صدر ٹرمپ نے 300 سے زائد ایگزیکٹو آرڈر جاری کئے، ترجمان وائٹ ہاؤس
اشاعت کی تاریخ: 29th, January 2025 GMT
وائٹ ہاؤس کی نئی ترجمان کا اپنی پہلی نیوز بریفنگ میں کہنا تھا کہ صدر ٹرمپ چینی ایپ ڈیپ سیک کو خطرے کی گھنٹی سمجھتے ہیں۔ انکا کہنا تھا کہ صدر ٹرمپ چاہتے ہیں کہ امریکا کو مصنوعی ذہانت کے میدان میں آگے ہونا چاہیئے۔ اسلام ٹائمز۔ وائٹ ہاؤس کی نئی ترجمان کیرولین لیویٹ نے بتایا کہ امریکی صدر ڈونلڈ ٹرمپ نے 300 سے زائد ایگزیکٹو آرڈر جاری کئے ہیں۔ وائٹ ہاؤس کی نئی ترجمان کیرولین لیویٹ نے پہلی نیوز بریفنگ میں بتایا کہ جنوبی سرحد پر ہنگامی حالت نافذ کرنے کا مقصد غیر قانونی تارکین وطن کو روکنا ہے، ہمارے ایکشن کے بعد غیر قانونی تارکین وطن دوبارہ امریکا آنے کیلئے سوچیں گے۔ ترجمان وائٹ ہاؤس کا مزید کہنا تھا کہ صدر ٹرمپ نے مہنگائی سے نمٹنے کیلئے ضروری اقدامات کئے ہیں، وفاقی ادارے کے فنڈز روکنے کا اقدام عارضی ہے، صدر ٹرمپ چینی ایپ ڈیپ سیک کو خطرے کی گھنٹی سمجھتے ہیں۔ ان کا کہنا تھا کہ صدر ٹرمپ چاہتے ہیں کہ امریکا کو مصنوعی ذہانت کے میدان میں آگے ہونا چاہیئے۔
.ذریعہ: Islam Times
کلیدی لفظ: کہنا تھا کہ صدر ٹرمپ وائٹ ہاؤس
پڑھیں:
امریکی صدر نے فوج میں تنوع، مساوات اور شمولیت سے متعلق ایگزیکٹو آرڈرز پر دستخط کر دیے
امریکی صدر نے فوج میں تنوع، مساوات اور شمولیت سے متعلق ایگزیکٹو آرڈرز پر دستخط کر دیے WhatsAppFacebookTwitter 0 28 January, 2025 سب نیوز
نیویارک (سب نیوز )امریکی صدر ڈونلڈ ٹرمپ نے فوج سے تنوع، مساوات اور شمولیت (ڈی ای آئی) ختم کے لیے متعدد ایگزیکٹو آرڈرز پر دستخط کر دیے، جس کے تحت ان ہزاروں فوجیوں کو بحال کر دیاجائے گا، جنہیں کووڈ-19 کی ویکسین لگوانے سے انکار کرنے پر نکال دیا گیا تھا، اسی طرح حکم نامے میں ٹرانس جینڈر فوجیوں کو نشانہ بنایا گیا ہے۔غیر ملکی خبر رساں ادارے رائٹرز کی رپورٹ کے مطابق ڈونلڈ ٹرمپ نے میامی سے واپس واشنگٹن جاتے ہوئے ان ایگزیکٹو آرڈرز پر دستخط کیے۔
ایک ایگزیکٹو آرڈرز میں کہا گیا ہے کہ پیدائش کے وقت کسی فرد کی جنس سے مختلف جنسی شناخت کا اظہار فوجی معیارات پر پورا نہیں اترتا۔اس حکم نامے میں بنیادی سوالات کا جواب نہیں دیا گیا، جس میں یہ بھی شامل ہے کہ کیا فوج میں اس وقت خدمات انجام دینے والے ٹرانس جینڈر فوجیوں کو برقرار رکھا جائے گا، اگر نہیں، تو انہیں کیسے ہٹایا جائے گا۔
ٹرانس جینڈر کی اصطلاح کا مطلب یہ ہے کہ کسی شخص کی جنس پیدائش کے وقت اندراج کروائی گئی جنس سے مختلف ہو، مثال کے طور پر پیدائش کے وقت کسی کا اندراج بطور خاتون کیا گیا ہو، تاہم بعد میں اسے مرد قرار دیا جائے۔واضح رہے کہ ڈونلڈ ٹرمپ نے حلف اٹھانے کے بعد کی گئی تقریر میں اعلان کیا تھا کہ اب سے امریکی حکومت صرف دو ہی صنفوں مرد اور عورت کو قبول کرے گی، کوئی تیسری صنف قبول نہیں ہوگی۔
امریکی صدر کے منصوبوں پر قانونی گروپوں کی طرف سے شدید تنقید کی گئی، جن کا کہنا تھا کہ ان کے اقدامات غیر قانونی ہوں گے۔امریکی محکمہ دفاع کے اعداد و شمار سے پتا چلتا ہے کہ فوج کے پاس تقریبا 13 لاکھ فعال اہلکار ہیں، جبکہ ٹرانس جینڈر کے حقوق کے حامیوں کا کہنا ہے کہ 15 ہزار کے قریب ٹرانس جینڈر افراد اس میں کام کرتے ہیں۔فوج میں ڈی ای آئی ختم کرنے کے حوالے سے ڈونلڈ ٹرمپ کے ایگزیکٹو آرڈر میں کہا گیا ہے کہ سروس اکیڈمیوں کو یہ سکھانے کی ضرورت ہوگی کہ امریکا انسانی تاریخ میں بھلائی کے لیے سب سے طاقتور طاقت ہیں۔
ڈونلڈ ٹرمپ نے ایک ایگزیکٹو آرڈر پر بھی دستخط کیے جس میں امریکی آئرن ڈوم تیار کرنے کے عمل کو لازمی قرار دیا گیا۔شارٹ رینج آئرن ڈوم ایئر ڈیفنس سسٹم کو اسرائیل کے رافیل ایڈوانسڈ ڈیفنس سسٹم نے امریکی حمایت سے بنایا تھا اور اسے اسرائیل کی طرف داغے جانے والے راکٹوں کو روکنے کے لیے بنایا گیا تھا۔ یہ نظام اس بات کا تعین کرتا ہے کہ آیا کوئی راکٹ آبادی والے علاقے کو نشانہ بنانے کے لیے جا رہا ہے، اگر نہیں، تو راکٹ کو نظر انداز کر دیا جاتا ہے اور اسے گرنے دیا جاتا ہے، اس طرح کی کسی بھی کوشش کو امریکا میں نافذ ہونے میں برسوں لگیں گے۔
یہ ہم کیوں نہیں کر سکتے؟