فلسطینی عوام اپنے ملک کو نہیں چھوڑے گی، حماس
اشاعت کی تاریخ: 28th, January 2025 GMT
اپنے ایک بیان میں حسام بدران کا کہنا تھا کہ نتین یاہو اور ایتمار بن گویر کی سربراہی میں قابض رژیم کی فلسطینیوں کو جبری نقل مکانی پر مجبور کرنے والی تمام کوششیں ناکام ہو گئیں۔ اسلام ٹائمز۔ آج فلسطین کی مقاومتی تحریک "حماس" کے سینئر رہنماء "حسام بدران" نے کہا کہ ہم نے ایک بار پھر دنیا پر ثابت کر دیا کہ فلسطینیوں نے پہلے بھی اپنی سرزمین نہیں چھوڑی نہ ہی اب چھوڑیں گے اور اپنے وطن کے لئے کسی بھی قربانی سے دریغ نہیں کریں گے۔ انہوں نے کہا کہ "نتین یاہو" اور "ایتمار بن گویر" کی سربراہی میں قابض رژیم کی فلسطینیوں کو جبری نقل مکانی پر مجبور کرنے والی تمام کوششیں ناکام ہو گئیں۔ حسام بدران نے کہا کہ فلسطینی قوم اتنی قربانی و قیمت چکا چکی ہے اور چکا رہی ہے اسلئے وہ اپنے گھروں سے بے دخلی اور جبری مہاجرت کے ہر منصوبے کی مخالف ہے۔ انہوں نے کہا کہ فلسطینی قوم ناقابل تسخیر ہے جس کی واضح مثال شمالی غزہ کی پٹی میں ہماری عوام کی واپسی اور صیہونی رژیم کی پسپائی ہے۔
قبل ازیں حماس ہی کے ایک ترجمان "عبداللطیف القانوع" نے کہا کہ فلسطینی قوم اپنی سرزمین پر ثابت قدم ہے۔ انہیں بے گھر کرنے کی ہر کوشش ناکام ہو گی۔ فلسطینی عوام اپنی سرزمین پر باقی رہے گی۔ عبداللطیف القانوع نے کہا کہ قابضین جنگ کے ذریعے جو بات ہماری عوام سے نہیں منوا سکے وہ سیاست کے ذریعے بھی نہیں منوا سکیں گے۔ انہوں نے مزید کہا کہ صیہونی رژیم کوشش کر رہی ہے کہ جنگ بندی میں کئے گئے اپنے وعدوں سے پیچھے ہٹے اور اُن پر عمل نہ کرے لیکن ہم دشمن کو ایسا نہیں کرنے دیں گے۔ حماس کے ترجمان نے کہا کہ اسرائیلی قیدی خواتین کی رہائی کا منظر اس بات کا ثبوت ہے کہ غزہ کے خلاف جنگ میں اسرائیل اپنے اہداف حاصل نہیں کر سکا۔ واضح رہے کہ 15 جنوری 2025ء کو امریکہ و قطر نے اعلان کیا کہ حماس اور صیہونی رژیم کے درمیان جنگ بندی کا معاہدہ ہو گیا ہے۔ اس معاہدے کا اطلاق 19 جنوری کو ہوا۔
ذریعہ: Islam Times
کلیدی لفظ: کہ فلسطینی نے کہا کہ
پڑھیں:
امریکہ کیجانب سے یمن پر حملوں کا مقصد غزہ میں جاری نسل کشی کی حوصلہ افزائی کرنا ہے، انصار الله
اپنے ایک بیان میں محمد عبد السلام کا کہنا تھا کہ ہمارے ملک کیخلاف ظالمانہ امریکی حملے انسانی جرائم کا واضح ارتکاب ہیں۔ جس سے نہتے شہریوں اور بنیادی انفراسٹرکچر کو نشانہ بنانے کے سوا امریکہ کو کچھ حاصل نہیں ہو رہا۔ اسلام ٹائمز۔ یمن کی مقاومتی تحریک "انصار الله" کے ترجمان "محمد عبد السلام" نے کہا کہ ہمارے ملک پر امریکی حملوں کا مقصد صرف اور صرف صیہونی رژیم کے ہاتھوں غزہ میں فلسطینیوں کی نسل کشی کی حوصلہ افزائی کرنا ہے۔ انہوں نے اس امر کی نشاندہی کی کہ امریکی چاہتے ہیں کہ اس نسل کشی کے ذریعے انسانیت کو وحشیانہ دور اور جنگل کے قانون کی طرف لوٹائیں۔ محمد عبد السلام نے کہا کہ ایک ماہ سے جاری امریکی حملوں کے باوجود، آج صنعاء اور دیگر صوبوں میں لاکھوں عوام کی فلسطین کی حمایت میں نکلنے والی ریلیوں میں شرکت، غزہ کے ساتھ اظہار یکجہتی کا اعلان ہے۔ انہوں نے کہا کہ ہمارے ملک کے خلاف ظالمانہ امریکی حملے انسانی جرائم کا واضح ارتکاب ہیں۔ جس سے نہتے شہریوں اور بنیادی انفراسٹرکچر کو نشانہ بنانے کے سوا امریکہ کو کچھ حاصل نہیں ہو رہا۔
انصار الله کے ترجمان نے کہا کہ امریکہ نے یمن پر حملے کے لئے بین الاقوامی کشتی رانی کی حمایت کا جو جواز گھڑا ہے وہ من گھڑت اور باطل ہے۔ اس دعوے کی کوئی حقیقت نہیں۔ کیونکہ امریکہ کا مقصد صرف اسرائیل کی حمایت ہے۔ آخر میں انہوں نے کہا کہ یمنی عوام اور دنیا کے حریت پسندوں کے لئے امریکہ کا چہرہ واضح ہو چکا ہے۔ امریکہ صرف اور صرف صیہونی رژیم کی حمایت کرتا ہے اس لئے بین الاقوامی کشتی رانی کے تحفظ کا امریکی دعویٰ باکل بے جا ہے۔ انصار الله کے تجمان نے کہا کہ امریکہ دوسرے ممالک کی خودمختاری کو نشانہ بنا کر اور بین الاقوامی سرحدوں کو عسکری شکل دے کر صیہونی رژیم کی سلامتی کو یقینی بنانا چاہتا ہے۔
ملتان، ایم ڈبلیو ایم کے زیراہتمام اسرائیلی جارحیت کیخلاف احتجاجی مظاہرہ، شہداء کی یاد میں شمعیں روشن