ملی یکجہتی سندھ کے صدر اسداللہ بھٹو کی زیر صدارت ادارہ نور حق میں کونسل کے صوبائی ذمے دارارن کا اجلاس ہورہا ہے
اشاعت کی تاریخ: 29th, January 2025 GMT
ملی یکجہتی سندھ کے صدر اسداللہ بھٹو کی زیر صدارت ادارہ نور حق میں کونسل کے صوبائی ذمے دارارن کا اجلاس ہورہا ہے.
ذریعہ: Jasarat News
پڑھیں:
علی امین بمقابلہ عاطف خان گروپ: صوبائی صدارت جانے کے بعد کیا وزیراعلیٰ کی پوزیشن کمزور ہوگئی؟
پاکستان تحریک انصاف (پی ٹی آئی) خیبرپختونخوا کی صوبائی صدرات وزیراعلیٰ علی امین گنڈاپور سے واپس لے کر ان کے مخالف گروپ کے جنید اکبر خان کو دینے کے بعد خیال کیا جارہا ہے کہ اب پارٹی معاملات سے علی امین کو دور کردیا گیا ہے اور ان کی پوزیشن کمزور ہوگئی ہے۔
پی ٹی آئی کے مرکزی رہنما نے عمران خان سے جیل میں ملاقات کے بعد میڈیا کو بتایا تھا کہ بانی چیئرمین تحریک انصاف نے علی امین گنڈاپور کو خیبرپختونخوا کی صوبائی صدرات سے ہٹا دیا اور جنید اکبر خان (چیئرمین پبلک اکاؤنٹس کمیٹی) کو صوبائی صدر بنایا ہے۔
یہ بھی پڑھیں پی ٹی آئی کی ہومیو پیتھک قیادت سائیڈ پر کردی جائے گی، عمران خان اسی سال رہا ہوں گے، جنید اکبر
تحریک انصاف کے رہنماؤں کا مؤقف ہے کہ علی امین گنڈاپور جو وزیراعلیٰ بھی ہیں ان پر ورک لوڈ زیادہ تھا اسی وجہ سے پارٹی امور کو جنید اکبر کے حوالے کیا گیا، تاہم تجزیہ کار اور پارٹی کے باخبر رہنما اس سے اختلاف کرتے ہیں۔
’احتجاجی دھرنوں کے دوران علی امین کے کردار پر بشریٰ بی بی اور کارکنان ناراض تھے‘پاکستان تحریک انصاف کے کچھ رہنما جو غیرجانبدار اور عمران خان کے وفادار ہونے کا دعویٰ کرتے ہیں، ان کا ماننا ہے کہ علی امین گنڈاپور کو ان کی خراب کارکردگی اور کارکنوں کی ناراضی کی وجہ سے ہٹایا گیا۔
پارٹی کے ایک سینیئر رہنما نے نام نہ ظاہر کرنے کی شرط پر بتایا کہ سب کچھ ایک دن میں نہیں ہوا بلکہ بات چل رہی تھی اور پھر عمران خان نے حتمی فیصلہ کرلیا۔ ’بڑا ایشو یہ ہے کہ عمران خان تک ہر ایک کی رسائی نہیں ہے اور ان تک سچ نہیں پہنچ رہا۔ علی امین اور دیگر ان کے حمایتی سب اچھا کی رپورٹ دیتے تھے۔‘
انہوں نے بتایا کہ بشریٰ بی بی کی رہائی اور پشاور میں ان کے قیام کے دوران صورت حال خراب ہوئی اور علی امین گنڈاپور کی پالیسیوں پر سوالات اٹھنے لگے۔
ایک اور رہنما نے بھی یہی بات کی اور بتایا کہ بشریٰ بی بی جب پشاور آئیں تو کارکنان خصوصاً یوتھ رہنماؤں ان سے ملاقات کی اور شکایات لے انبار لگائے۔ جبکہ اسلام آباد مارچ کے دوران بھی دونوں میں اختلافات پیدا ہوئے اور یہ سب باتیں عمران خان تک پہنچ گئیں۔ ’جب عمران خان تک باتیں پہنچنے لگیں تو علی امین کے کاغذات خراب ہوگئے اور آخر وہ صدرات سے محروم ہوگئے۔‘
کیا اب پارٹی میں علی امین کی پوزیشن کمزور ہوئی ہے؟پارٹی کے رہنما سمجھتے ہیں کہ علی امین گنڈاپور کی پارٹی میں اب بھی بہت اہمیت ہے جس کی وجہ وزیراعلیٰ کا عہدہ ہے۔ ان کی رائے ہے کہ پارٹی اس وقت مشکلات میں ہے۔ کارکنوں اور عمران خان کی خواہش ہے کہ احتجاجی تحریک کا سلسلہ شروع ہو جس کے لیے فنڈز اور وسائل درکار ہیں۔ وزیراعلیٰ کے پاس نئے صدر کی نسبت اختیارات اور وسائل زیادہ تھے جبکہ نئے صوبائی صدر بھی علی امین کی طرف ہی دیکھیں گے۔
سیاسی تجزیہ کاروں کا خیال ہے کہ اب علی امین گنڈاپور کی 8 فروری سے پہلے والی حثیت نہیں ہے۔ سیاسی تجزیہ کار و سینیئر صحافی علی اکبر کا خیال ہے کہ علی امین کی پوزیشن پارٹی میں اب بہت کمزور ہے۔
’وزیراعلیٰ بننے سے پہلے علی امین ہیرو تھے، کارکنان ان کے ساتھ تھے۔ جس کے باعث یہ دبنگ لیڈر تھے لیکن اب ان پر پرو اسٹیبلشمنٹ کی مہر لگ چکی ہے۔‘
ان کا کہنا ہے کہ جنید اکبر خان کو اختلافات کی بنا پر فوکل پرسن کے عہدے سے ہٹایا گیا تھا اور جنید اکبر عاطف خان قریبی ہیں۔
انہوں نے کہاکہ جنید اکبر کو پبلک اکاؤنٹس کمیٹی کا چیئرمین اور صوبائی صدر بنانے سے عاطف خان گروپ مضبوط ہوگیا۔ اب آگے پارٹی تنظیم میں مزید تبدیلیوں کا بھی امکان ہے جس میں علی امین گنڈاپور کا کردار انتہائی کم ہوگا۔
کیا عمران خان علی امین کی کابینہ کی کارکردگی سے بھی مطمئن نہیں؟گزشتہ کچھ عرصے سے علی امین کی کابینہ میں تبدیلی اور ممبران کو ہٹانے کی خبریں آرہی ہیں، تاہم صوبائی حکومت ایسی خبروں کی تردید کررہی ہے۔
تحریک انصاف کے ایک باخبر ذرائع نے بتایا کہ عمران خان کچھ وزرا کی کارکردگی سے مطمئن نہیں ہیں اور انہیں ہٹانے کے خواہشمند تھے۔ انہوں نے بتایا کہ عمران خان نے علی امین کی دراخوست پر ان کابینہ ممبران کو ہٹانے کا فیصلہ مؤخر کیا ہے جبکہ کارکردگی بہتر بنانے کی ہدایت کی ہے۔
تحریک انصاف کا کیا موقف ہے؟پاکستان تحریک انصاف کے رہنما اور مرکزی سیکریٹری اطلاعات شیخ وقاص اکرم کا ماننا ہے کہ پارٹی میں تمام فیصلے میرٹ اور عمران خان کی مرضی سے ہوتے ہیں۔
انہوں نے بتایا کہ علی امین نے مشکل وقت میں عہدہ سنبھالا اور فرنٹ سے لیڈ کیا۔ وزیراعلیٰ کی ذمہ داریاں اور پارٹی کو وقت دینا مشکل ہوتا تھا اسی وجہ سے عمران خان نے جنید اکبر کو صوبائی صدر مقرر کردیا۔ ’اب جنید اکبر پارٹی کے صوبائی صدر ہیں، اور عمران خان کا فیصلہ سب کو قبول ہے۔‘
یہ بھی پڑھیں وزیراعلیٰ ہاؤس پشاور میں پی ٹی آئی کارکنان مشتعل، ’ورکر کو عزت دو‘ کے نعرے
شیخ وقاص اکرم نے بتایا کہ پارٹی میں اختلافات ہوتے ہیں لیکن جب عمران خان کا فیصلہ آتا ہے تو سب یک زبان ہوکر اس پر عمل کرتے ہیں اور مانتے بھی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بشریٰ بی بی پارٹی معاملات پی ٹی آئی اختلافا تنظیم سازی جنید اکبر صوبائی صدارت صوبائی کابینہ عاطف خان گروپ علی امین گنڈاپور عمران خان وزارت اعلٰی وی نیوز
یہ ہم کیوں نہیں کر سکتے؟