سر پر وزنی چیز گرنے سے بچی جاں بحق
اشاعت کی تاریخ: 28th, January 2025 GMT
کراچی کے علاقے لانڈھی میں سر پر وزنی چیز سے گرنے سے 6 سالہ بچی جاں بحق ہوگئی۔
ریسکیو ذرائع کے مطابق لانڈھی نمبر4 حنفیہ مسجد کے قریب واقع گھرمیں وزنی چیزسر پر گرنے سے کمسن بچی جاں بحق ہو گئی۔ بچی کی لاش کو قانونی کارروائی کے لیے جناح اسپتال منتقل کیا گیا۔ متوفیہ بچی کی شناخت 6 سالہ میما دختر عمران کے نام سے کی گئی۔
ریسکیو حکام کا کہنا ہے کہ ابتدائی معلومات کے مطابق بچی گھرمیں ڈیوائیڈر گرنے کے نتیجے میں دب کر جاں بحق ہوئی ہے۔ دوسری جانب پولیس کا کہنا ہے کہ واقعے کی مزید معلومات اکٹھا کی جا ہی ہیں۔
.ذریعہ: Express News
پڑھیں:
کراچی، سپر ہائی وے پر تیز رفتار گاڑی کی موٹر سائیکل کو ٹکر، ایک شخص جاں بحق، بھانجا زخمی
کراچی:سپرہائی وے پر تیز رفتار گاڑی کی ٹکر سے موٹرسائیکل سوار ایک شخص جاں بحق اور اس کا 9 سالہ بھانجہ زخمی ہوگیا ، متوفی کی 6 ماہ قبل شادی ہوئی تھی۔
تفصیلات کے مطابق سہراب گوٹھ کے علاقے سپر ہائی وے خان جی ریسٹورنٹ کے قریب نامعلوم گاڑی کی ٹکر سے موٹرسائیکل سوار ایک شخص جاں بحق اور 9 سالہ بچہ زخمی ہوگیا ، جاں بحق ہونے والے شخص کی لاش اور زخمی کو چھیپا ایمبولینس کے ذریعے عباسی شہید اسپتال منتقل کیا گیا۔
پولیس کے مطابق جاں بحق ہونے والے شخص کی شناخت 42 سالہ عدنان خان ولد سعید خان اور زخمی کی 9 سالہ عفان ولد عمیر کے نام سے کی گئی۔
مزید پڑھیں: کراچی: سپر ہائی وے پر ٹریفک حادثہ، نوجوان جاں بحق
جاں بحق ہونے والے شخص کے برادر نسبتی عمیر نے بتایا کہ متوفی عدنان فلیٹ نمبر B-7 ، عصمت کارنر بلاک 7 فیڈرل بی ایریا کا رہائشی تھا اور آن لائن ٹیکسی چلانے کا کام کرتا تھا ، متوفی کی 6 ماہ قبل شادی ہوئی تھی۔
انہوں نے بتایا کہ زخمی ہونے والا بچہ متوفی کا بھانجہ اور ان کا بیٹا ہے عفان ، انہوں نے بتایا کہ حادثہ کس گاڑی سے ہوا اس کے بارے میں نہ ان کا بیٹا عفان بتا رہا اور نہ اس سلسلے میں پولیس کو علم ہے۔
پولیس کا کہنا ہے کہ ورثا نے قانونی کارروائی کرانے سے انکار کر دیا ، پولیس نے ضابطے کی کارروائی کے بعد لاش ورثا کے حوالے کر دی ۔
پشاور میں رواں سال پولیو کا دوسرا کیس رپورٹ