لائنز ایریا میں علاقائی سطح پر کمیٹی تشکیل دی جا ئے‘ایس ایس پی ایسٹ
اشاعت کی تاریخ: 29th, January 2025 GMT
کراچی ( اسٹاف رپورٹر )لائنز ایریا میں علاقائی سطح پر ایک کمیٹی تشکیل دی جا ئے تاکہ علاقے کے مسائل افہام وتفہیم سے حل کیے جاسکیں اور کوئی ناخوشگوار واقعہ پیش نہ آسکے۔ تفصیلات کے مطابق ایس پی آفس جمشید ڈویژن میں ایک اہم میٹنگ منعقد کی گئی۔میٹنگ کی صدارت ایس ایس پی ایسٹ کی ہدایت پر ایس پی جمشید ڈویڑن عمیر طارق بجاری کررہے تھے۔میٹنگ میں ایس ایچ او بریگیڈ، کے الیکٹرک کی ڈی جی ایم کلثوم صاحبہ، ڈپٹی مینیجر تہزیب کاظمی اور اہلِ علاقہ کے معززین شامل تھے۔تھانہ بریگیڈ کے علاقے لائنز ایریا میں حالیہ دنوں کے الیکٹرک اور اہلِ علاقہ کے درمیان ناخوشگوار واقع پیش آیا، کے الیکٹرک کے عملے کی جانب سے کنڈے ہٹانے پر کشیدگی پیدا ہوئی جس کے نتیجے میں مشتعل افراد نے کے الیکٹرک کے عملے پر تشدد کیا۔ایس پی جمشید ڈویژن نے کے الیکٹرک اور اہلِ علاقہ کے تحفظات کو دور کرنے کی یقین دہانی کرائی اور ہدایت دی ۔
.ذریعہ: Jasarat News
کلیدی لفظ: کے الیکٹرک ایس پی
پڑھیں:
موٹرویز کے گرد حفاظتی باڑ کے معاملے پر تحقیقاتی کمیٹی تشکیل
اسلام آباد/لاہور(صباح نیوز)وفاقی وزیر مواصلات، نجکاری اور سرمایہ کاری بورڈ عبدالعلیم خان کی زیر صدارت نیشنل ہائی وے اتھارٹی کے اعلیٰ سطحی اجلاس میں موٹرویز کے گرد حفاظتی باڑ کے معاملے پر تحقیقاتی کمیٹی تشکیل دے دی گئی جو 10دن میں انکوائری رپورٹ پیش کرے گی۔ وفاقی وزیر مواصلات عبدالعلیم خان نے اجلاس کی صدارت کرتے ہوئے کہا کہ سکھر سے حیدر آباد موٹروے ایم6کی تعمیر ان کی اولین ترجیح ہے جسے کراچی تک بنایا جائے گا۔ انہوں نے کہا کہ 6ماہ کے عرصے میں نیشنل ہائی وے اتھارٹی کے ریونیو میں ہونے والا 50ارب
روپے کا اضافہ ڈپازٹ اکاؤنٹ ہوگا، یہ فنڈز ضائع نہیں کرنے دیں گے اور یہ پیسہ ان منصوبوں پر استعمال ہو گا جہاں سے مزید ریونیو حاصل ہو سکے۔ وفاقی وزیر عبدالعلیم خان نے مزید کہا کہ 60سے110ارب روپے تک ریونیو کو لے کر جانا قابل ستائش کامیابی ہے اور و ہ آئندہ 5برسوں میں این ایچ اے کے محصولات میں 400ارب روپے کا مزید اضافہ کرنا چاہتے ہیں اور اگر جون تک ریونیو کا طے شدہ ہدف حاصل ہو گیا تو این ایچ اے کے تمام ملازمین کو ایک تنخواہ کے برابر اضافی بونس ملے گا۔نیشنل ہائی وے اتھارٹی کے منصوبوں کا جائزہ لیتے ہوئے وفاقی وزیر مواصلات عبدالعلیم خان نے اس امر کا اظہار کیا کہ سیالکوٹ سے کھاریاں اور راولپنڈی موٹروے کو 4کی بجائے6لین بنانے کا فیصلہ کر لیا گیا ہے جس کے لئے کام جلد شروع ہو جائے گا۔ انہوں نے موٹرویز پر مرمت کے کام کو فروری میں مکمل کرنے اور وفاقی سیکرٹری مواصلات کو موقع پر معائنہ کرنے کی ہدایت کی۔وفاقی وزیر مواصلات کی ہدایت پر نیشنل ہائی وے اتھارٹی کی ملکیت خالی جگہوں کے کمرشل استعمال کے لئے کمیٹی کے قیام کا فیصلہ کیا گیا جس کی سفارشات کی روشنی میں اس پراپرٹی کو ریونیو بڑھانے کیلئے استعمال کیا جائے گا۔ وفاقی وزیر عبدالعلیم خان نے واضح کیا کہ کوئی پسند یا نہ پسند نہیں ہوگی، نیشنل ہائی وے اتھارٹی ہر کام میرٹ پر یقینی بنائے اور سب کے لئے ایک جیسی پالیسی پر عملدرآمد کر کے اس ادارے کو ہر حال میں اپنے فنڈز جنریٹ کرنا ہیں۔ اس اعلیٰ سطحی اجلاس میں وفاقی سیکرٹری مواصلات اور چیئرمین این ایچ اے نے مختلف جاری منصوبوں پر بریفنگ دی جس میں بتایا گیا کہ پاکستان کے قومی روڈ نیٹ ورک کو جدید خطوط پر استوار کرنے کے لئے کئی ایک منصوبے زیر تکمیل ہیں جن پر کام کی رفتار کو مزید تیز کیا جا رہا ہے۔اجلاس میں چاروں صوبوں میں اہم منصوبوں کی تکمیل پر ان کا افتتاح وزیر اعظم سے کرانے کا فیصلہ کیا گیا جبکہ اس سے پہلے وفاقی وزیر مواصلات عبدالعلیم خان خود موقع پر معائنہ بھی کریں گے۔
یوتھ ایسوسی ایشن آف پاکستان کے وفد کا حریت کانفرنس آزاد کشمیر شاخ کے دفتر کا دورہ