امریکی حکام کی پاکستان کے لیے امداد بند ہونے کی تصدیق
اشاعت کی تاریخ: 28th, January 2025 GMT
دنیا کے کئی ممالک کی طرح امریکی حکام نے پاکستان کے لیے بھی امداد بند ہونے کی تصدیق کردی۔
ذرائع کے مطابق پاکستان کے لیے امریکی امداد بند اور کئی اہم منصوبے روک دیے گئے ہیں۔
ذرائع کے مطابق امریکی امداد بند ہونے سے توانائی اور زراعت کے شعبوں کے 5 منصوبے رُک گئے ہیں۔
امریکی اقدام سے تعلیم، صحت اور اقتصادی نمو کے چار، چار منصوبے بھی متاثر ہوئے ہیں۔
اسی طرح جمہوریت، انسانی حقوق، گورننس اور ثقافتی تحفظ کے منصوبے بھی متاثر ہوئے ہیں۔
ذرائع کے مطابق امریکی اہلکار نے خبر رساں اداروں کو بتایا کہ ازسرنو جائزے تک پاکستان کی امداد روک دی گئی ہے۔
.ذریعہ: Daily Mumtaz
پڑھیں:
کراچی کے نوجوان کی محبت میں گرفتار امریکی خاتون کو کس کے حوالے کرنے پر غور؟
کراچی:امریکا سے پاکستانی نوجوان کی محبت میں کراچی آنے والی خاتون کو ائرپورٹ حکام کس کے حوالے کرنے پر غور کررہے ہیں؟ اس حوالے سے ذرائع نے تفصیلات بتا دیں۔
امریکی ریاست نیویارک سے کراچی پہنچنے والی خاتون ، جو نوجوان کی محبت میں اپنے شوہر سے طلاق لے کر اور 2 بچوں کو چھوڑ کر پاکستان پہنچی تھی، گارڈن ویسٹ میں اپنی محبت سے ملنے کے بعد پریشانیوں کا شکار ہو گئی۔ نوجوان نے اسے شادی سے انکار کرتے ہوئے بتایا کہ میرے والدین راضی نہیں ہیں۔
یہ خبر بھی پڑھیں: نوجوان کی محبت میں کراچی آنے والی امریکی خاتون در در کی ٹھوکریں کھانے پر مجبور
بعد ازاں خاتون ویزے کی میعاد ختم ہونے کی وجہ سےا ئرپورٹ پر رہ رہی تھی۔ اس دوران وہاں اس نے جنون کی حالت میں اپنے کپڑے پھاڑے اور ہنگامہ آرائی بھی کی، تاہم گورنر سندھ کی کوشش سے اسے ویزا جاری کروانے کے ساتھ ساتھ امریکا واپسی کی ٹکٹ بھی بک کروا دی گئی۔
بعد ازاں آج صبح خاتون کی امریکا واپسی تھی کہ اس نے ایئرپورٹ پر پھر ہنگامہ کیا اور واپس جانے سے انکار کردیا۔خاتون نے پہلے امیگریشن کرانے سے انکار کیا اور اس کے بعد ڈیپارچر لاؤنج میں جہاز میں سوار نہیں ہوئی۔ خاتون حیلے بہانوں سے کراچی ائیرپورٹ پر امریکا واپسی سے کتراتی رہی۔
مزید پڑھیں: نوجوان کی محبت میں کراچی آنیوالی امریکی خاتون نے ایئرپورٹ پر کیا حرکت کی، حکام پریشان
حکام نے بتایا کہ پولیس اور ایئرپورٹ سکیورٹی نے خاتون کو حفاظتی تحویل میں ڈیپارچر لاؤنج تک پہنچایا۔ ایئرلائن ذرائع کا کہنا ہے کہ جہاز میں سوار کرانے کی تگ و دو کی وجہ سے پرواز 36 منٹ تاخیر کا شکار ہوئی۔ سکیورٹی ایس او پیز کی وجہ سے مسافر کو زبردستی پرواز میں سوار نہیں کرایا جا سکتا ۔
ذرائع کے مطابق ایئرپورٹ حکام نے خاتون کو واپس بھجوانے کے لیے امریکی قونصل خانے سے رابطہ کیا ہے اور اس معاملے پر بات چیت جاری ہے۔ امریکی قونصل خانے کے حکام کراچی ائیرپورٹ پر خاتون سے ملاقات کریں گے۔ ذرائع کا کہنا ہے کہ ائیرپورٹ حکام خاتون کو امریکی قونصل خانے کے حوالے کرنے پر غور کررہے ہیں۔
اب بھی انسانیت کے پاس وقت ہے