کیا پاکستانی کرکٹرز اداکاراؤں کو میسجز کرتے ہیں؟ شاداب خان نے خاموشی توڑ دی
اشاعت کی تاریخ: 28th, January 2025 GMT
کراچی(نیوز ڈیسک)قومی کرکٹ ٹیم کے آل راؤنڈر شاداب خان نے اداکاراؤں کی جانب سے کرکٹرز کے پیغامات موصول ہونے کے دعوؤں پر لب کشائی کی ہے۔حال ہی میں شاداب خان نے نجی ٹی وی پروگرام میں شرکت کی جس میں انہوں نے دلچسپ گفتگو کی۔
دوران شو ایک مداح نے آل راؤنڈر سے سوال کیا کہ اکثر اداکارائیں دعویٰ کرتی ہیں کہ انہیں کرکٹرز سوشل میڈیا پر پیغامات بھیجتے ہیں، تو کیا آپ نے کبھی کسی اداکارہ کو میسج کیا ہے؟شاداب نے تحمل سے سوال سنا اور پھر سوچتے ہوئے جواب دیا کہ اگر کرکٹرز میسجز کرتے بھی ہیں تو اس میں کیا بری بات ہے؟ اگر آپ کو اچھا نہیں لگتا تو آپ جواب مت دیں۔قومی کرکٹر نےکہا نظر انداز کرنے کا آپشن ہر کسی کے پاس ہوتا ہے تو آپ کو برا لگ رہا ہے تو جواب نہ دیں لیکن اداکاراؤں کے جواب بھی آتے ہیں اور وہ دلچسپی بھی ظاہر کرتی ہیں کہ جیسے بات کرنا چاہ رہی ہوں۔
شاداب نے مزید کہا ہم نے بھی کچھ ویڈیوز دیکھی ہیں جس میں بہت زیادہ بڑھا چڑھا کر باتیں بتائی جاتی ہیں لیکن ویسا ہوتا نہیں ہے، کچھ اداکارائیں شہرت کے لیے بھی کرتی ہیں، جیسے ٹورنامنٹ یا ورلڈکپ کے دوران ایسی باتیں سامنے آتی ہیں کیونکہ ہر کسی کی نظریں وہیں ہوتی ہیں۔آل راؤنڈر نے بتایا کہ ‘اس قسم کی خبریں آنے کے بعد ٹیم میں کرکٹرز ایک دوسرے سے پوچھتے ہیں کہ کس نے میسج کیا تھا؟واضح رہے کہ ٹک ٹاکر شاہ تاج نے گزشتہ برس دعویٰ کیا تھا کہ شاداب خان ان سے بات کیا کرتے تھے اور انہوں نے شاداب کو شادی کی پیشکش کی تھی۔اس کے علاوہ اداکارہ نوال سعید بھی یہ دعوے کرچکی ہیں کہ انہیں پاکستانی کرکٹرز پیغامات بھیجتےہیں۔
پاک امریکا تعلقات میں نیا موڑ، پاکستان کیلئے امدا د بند، کئی منصوبے ٹھپ
.ذریعہ: Daily Ausaf
کلیدی لفظ: ہیں کہ
پڑھیں:
آئی سی سی نے بہترین کرکٹرز آف دی ایئر کا اعلان کردیا
انٹرنیشنل کرکٹ کونسل (آئی سی سی) نے سال 2024 کے بہترین کرکٹر کا اعلان کردیا ہے، کوئی بھی پاکستانی کھلاڑی اس فہرست میں شامل نہیں۔
آئی سی سی کی جانب سے جاری سال 2024 کے بہترین کھلاڑیوں میں بھارتی فاسٹ بولر جسپریت بمراہ سرفہرست ہیں، جنہوں نے شاندار کارکردگی کی بدولت سرگارفیلڈ سوبرز ایوارڈ برائے آئی سی سی مین کرکٹر آف دی ایئر 2024 اپنے نام کیا ہے۔
یہ بھی پڑھیں: نئی آئی سی سی رینکنگز جاری، پاکستانی کرکٹرز کا راج، بابر اور شاہین سب سے آگے
جسپریت بمراہ یہ ایوارڈ تمام فارمیٹس میں مسلسل بہترین کارکردگی کی بنیاد پر دیا گیا، اس سے قبل جسپریت بمراہ نے آئی سی سی مین ٹیسٹ کرکٹر آف دی ایئر 2024 کا ایوارڈ بھی اپنے نام کیا تھا۔
جسپریت بمراہ نے آسٹریلیا کے ٹریوس ہیڈ اور انگلینڈ کے جو روٹ اور ہیری بروک کو پیچھے چھوڑتے ہوئے یہ اعزاز اپنے نام کیا، وہ یہ ایوارڈ جیتنے والے پانچویں بھارتی کرکٹر بن گئے ہیں۔
اس سے قبل راہول ڈریوڈ، سچن ٹنڈولکر، روی چندرن اشون، اور ویرات کوہلی بھی یہ ایوارڈ حاصل کر چکے ہیں۔
یہ بھی پڑھیں: آئی سی سی کا کرکٹر آف دی ایئر ایوارڈز کے لیے نامزدگیوں کا اعلان، 2 پاکستانی پلیئرز بھی شامل
جسپریت بمراہ نے 2024 میں شاندار کارکردگی کا مظاہرہ کرتے ہوئے ٹی20 ورلڈ کپ 2024 میں بھارت کو فتح دلانے میں اہم کردار ادا کیا۔ انہوں نے ورلڈ کپ کے 8 میچز میں 15 وکٹیں نام کیں، جن میں جنوبی افریقہ کے خلاف فائنل میں 2 وکٹیں بھی شامل ہیں۔
ٹیسٹ کرکٹ میں بمراہ نے 13 میچز میں 71 وکٹیں حاصل کیں، اس کے ساتھ وہ تیز ترین 200 ٹیسٹ وکٹیں حاصل کرنے والے بھارتی فاسٹ بولر بھی بن گئے ہیں۔
ویمن کرکٹر آف دی ایئرویمن کرکٹر آف دی ایئر 2024 کا ایوارڈ نیوزی لینڈ کی میلی کیر نے اپنے نام کیا ہے، انہوں نے سال کے دوران 43 وکٹیں حاصل کیں، 14 کیچز پکڑے اور 651 رنز بھی اسکور کیے۔
مینز ٹی 20 کرکٹر آف دی ایئر کا ایوارڈ بھارت کے ارشدیپ سنگھ کے نام رہا، ویمن ٹی 20 کرکٹر آف دی ایئر کا ایوارڈ بھی نیوزی لینڈ کی میلی کیر کے نام رہا۔
مینز ون ڈے کرکٹر آف دی ایئر کا ایوارڈ افغانستان کے آل راؤنڈر عظمت اللہ عمر زئی جبکہ ویمن ون ڈے کرکٹر آف دی ایئر بھارت کی سمرتی مندھانا کے نام رہا۔
ایمر جنگ مین کرکٹر آف دی ایئر کا ایوارڈ سری لنکا کے کمندو میندس اور ایمرجنگ ویمن کرکٹر کا ایوارڈ جنوبی افریقا کی انیری ڈرکسن کے نام رہا۔
امپائر آف دی ایئر کا یوارڈ انگلینڈ کے رچرڈ النگ ورتھ کے نام رہا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی آسٹریلیا افغانستان انڈیا ایوارڈ پلیئر آف دی ایئر جسپریت بمراہ سری لنکا نیوزی لینڈ
وادی نیلم میں پراسرار بیماری، نوجوان بچے، بچیاں شکار