آل سندھ حیات ہائی اسپیڈ کرکٹ لیگ ایمس کلب کے نام
اشاعت کی تاریخ: 28th, January 2025 GMT
حیدرآباد(اسپورٹس ڈیسک)ایمس کرکٹ کلب نے آل سندھ حیات ہائی اسپیڈ کرکٹ لیگ سیزن فائیو جیت لیا۔سندھ ایگریکلچر یونیورسٹی ٹنڈو جام کرکٹ گراؤنڈ پر کھیلے گئے فائنل میں لاروش کرکٹ کلب کراچی کو دل چسپ مقابلے کے بعد 37رنزسے شکست ہو گئی۔آرگنائزنگ سیکریٹری ایس ایم ندیم کے مطابق فائنل اور اختتامی تقریب کے مہمان خصوصی راول شرجیل میمن تھے جنہوں نے فاتح اور رنر اپ ٹیموں کو ٹرافیز اور کھلاڑیوں میں انعامات تقسیم کیے۔ گیسٹ آف آنرز میں ڈپٹی کمشنر حیدرآبادزین العابدین میمن،سابق فرسٹ کلاس کرکٹر عدنان تاج،یو سی چیئر مین64دانش عابد،یو سی چیئر مین66نعیم الرحمان،ڈائرکٹر اسپورٹس انوار حسین خانزادہ،ڈاکٹر امان اللہ،ناصرخانزادہ،ٹیسٹ اسکورر عارف مجید عارف، ذوالفقاراحمد،خرم جعفری،فیضان شیخ، سپرنٹنڈنٹ سندھ اسپورٹس بورڈمظہر خاص خیلی،خرم رفیع صدیقی ، یاسین شیخ،ظفروحید تھے۔مہمان خصوصی راول شرجیل میمن کہنا تھا کہ ٹنڈو جام میں کھیلوں کی سرگرمیوں کو مستقبل میں بھی شاندارا نداز سے سپورٹ کیا جائے گا۔ فائنل میں ایمس کرکٹ کلب حیدرآباد نے پہلے کھیلتے ہوئے پانچ وکٹوں پر168رنز اسکور کیے،جواب میں لاروش کلب کراچی کی ٹیم 131رنز بنا سکی،ایس ایم فہد نے 40رنز بنائے اور ٹاپ اسکورر رہے،حنا دانیال راجپوت فائنل کے مین آف دی میچ قراردیے گئے ۔ ایس ایم فہد کو153 رنز اسکور کرنے،9کیچز اور اسٹمپس کے ساتھ لیگ کا بہترین وکٹ کیپراور ایمرجنگ کرکٹر قرار دیا گیا۔
.ذریعہ: Jasarat News
پڑھیں:
ہمایوں میمن نے اسٹیبلشمنٹ سے رابطے کی تصدیق نہیں کی،کامران مرتضٰی
کراچی (نیوز ڈیسک) نجی ٹی وی کے پروگرام میں گفتگو کرتے ہوئے سینئر رہنما جے یو آئی ف سینیٹر کامران مرتضیٰ نے کہا کہ ڈاکٹر ہمایوں میمن نے مجھ سے رابطہ کیا تھا انہوں نے اسٹیبلشمنٹ سے رابطے کی تصدیق نہیں کی بلکہ میرے خیال سے انہوں نے تردید کی،تجزیہ کارمنیب فاروق نے کہا کہ عمران خان کے ساتھ کسی طرح کی سیٹلمنٹ ہوتی ہوئی نظر نہیں آرہی ہے،میزبان نے تجزیہ پیش کرتے ہوئے کہا کہ ٹرمپ کی جانب سے چین پر 145 فیصد ٹیرف نفاذ کے بعد اب چین اور امریکہ باقاعدہ تجارتی جنگ میں آمنے سامنے آگئے ہیں چینی صدر اور امریکی صدر آمنے سامنے آگئے ہیں۔سینئر رہنما جے یو آئی ف سینیٹر کامران مرتضیٰ نے کہا کہ ڈاکٹر ہمایوں میمن نے مجھ سے رابطہ کیا تھا انہوں نے اسٹیبلشمنٹ سے رابطے کی تصدیق نہیں کی بلکہ میرے خیال سے انہوں نے تردید کی ہے۔ ڈاکٹر ہمایوں نے آج انکار کیا ہے مگر ہم چاہیں گے اسد قیصر کی طرف سے وضاحت آجائے کہ رابطے ہیں یا نہیں ہیں۔ہمیں ان کے آپس کے رابطے پر کوئی مسئلہ نہیں ہے سیاسی باتیں چلتی رہیں گی مگر اتحاد سے شاید ہم پیچھے ہوجائیں۔ہمارا اجلاس انیس اور بیس کو ہے ہم وہاں یہ بات رکھیں گے۔ ہمارا جنرل کونسل سیشن ہے اگر پارٹی اجازت نہیں دے گی تو ہم آگے نہیں بڑھ سکتے ۔تجزیہ کارمنیب فاروق نے کہا معذرت کے ساتھ یہ اعظم سواتی سے اوپر کی بات ہے۔ میزبان نے تجزیہ پیش کرتے ہوئے کہا نیو یارک ٹائمز نے دعویٰ کیا ہے کہ اعلیٰ ایرانی حکام نے آیت اللہ خامنہ ای پر زور دیا کہ امریکہ کے ساتھ مذاکرات نہ کرنے کی صورت میں ایران میں ان کی رجیم کا خاتمہ ہوجائے گا جس کے بعد انہوں نے ملاقات کی اجازت دے دی۔ گزشتہ ماہ ایرانی صدر عدلیہ کے سربراہ اور پارلیمنٹ کے اسپیکر نے ایران کی سپریم لیڈر سے ملاقات کی تھی خامنہ ای نے عوامی طور پر واشنگٹن سے بات چیت کو نادانی اور بے وقوفی قرار دے کر اس کی سختی سے ممانعت کی تھی ۔
Post Views: 3
ٹرمپ حکومت کیخلاف امریکا سمیت مختلف ممالک میں احتجاج، پالیسیاں واپس لینے کا مطالبہ