بگ بیش لیگ کے فائنل میں ہوبارٹ کے بیٹر کی 39 گیندوں پر سنچری، ٹیم کو پہلا ٹائٹل جتوا دیا
اشاعت کی تاریخ: 28th, January 2025 GMT
ہوبارٹ ہریکنز نے مچل اوون کی برق رفتار سنچری کی بدولت پہلی بار آسٹریلیا کی بگ بیش لیگ کا ٹائٹل جیت لیا۔
آسٹریلیا کی ٹی ٹوئنٹی لیگ بگ بیش سیزن 14کا فائنل پیر کو ہوبارٹ ہریکنز اور سڈنی تھنڈرز کے درمیان کھیلا گیا۔
جہاں میزبان ہوبارٹ نے ٹاس جیت کر فیلڈنگ کا فیصلہ کیا۔ سڈنی تھنڈرز نے مقررہ 20 اوورز میں 7 وکٹوں کے نقصان پر 182رنز اسکور کیے۔جیسن سانگھا 67 اور کپتان ڈیوڈ وارنر 48 رنز کے ساتھ نمایاں رہے۔
ہوبارٹ ہریکنز نے 183 رنز کا ہدف مچل اوون کی دھواں دار سنچری کی بدولت 15ویں اوور میں ہی 3 وکٹوں کے نقصان پر حاصل کرلیا اور پہلی بار بگ بیش لیگ کا ٹائٹل اپنے نام کیا۔
مچل اوون نے 39 گیندوں پر شاندار سنچری اسکور کی اور بگ بیش لیگ کی تاریخ کی تیز ترین سنچری بنانے کا ریکارڈ برابر کر دیا۔
انہوں نے 11 چھکوں اور 6 چوکوں کی مدد سے 42 گیندوں پر 108 رنز کی اننگز کھیلی۔
اس سے قبل 2014 میں بگ بیش لیگ میں پرتھ اسکورچرز کے کریگ سمنز نے بھی 39 گیندوں پر سنچری اسکور کی تھی۔
ہوبارٹ ہریکنز نے سڈنی تھنڈرز کو فائنل میں 7 وکٹوں سے شکست دے کر پہلی بار بگ بیش لیگ کا ٹائٹل اپنے نام کیا۔
شاندار بیٹنگ کرنے پر مچل اوون کو پلیئر آف دی میچ کا ایوارڈ دیا گیا۔
.ذریعہ: Daily Mumtaz
کلیدی لفظ: ہوبارٹ ہریکنز بگ بیش لیگ گیندوں پر
پڑھیں:
ویمن انڈر 19 ورلڈ کپ: سری لنکن بولر کے ایک ہی اوور میں ہاتھ بدلنے سے بیٹر پریشان
کرکٹ میں بیٹرز کی سوئچ ہٹ کے بعد بولر نے بھی سوئچ ہینڈ کر کے دکھا دیا۔
یہ واقعہ ویمن انڈر 19 ٹی ٹوئنٹی ورلڈ کپ میں بھارت کے خلاف سری لنکا کے میچ میں پیش آیا ہے۔
میچ کے دوران سری لنکن بولر شاشنی گمہانی نے ایک ہی اوور میں دونوں ہاتھوں سے گیندیں کروا کر بیٹرز کو پریشان کر دیا۔
ویمن کرکٹر کی اس دلچسپ مہارت پر تبصروں اور تعریفوں کا سلسلہ جاری ہے۔
حیدرآباد ،محکمہ بجلی میں خالی آسامیاں پر کرنے کا مطالبہ