امارات میں شعبان کا چاند 31 جنوری کو نظر آنے کا امکان
اشاعت کی تاریخ: 28th, January 2025 GMT
ابوظبی:متحدہ عرب امارات میں شعبان کا چاند 31 جنوری 2025 کو نظر آنے کا قوی امکان ہے۔
اماراتی حکام نے اعلان کیا ہے کہ شعبان کا مہینہ31 جنوری بروز جمعہ سے شروع ہونے کا امکان ظاہر کیا جا رہا ہے۔ اس سلسلے میں فلکیات کے اماراتی مرکز نے مائیکرو بلاگنگ ویب سائٹ ایکس (سابقہ ٹوئٹر) پر پیغام جاری کیا ہے کہ 29 رجب کو چاند نظر نہیں آ سکے گا، اس لیے رجب کا مہینہ 30 دنوں پر مشتمل ہوگا۔
مرکز فلکیات کے مطابق 30 جنوری کو چاند کو کھلی آنکھوں سے دنیا کے بیشتر مسلم ممالک بشمول جنوبی یورپ، افریقا اور امریکا میں دیکھا جا سکے گا۔
اس طرح سے متحدہ عرب امارات اور دیگر خلیجی ممالک میں یکم شعبان 31 جنوری کو ہوگی اور رمضان کا چاند 28 فروری کو نظر آنے کا امکان ہے۔
.ذریعہ: Jasarat News
پڑھیں:
پیٹرول اور ڈیزل کی قیمتوں میں ایک بار پھر اضافے کا امکان
اسلام آباد(نیوز ڈیسک) یکم فروری سے پیٹرولیم مصنوعات کی قیمتوں میں مزید اضافے کا امکان ظاہر کیا گیا ہے۔میڈیا رپورٹس کے مطابق یکم فروری سے ڈیزل کی قیمت میں 6 روپے فی لیٹر اور پیٹرول کی قیمت میں 3روپے فی لیٹر اضافہ ہوسکتا ہے۔یاد رہے کہ حکومت نئے سال کے پہلے ماہ کے دوران دو مرتبہ پیٹرولیم مصنوعات کی قیمتوں میں اضافہ کر چکی ہے۔
حکومت نے یکم جنوری سے 15 جنوری 2025 کے لیے پیٹرول کی قیمت میں 3 روپے 47 پیسے فی لیٹر اضافہ کیا تھا جبکہ 16 جنوری سے 31 جنوری کے لیے پیٹرول کی قیمت میں 56 پیسے کا اضافہ کیا گیا تھا۔اس کے علاوہ ڈیزل کی قیمت میں 2 روپے 96 پیسے اور 2 روپے 61 پیسے اضافہ بھی کیا گیا تھا۔
سندھ حکومت کا طلبہ کو دوپہر کا کھانا مفت دینے کا فیصلہ
چین کا بحری سلک روٹ، ٹرمپ اور ہم