فری پلاٹس ؟؟؟عوام کے لیےبڑی خبر آگئی
اشاعت کی تاریخ: 28th, January 2025 GMT
عوام کو فری پلاٹ دینے کے حوالے سے بڑی خبر آگئی ، 3 سے 5 مرلہ کے پلاٹ ملیں گے۔
تفصیلات کے مطابق وزیراعلیٰ پنجاب مریم نواز کی ہدایت پر اپنی چھت اپنا گھر پروگرام منصوبے پر پیش رفت کا جائزہ لیا گیا۔عوام کو فری پلاٹ دینے کیلئے ٹی او آرز طے کرنے کیلئے 8 رکنی کمیٹی قائم کردی گئی ، مریم نواز کا فروری میں پنجاب میں 20 ہزار گھروں کی تعمیر کا ہدف ہے۔
وزیراعلیٰ نے پنجاب میں گھر بنانے کا ہدف پورا کرنے کا حکم دیتے ہوئے کہا سالانہ ایک لاکھ گھروں کی تعمیر کا ہدف ہرصورت پورا کیا جائے۔پنجاب کے 22 اضلاع میں 35 ہاؤسنگ اسکیمیں اور 2807 پلاٹوں کی ڈویلپمنٹ کا کام مکمل ہیں جبکہ 7 اضلاع میں 9 ہاؤسنگ اسکیمیں، 1119 پلاٹوں کی ڈویلپمنٹ کا عمل تیز کرنے کا حکم دیا۔
اس سلسلے میں وزیر اعلیٰ پنجاب مریم نوازکی زیر صدارت خصوصی اجلاس ہوا، جس میں بریفنگ کے دوران بتایا گیا[9015مکانوں کی تعمیرکیلئے8ارب20کروڑ روپےکےقرضے جاری کئے، 2050 افراد کو مکانات کی تعمیرات کیلئے قرض کی دوسری قسط بھی مل گئی ہے اور اپنی چھت اپنا گھر پروگرام کے تحت 4841 گھر زیر تکمیل ہیں۔
خیال رہے زیراعلیٰ پنجاب مریم نواز شریف نے صوبے کے بے گھر اور مستحق خاندانوں کو مفت پلاٹ دینے کی اسکیم کا اعلان کیا تھا۔
.ذریعہ: Daily Ausaf
پڑھیں:
یہ ہم کیوں نہیں کر سکتے؟