بلدیاتی انتخابات کی تیاریاں جلد مکمل کی جائیں، گورنر گلگت بلتستان
اشاعت کی تاریخ: 28th, January 2025 GMT
چیف الیکشن کمشنر راجہ شہباز خان نے سید مہدی شاہ کو بلدیاتی انتخابات کی تیاریوں کے حوالے سے تفصیلی بریفنگ دی اور کہا کہ وارڈز اور حلقہ بندیوں کے عمل کو مکمل کرنے کیلئے کام جاری ہے اور بلدیاتی نشستوں پر کام مکمل کیا جا رہا ہے۔ اسلام ٹائمز۔ گورنر گلگت بلتستان سید مہدی شاہ سے چیف الیکشن کمشنر گلگت بلتستان راجہ شہباز خان نے ملاقات کی اور بلدیاتی انتخابات کے حوالے سے تفصیلی بریفنگ دی۔ اس موقع پر گورنر سید مہدی شاہ نے چیف الیکشن کمشنر کو ہدایت کی کہ بلدیاتی انتخابات کی تمام تر تیاریاں جلد مکمل کی جائیں اور شفاف انتخابی عمل کو یقینی بنایا جائے۔ چیف الیکشن کمشنر راجہ شہباز خان نے سید مہدی شاہ کو بلدیاتی انتخابات کی تیاریوں کے حوالے سے تفصیلی بریفنگ دی اور کہا کہ وارڈز اور حلقہ بندیوں کے عمل کو مکمل کرنے کیلئے کام جاری ہے اور بلدیاتی نشستوں پر کام مکمل کیا جا رہا ہے۔ گلگت بلتستان میں بلدیاتی انتخابات کو شفاف طریقے سے عمل میں لایا جائے گا اور تیاریاں مکمل ہوتے ہی بلدیاتی انتخابات کی تاریخ کا اعلان کیا جائے گا۔ الیکشن کمیشن گلگت بلتستان نے ہمیشہ صاف شفاف طریقے سے انتخابات کرانے کا عمل احسن طریقے سے مکمل کیا ہے اور رواں سال بلدیاتی انتخابات بھی شفاف طریقے سے کرائے جائیں گے۔
.ذریعہ: Islam Times
کلیدی لفظ: بلدیاتی انتخابات کی چیف الیکشن کمشنر گلگت بلتستان سید مہدی شاہ مکمل کی
پڑھیں:
گلگت بلتستان کے اسپتالوں کی صفائی کے لیے ویسٹ منیجمنٹ سے معاہدہ طے پاگیا
گلگت بلتستان کے بڑے ہسپتالوں کی صفائی کے حوالے سے محکمہ صحت گلگت بلتستان اور ویسٹ مینجمنٹ اتھارٹی کے درمیان ایک معاہدہ طے پایا گیا ہے۔
اس معاہدے کے تحت گلگت بلتستان کے بڑے اسپتالوں میں صفائی اور ویسٹ مینجمنٹ کی تمام ذمہ داریاں ویسٹ مینجمنٹ اتھارٹی کے حوالے کر دی گئی ہیں۔ ان ہسپتالوں میں پی ایچ کیو گلگت، شہید سیف الرحمان ہسپتال گلگت، آر ایچ کیو ہسپتال سکردو، کارڈیئک ہسپتال گلگت اور آر ایچ کیو ہسپتال چلاس شامل ہیں۔
ویسٹ مینجمنٹ اتھارٹی اس معاہدے کے بعد گلگت بلتستان کے اسپتالوں میں محکمہ صحت کے تعاون سے صفائی کے حوالے سے خدمات فراہم کرے گی۔
یہ بھی پڑھیے:گلگت بلتستان: کوہ پیماؤں نے پہاڑوں پر ٹنوں کے حساب سے کچرا چھوڑ دیا
ویسٹ مینجمنٹ کے انچارج ذوہیب ایوب کے مطابق، گلگت شہر میں روزانہ تقریباً 60 سے 70 ٹن کچرا جمع کیا جاتا ہے اور سٹی ایریا میں روزانہ صفائی کی جاتی ہے، جبکہ دیگر علاقوں میں یہ صفائی ہفتے میں ایک یا دو بار کی جاتی ہے۔ گلگت بلتستان میں اس وقت ویسٹ مینجمنٹ کے پاس 216 گاڑیاں ہیں، جن میں ڈمپر، ٹریکٹرز، بڑی اور چھوٹی گاڑیاں شامل ہیں، اور مجموعی طور پر 503 افراد پر مشتمل عملہ اس کام میں مصروف ہے۔
ویسٹ مینجمنٹ اتھارٹی گلگت، اسکردو، چلاس، ہنزہ، گاہکوچ، استور، نگر، دنیور، جگلوٹ، اور سوست میں اپنے خدمات فراہم کر رہی ہے۔ ان علاقوں میں گلگت شہر میں 46 گاڑیاں، اسکردو میں 37، چلاس میں 13، ہنزہ میں 11، گاہکوچ میں 9، استور میں 8، نگر میں 5، دنیور میں 11، جگلوٹ میں 5 اور سوست میں 3 گاڑیاں شامل ہیں۔
یہ بھی پڑھیے:سائنسدانوں کو ماحولیاتی آلودگی پر قابو پانے کا طریقہ مل گیا
اس کے علاوہ، روزانہ کی بنیاد پر مختلف علاقوں سے کچرا اٹھایا جاتا ہے، گلگت سے 87 ٹن، اسکردو سے 62 ٹن، چلاس سے 24 ٹن، ہنزہ سے 15 ٹن، گاہکوچ سے 14 ٹن، استور سے 8 ٹن، نگر سے 7 ٹن، دنیور سے 36 ٹن، جگلوٹ سے 4 ٹن، اور سوست سے 2 ٹن کچرا روزانہ اٹھایا جاتا ہے۔
ویسٹ مینجمنٹ اتھارٹی نے گلگت شہر میں کچرا ٹھکانے لگانے کے لیے 80 کنال اراضی خریدی ہے، جہاں کچرے کو دفن کیا جاتا ہے تاکہ فضائی آلودگی کو کم کیا جا سکے۔ پہلے کچرا جلایا جاتا تھا جس سے فضائی آلودگی پیدا ہوتی تھی، لیکن اب کچرے کو لینڈ فِل سسٹم کے تحت زمین میں دفن کیا جا رہا ہے۔
ویسٹ مینجمنٹ کے انچارج کا کہنا ہےکہ صفائی کے عمل میں عوام کا تعاون ضروری ہے۔ کچھ علاقوں کے لوگ صفائی میں تعاون کرتے ہیں، لیکن بعض اوقات لوگ اپنے علاقے کی صفائی کے بعد کچرا باہر پھینک دیتے ہیں۔ عوام کو چاہیے کہ وہ اپنے علاقے کی صفائی کے بعد کچرا مناسب طریقے سے ایک بیگ یا شاپر میں ڈال کر متعین کردہ جگہ پر رکھیں تاکہ صفائی کا عملہ اسے ٹھکانے لگائے۔ ان کا کہنا ہے کہ صفائی ہمارا دینی و سماجی فرض ہے اور ہر فرد کو اپنے محلے کی صفائی کی اہمیت کا شعور ہونا چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
gilgit hospitals waste managment اسپتال گلگت ویسٹ منیجمنٹ گلگت بلتستان
یوتھ ایسوسی ایشن آف پاکستان کے وفد کا حریت کانفرنس آزاد کشمیر شاخ کے دفتر کا دورہ