راکھی ساونت پاکستان کے کونسے اداکار کے ساتھ شادی کرنے والی ہیں؟
اشاعت کی تاریخ: 28th, January 2025 GMT
بالی ووڈ کی اداکارہ و ڈانسر راکھی ساونت کا کہنا ہے کہ انہیں پاکستانی اداکار کی جانب سے شادی کی پیشکش کی گئی ہے جس پر وہ غور و فکر کر رہی ہیں۔
راکھی ساونت نے حال ہی میں ایک انٹرویو میں اپنی تیسری شادی کے امکانات کا اظہار کیا ہے۔ بھارتی میڈیا کو دیے گئے ایک حالیہ انٹرویو میں راکھی نے بتایا کہ انہیں پاکستان سے شادی کے کئی پروپوزلز موصول ہوئے ہیں، خاص طور پر ان کی سابقہ شادیوں میں پیش آنے والے تنازعات کے بعد۔
اداکارہ نے کہا کہ ’میں ضرور کسی ایک پیشکش کا انتخاب کروں گی۔ ایسے تعلقات دونوں ممالک کے درمیان امن کو فروغ دیتے ہیں‘۔ راکھی نے اس انٹرویو میں پاکستانی عوام کی تعریف کرتے ہوئے کہا کہ وہ ان سے بے حد محبت کرتی ہیں اور ان کے پاکستان میں بے شمار مداح ہیں۔
View this post on InstagramA post shared by ????????????????????????????_????????????????????????????????_ (@mahirabi_edits)
اپنی ممکنہ شادی کے حوالے سے راکھی نے انکشاف کیا کہ ان کے پاکستانی بوائ فرینڈ دودی خان، ایک اداکار اور پولیس افسر ہیں۔ انہوں نے مزید بتایا کہ شادی پاکستان میں اسلامی روایات کے مطابق ہوگی جبکہ ولیمہ بھارت میں ہوگا۔
راکھی نے مزید بتایا کہ ہنی مون کے لیے ان کا اور دودی خان کا سوئٹزرلینڈ یا نیدرلینڈز جانے کا منصوبہ ہے، اور دونوں دبئی میں مستقل رہائش اختیار کریں گے۔
یہاں یہ بات قابل ذکر ہے کہ دودی خان بھی اپنی انسٹااسٹوری میں راکھی کو ٹیگ کر کے ان کی ویڈیوز شیئر کر رہے ہیں اور کمنٹ میں راکھی سے بات چیت بھی کر رہے ہیں۔
یاد رہے کہ یہ راکھی کی تیسری شادی ہوگی اس سے پہلے وہ عادل خان درانی اور ریتیش راج سنگھ کے ساتھ رشتہ ازدواج میں منسلک رہ چکی ہیں، تاہم دونوں شادیاں ناکام ہوئیں۔
.ذریعہ: Express News
کلیدی لفظ: راکھی نے
پڑھیں:
اداکاری کے بعد باکسنگ! خوشحال خان نے حریف کو ناک آؤٹ کر کے مداحوں کے دل جیت لیے
پاکستانی اداکار خوشحال خان نے اداکاری کے بعد اب باکسنگ کی دنیا میں بھی اپنی موجودگی کا زبردست انداز میں اعلان کر دیا۔
لاہور میں منعقد ہونے والے ایک عالمی باکسنگ مقابلے میں خوشحال خان نے اپنی صلاحیتوں کا مظاہرہ کرتے ہوئے اپنے حریف بشر خان کو شکست دی۔
اس شاندار کامیابی پر خوشحال خان کی ویڈیوز اور تصاویر سوشل میڈیا پر تیزی سے وائرل ہو رہی ہیں، جس میں انہیں جیت کے بعد جشن مناتے دیکھا جا سکتا ہے۔
اس تاریخی لمحے پر خوشحال خان کے دوست اور ساتھی فنکار علی رضا اور سحر حیات بھی انہیں سپورٹ کرنے کے لیے موجود تھے۔ دونوں نے خوشحال کی فتح پر ان کے ساتھ خوشی منائی اور اس موقع کو یادگار بنایا۔
View this post on InstagramA post shared by Maliha Rehman (@maliharehman1)
اداکار کی اس کامیابی پر مداحوں کی جانب سے خوشحال خان کو زبردست داد دی جا رہی ہے۔
مداحوں کا کہنا ہے کہ خوشحال خان نے یہ ثابت کر دیا کہ وہ نہ صرف ایک شاندار اداکار ہیں بلکہ باکسنگ جیسے سخت کھیل میں بھی اپنی صلاحیتوں کا لوہا منوا سکتے ہیں۔
یوتھ ایسوسی ایشن آف پاکستان کے وفد کا حریت کانفرنس آزاد کشمیر شاخ کے دفتر کا دورہ