پیکا ایکٹ کیخلاف لاہور کی صحافی برادری سراپا احتجاج، ایکٹ واپس لینے کا مطالبہ
اشاعت کی تاریخ: 28th, January 2025 GMT
احتجاج میں اپوزیشن لیڈر پنجاب اسمبلی ملک احمد خان بھچر کا کہنا تھا کہ پسند اور ناپسند کی بنیاد پر صحافیوں سے دوہرا سلوک روا رکھا جاتا ہے، بانی پی ٹی آئی پوری نسل کی جنگ لڑ رہے ہیں۔ رہنما تحریک انصاف عالیہ حمزہ نے کہا کہ جنون اور نظریے کو کبھی بھی قید نہیں کیا جا سکتا، پیکا ایکٹ اس لیے لایا گیا کہ میڈیا عوام کی آواز نا بنے۔ اسلام ٹائمز۔ پیکا ایکٹ کیخلاف لاہور میں پنجاب اسمبلی کے سامنے چیئرنگ کراس پر پنجاب یونین آف جرنلسٹس کا احتجاجی مظاہرہ کیا گیا۔ اپوزیشن لیڈر پنجاب اسمبلی ملک احمد خان بھچر سمیت سیاسی، سماجی شخصیات، وکلاء اور صحافی برادری نے شرکت کی۔ پیکا ایکٹ کیخلاف احتجاجی مظاہرے میں صدر پی ایف یو جے جی ایم جمالی، جنرل سیکرٹری رانا عظیم، صدر پنجاب یونین آف جرنلسٹس میاں شاہد، صدر ایمرا آصف بٹ سمیت سیاسی رہنماوں اور وکلاء برادری نے بھی شرکت کی۔ احتجاج میں اپوزیشن لیڈر پنجاب اسمبلی ملک احمد خان بھچر کا کہنا تھا کہ پسند اور ناپسند کی بنیاد پر صحافیوں سے دوہرا سلوک روا رکھا جاتا ہے، بانی پی ٹی آئی پوری نسل کی جنگ لڑ رہے ہیں۔ رہنما تحریک انصاف عالیہ حمزہ نے کہا کہ جنون اور نظریے کو کبھی بھی قید نہیں کیا جا سکتا، پیکا ایکٹ اس لیے لایا گیا کہ میڈیا عوام کی آواز نا بنے۔
سینئر صحافی اور سیکرٹری جنرل پی ایف یو جے رانا عظیم نے کہا کہ آج سے ایک نئی جنگ کا آغاز ہو گیا ہے، اگر پیکا ایکٹ واپس نہ لیا گیا تو 14 فروری کو اسلام آباد پارلیمنٹ ہاوس جائیں گے۔ مال روڈ پر احتجاج کے بعد پنجاب اسمبلی کے مین گیٹ کے باہر پیکا ایکٹ کیخلاف شدید نعرے بازی کی گئی۔ بعد لاہور پریس کلب میں بھی صحافیوں نے احتجاجی مظاہرہ کیا۔ صحافیوں کی بڑی تعداد احتجاجی مظاہرے میں شریک ہوئی۔ صحافیوں نے ہاتھوں میں پوسٹر اٹھا کر حکومت کیخلاف نعرے بازی کی۔ احتجاج میں اپوزیشن لیڈر پنجاب اسمبلی ملک احمد خان بچھڑ بھی موجود تھے۔ پی ایف یو جے اور سول سوسائٹی کے لوگ بھی احتجاج میں شامل ہوئے۔ کسان اتحاد اور لاہور بار ایسوسی ایشن کے نمائندوں نے بھی شرکت کی۔ پارلیمانی لیڈر پی ٹی آئی پنجاب اسمبلی علی امتیاز وڑائچ بھی احتجاج میں شریک تھے۔
ڈائریکٹر نیوز ایسوسی ایشن کے عہدیدار، ینگ ڈاکٹرز ایسوسی ایشن کے نمائندے، پنجاب ٹیچرز ایسوسی ایشن کے نمائندے بھی صحافی برادری کیساتھ اظہار یکجہتی کیلئے احتجاج میں شریک ہوئے۔ صحافیوں نے ہاتھوں میں کالے جھنڈے اٹھا رکھے تھے اور بازوں پر سیاہ پٹیاں باندھی ہوئی تھیں۔ اپوزیشن لیڈر ملک احمد خان بھچر نے خطاب کرتے ہوئے کہا کہ اس ایکٹ کے بعد ایک نئی شق یہ ہے کہ سوشل میڈیا پروڈکشن انڈر ریگولیٹ کی اتھارٹی قائم ہوگی، صحافیوں کیخلاف یہ ایکٹ پاس کرتے ہوئے آپ کو شرم آنی چاہیے، جعلی مینڈیٹ جس کو ملتا ہے وہ اس طرح کی ہتھکنڈے استعمال کرتے ہیں، جب ہمارے اوپر گولیاں چلائی گئی اس وقت یہ ایکٹ پاس ہو رہا تھا۔
ذریعہ: Islam Times
کلیدی لفظ: پیکا ایکٹ کیخلاف ایسوسی ایشن کے کہا کہ
پڑھیں:
پیکا ایکٹ کے خلاف احتجاج، صدر نے صحافیوں کو اعتماد میں لینے تک بل پر دستخط روک دیے
اسلام آباد:پارلیمانی رپورٹر نے پیکا ایکٹ کے خلاف مولانا فضل الرحمان کے ذریعے صدر مملکت تک اپنی آواز پہنچادی، صدر نے صحافیوں کو اعتماد میں لینے تک بل پر دستخط روک دیے۔
ایکسپریس نیوز کے مطابق متنازع پیکا ترمیمی بل کے خلاف احتجاج رنگ لانے لگا، پیکا ایکٹ کے خلاف پارلیمانی رپورٹر ایسوسی ایشن نے جے یو آئی کے سربراہ مولانا فضل الرحمان کے ذریعے صدر مملکت آصف علی زرداری سے رابطہ کیا، مولانا فضل الرحمان نے پارلیمانی رپورٹرز کے تحفظات صدر مملکت تک پہنچا دیئے۔
ذرائع کا کہنا ہے کہ صدر مملکت نے مولانا فضل الرحمن کی درخواست پر بل کچھ وقت کے لیے روک لیا، صدر مملکت آصف علی زرداری نے پی آر اے کی پیکا ترمیمی بل پر فوری دستخط نہ کرنے کی درخواست مان لی۔
ذرائع کا کہنا ہے کہ مولانا فضل الرحمان نے صدر پارلیمانی رپورٹرز کو صدر مملکت سے رابطے کے بارے میں آگاہ کردیا۔
ذرائع کے مطابق پیکا ایکٹ پر دستخط سے قبل وزیر داخلہ اور صحافتی تنظیموں کی ملاقات پر غور جاری ہے، وزیر داخلہ محسن نقوی اور پارلیمانی رپورٹرز کے درمیان جلد ملاقات متوقع ہے۔
واضح رہے کہ پی آر اے وفد نے کل جے یو آئی ف کے سربراہ مولانا فضل الرحمان سے پیکا ایکٹ پر صدر مملکت سے بات کی درخواست کی تھی۔
یوتھ ایسوسی ایشن آف پاکستان کے وفد کا حریت کانفرنس آزاد کشمیر شاخ کے دفتر کا دورہ