محکمہ تعلیم میں سیکڑوں سرکاری نوکریوں کا اعلان
اشاعت کی تاریخ: 28th, January 2025 GMT
اسلام آباد(نیوز ڈیسک) وفاقی حکومت نے محکمہ تعلیم میں سیکڑوں سرکاری نوکریوں کا اعلان کر دیا اور اس حوالے سے اخبارات میں اشتہار بھی دیا کہ گریڈ 14 میں ایلیمنٹری اسکول ٹیچر کی آسامیوں کیلیے درخواستیں مطلوب ہیں۔سرکاری نوکریوں کیلیے درخواستیں جمع کروانے کی آخری تاریخ 10 فروری 2025 ہے۔ کُل 257 آسامیاں خالی ہیں جن میں 212 مردوں اور 45 خواتین کیلیے ہیں۔
اشتہار میں لکھا گیا ہے کہ فیڈرل گورنمنٹ ایجوکیشنل انسٹی ٹیوشنز (کنٹونمنٹس/ گیریژنز) میں درج ذیل مستقل آسامیوں پُر کرنے کیلیے اُن پاکستانی شہریوں سے درخواستیں مطلوب ہیں جن کے پاس مطلوبہ تعلیمی قابلیت، کوٹہ اور عمر ہے۔
درخواست دینے کا طریقہ
اہل امیدوار اس لنک پر کلک کر کے درخواست جمع کروا سکتے ہیں (ہارڈ کاپی قبول نہیں کی جائے گی)
درخواست جمع کروانے سے پہلے امیدواروں کو درست/مطلوبہ دستاویزات اپ لوڈ کرنی ہوں گی
درخواستوں کی جانچ پڑتال کی بنیاد پر شارٹ لسٹ کیے گئے امیدواروں کو تحریری امتحان کیلیے بلایا جائے گا
تحریری ٹیسٹ پشاور، راولپنڈی، لاہور، ملتان، کراچی اور کوئٹہ کنٹونمنٹس میں لیے جائیں گے
امتحان کے مقام، تاریخ اور وقت کے بارے میں اطلاع لاگ ان اکاؤنٹ/ ویب سائٹ کے ذریعے دی جائے گی
امیدواروں کو اپنے لاگ ان اکاؤنٹ سے رول نمبر سلپ ڈاؤن لوڈ کرنا ہوگی اور اسے امتحانی مرکز میں ساتھ لانا ہوگا
اہلیت
سیکنڈ کلاس یا گریڈ سی بیچلر ڈگری (04 سال) یا HEC کے تسلیم شدہ اداروں سے مساوی یا اعلیٰ تعلیم
امیدوار کی اہلیت کا تعین رجسٹریشن کی آخری تاریخ پر کیا جائے گا
عمر کی حد 18 سے 30 سال ہے جس میں 5 سال کی عمر میں نرمی بھی شامل ہے
امیدوار کی عمر کا تعین رجسٹریشن کی آخری تاریخ پر کیا جائے گا
یہ واضح رہے کہ جہاں امیدوار ایک سے زیادہ کیٹیگری کے تحت عمر میں رعایت کا حقدار ہے وہاں اسے صرف ایک ہی میں عمر میں رعایت دی جائے گی۔
انٹرویو/انتخاب کا عمل
شارٹ لسٹ کیے گئے امیدواروں کو ٹیسٹ کے نتائج کی بنیاد پر انٹرویو کیلیے بلایا جائے گا
انٹرویو کے مقام، تاریخ اور وقت کی اطلاع خطوط (لیٹرز) کے ذریعے دی جائے گی
شارٹ لسٹ کیے گئے امیدواروں کو انٹرویو کے وقت اصل دستاویزات (بشمول تعلیمی سرٹیفکیٹ) پیش کرنا ہوں گی
سرکاری ملازمین کو انٹرویو کے وقت اپنے محکمہ سے نو آبجیکشن سرٹیفیکیٹ پیش کرنا ہوگا
ذریعہ: Daily Ausaf
کلیدی لفظ: امیدواروں کو جائے گا جائے گی
پڑھیں:
پنجاب کے سرکاری تعلیمی اداروں میں جدید ٹیکنالوجی متعارف کروانے کا فیصلہ
پنجاب کے سرکاری تعلیمی اداروں میں جدید ٹیکنالوجی کے استعمال کے لیے اہم قدم اٹھایا گیا ہے۔
وزیر تعلیم پنجاب اور سیکریٹری ہائر ایجوکیشن نے لندن میں گوگل کے عہدیداروں سے ملاقات کی، جس میں فیصلہ کیا گیا کہ پنجاب کے سرکاری اسکولوں کے کلاس رومز میں آرٹیفیشل انٹیلیجنس ٹولز متعارف کرائے جائیں گے۔
وزیر تعلیم پنجاب رانا سکندر حیات نے کہا کہ گوگل کے تعاون سے پنجاب میں 25 ہزار نئے کورسز شروع کیے جائیں گے، اور پنجاب میں گوگل کا ایک وسیع اور جدید مرکز بھی قائم کیا جائے گا۔
رپورٹ کے مطابق 2 لاکھ طلبا کو کوڈنگ اور گوگل کی اے آئی ٹریننگ فراہم کی جائے گی۔
رپورٹ کے مطابق پنجاب میں 50 ہزار سرکاری اساتذہ کو گوگل ایجوکیشن کی ٹریننگ دی جائے گی۔
اس کے علاوہ، سرکاری تعلیمی اداروں میں اسمارٹ لیبز قائم کی جائیں گی اور اسکولز کو گوگل کلاوڈ پلیٹ فارم کی سہولت فراہم کی جائے گی۔
وادی نیلم میں پراسرار بیماری، نوجوان بچے، بچیاں شکار