امریکی سرمایہ کار وفد پاکستان میں: اہم معاہدے طے پاگئے
اشاعت کی تاریخ: 28th, January 2025 GMT
اسلام آباد:امریکا کا اعلیٰ سطح سرمایہ کار وفد اس وقت پاکستان کے دورے پر ہے، جس نے پاکستان کے ساتھ متعدد معاہدوں پر دستخط کیے ہیں۔
نجی ٹی وی کی رپورٹ میں ذرائع کے حوالے سے بتایا گیا ہے کہ یہ وفد دو روزہ اہم دورے پر پاکستان آیا ہے، جس کی قیادت ٹیکساس ہیج فنڈ کے منیجر اور ٹرمپ فیملی کے قریبی کاروباری شراکت دار جینٹری بیچ کر رہے ہیں۔
اقتصادی ماہرین کا کہنا ہے کہ نئی امریکی حکومت کے اقتدار میں آنے کے بعد اس وفد کا پاکستان کا دورہ ایک سنگ میل ثابت ہوا ہے۔ اس دورے کی بدولت دونوں ممالک کے درمیان معاشی تعلقات کی مزید ترقی اور سرمایہ کاری کے نئے امکانات کھلیں گے۔
امریکی سرمایہ کار وفد کا پاکستان میں قیام نہ صرف کئی اہم معاہدوں کی بنیاد رکھے گا بلکہ اس سے دونوں ممالک کے درمیان اقتصادی تعلقات میں مزید مضبوطی آئے گی۔ جینٹری بیچ کی پاکستان آمد کو ایک اہم سفارتی کامیابی سمجھا جا رہا ہے۔ جینٹری بیچ امریکی صدر ٹرمپ کے قریبی ساتھی ہیں اور وہ ٹرمپ کے انتخابی مہم میں بھی فعال کردار ادا کر چکے ہیں۔
ذرائع کے حوالے سے رپورٹ میں بتایا گیا ہے کہ یہ وفد نئی امریکی حکومت کے اقتدار میں آنے کے بعد پاکستان کا پہلا دورہ کررہا ہے، جو دونوں ممالک کے درمیان معاشی تعلقات کو مزید مستحکم کرنے کے لیے ایک اہم قدم ہے۔ جینٹری بیچ نے اس دوران پاکستان کے عوام کی دہشت گردی کے خلاف جنگ میں دی جانے والی قربانیوں کا بھی اعتراف کیا۔
انہوں نے مزید کہا ہے کہ پاکستان کے عوام امریکا کے ساتھ مثبت شراکت داری کی خواہش رکھتے ہیں اور انہوں نے صدر ٹرمپ پر زور دیا کہ دونوں ممالک کے تعلقات کو مزید مستحکم اور باہمی تعاون پر مبنی بنایا جائے۔
.ذریعہ: Jasarat News
کلیدی لفظ: دونوں ممالک کے پاکستان کے جینٹری بیچ
پڑھیں:
امریکی وفد کی پاکستان آمد، سرمایہ کاری کے کئی معاہدوں پر دستخط
امریکا کا اعلیٰ سطحی سرمایہ کاری وفد 2 روزہ اہم دورے پر پاکستان پہنچ گیا ہے، وفد کی قیادت ٹیکساس ہیج فنڈ کے مینیجر اور ٹرمپ خاندان کے قریبی بزنس پارٹنر جینٹری بیچ کر رہے ہیں۔
ذرائع کے مطابق نئی امریکی حکومت کے اقتدار سنبھالتے ہی سرمایہ کاروں کے وفد کی پاکستان آمد انتہائی اہمیت کی حامل ہے، امریکی وفد کے دورہ پاکستان سے دونوں ممالک کے درمیان مختلف شعبوں میں سرمایہ کاری، معاشی اور دو طرفہ تعلقات کی نئی راہیں کھلیں گی۔
یہ بھی پڑھیں: امریکا میں مقیم پاکستانیوں کا ملک میں 44 ملین ڈالر کی سرمایہ کاری کا اعلان
ذرائع کے مطابق دورہ کے دوران پاکستان اور امریکا کے درمیان سرمایہ کاری کے کئی معاہدوں پر بھی دستخط کیے گئے ہیں، وفد میں شامل اراکین بالخصوص جینٹری بیچ کی پاکستان آمد ایک بڑی سفارتی کامیابی ہے۔
جینٹری بیچ ٹرمپ خاندان کے انتہائی قریبی ساتھی اور صدر ٹرمپ کے گزشتہ انتخابی مقابلوں میں پیش پیش رہے ہیں، نئی امریکی حکومت آنے کے بعد کسی بھی امریکی وفد کا یہ پاکستان کا پہلا دورہ ہے۔
مزید پڑھیں: محسن نقوی کی امریکی کمپنیوں کو ملک میں سرمایہ کاری کی دعوت
سفارتی ذرائع کے مطابق نئی امریکی حکومت قائم ہونے کے کچھ ہی دن بعد امریکی سرمایہ کاری وفد کی پاکستان آمد دونوں ملکوں کے درمیان معاشی دو طرفہ تعلقات آگے بڑھانے کی طرف ایک اہم قدم ہے۔
جینٹری بیچ نے گزشتہ دنوں مار اے لاگو میں صدارتی انتخابات کے بعد ایک تقریب کے دوران پاکستان کوزبردست خراج تحسین پیش کرتے ہوئے کہا کہا تھا کہ پاکستان کے لوگوں نے دہشتگردی کیخلاف جنگ میں بہت قربانیاں دی ہیں، ہزاروں لوگ دہشتگردی کی نذر ہو گئے ہیں۔
مزید پڑھیں: پاکستان کے ساتھ تجارت اور سرمایہ کاری بڑھانے کو اولین ترجیح بنا لیا، امریکی سفیر کا الوداعی پیغام
جینٹری بیچ کے مطابق پاکستان ایک حیرت انگیز ملک ہے، یہاں کا ماحول امریکی صدر ٹرمپ کے لیے سازگار ہے، پاکستان کے عوام امریکا کے ساتھ مثبت شراکت داری اور اچھے دوست کے طور پریکساں شرائط پر کام کرنے کے خواہاں ہیں۔
جینٹری بیچ نے اپنے خطاب میں صدر ڈونلڈ ٹرمپ پر پاکستان اور امریکا کے تعلقات پہلے سے زیادہ مضبوط اور باہمی تعاون پر مبنی بنانے پر زور دیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا پاکستان جینٹری بیچ ڈونلڈ ٹرمپ شراکت داری
پاکستان کے کونسے 9 شہروں کے افراد کے بیرون ملک جانے پر کڑی نظر رکھی جائے گی؟