہوں نے کہا کہ پارٹی کے اندر مختلف مکاتب فکر کے لوگ بیٹھے ہوتے ہیں، ہم ایک دوسرے کے ساتھ بات کرتے ہیں، مسلم لیگ اور پیپلزپارٹی کی طرح ہماری پارٹی میں بادشاہت نہیں ہے، پارٹی میں کوئی اختلاف نہیں ہے. قبل ازیں پشاور ہائی کورٹ نے رہنما تحریک انصاف اور قومی اسمبلی میں اپوزیشن لیڈر عمر ایوب کو ایک مہینے کی حفاظتی ضمانت دے دی پشاور ہائیکورٹ کے جسٹس صاحبزادہ اسد اللہ اور جسٹس صلاح الدین نے عمر ایوب کی مقدمات کی تفصیلات سے متعلق درخواست پر سماعت کی، دوران سماعت ڈپٹی اٹارنی جنرل نے کہا کہ عمر ایوب کے خلاف اسلام آباد میں 21 مقدمات درج ہیں. عمر ایوب نے کہا کہ میرے خلاف مقدمات کی تفصیلات پہلے بھی جمع ہوئی تھیں اس کے باوجود مزید مقدمات نکل آئے تھے آئی جی اسلام آباد نے کورٹ کو دھوکا دیا اور مقدمات چھپائے پشاور ہائی کورٹ نے حکم دیا کہ عمر ایوب کے خلاف جتنے بھی مقدمات ہوں، اس کی تفصیلات جمع کرائیں.
بی بی ایل اور ڈبلیو بی بی ایل کے لیے کھلاڑیوں کی ڈرافٹنگ 19 جون کو ہوگی